'2019 Africa Cup of Nations' tournament to be played in Egypt

इजिप्तमध्ये यावर्षीची म्हणजेच ‘2019 आफ्रिका कप ऑफ नेशन्स’ ही फूटबॉल स्पर्धा खेळली जाणार आहे.

‘2019 आफ्रिका कप ऑफ नेशन्स’:-

  1. आफ्रिका कप ऑफ नेशन्स (आफ्रिकी देशांचा चषक) ही आफ्रिका खंडात आयोजित केली जाणारी एक फुटबॉल स्पर्धा आहे.
  2. ह्यातील विजेत्याला आफ्रिकाचा विजेता हे पद मिळते, तसेच फिफा कॉन्फेडरेशन्स चषक स्पर्धेत आमंत्रण मिळते.
  3. सन 1957 साली ही स्पर्धा पहिल्यांदा खेळवली गेली.
  4. 1968 सालापासून दर दोन वर्षांनी खेळली जाते.
  5. ही स्पर्धा आयोजित करण्याची जबाबदारी आफ्रिक्री फुटबॉल महासंघ (CAF) कडे आहे.


Hockey India pulled Harendra Singh as the coach of the Indian men's team

  1. भारतीय पुरुष हॉकी संघाचे प्रशिक्षक हरेंद्र सिंग यांना दि. 9 जानेवारी 2019 रोजी हॉकी इंडियाने प्रशिक्षक पदावरून काढून टाकले.
  2. हरेंद्र सिंग यांची गतवर्षी मे महिन्यात प्रशिक्षकपदी नियुक्ती केली गेली होती.
  3. 2018 सालामधील संघाच्या खराब कामगिरीसाठी जबाबदार धरत त्यांच्यावर ही कारवाई केली गेली.
  4. पुरुषांच्या वरिष्ठ संघाऐवजी कनिष्ठ संघाला प्रशिक्षण द्यावे, असा प्रस्ताव भारतीय हॉकी संघटनेने यावेळी त्यांच्यासमोर ठेवला आहे.
  5. हॉकी इंडिया हे भारतातले हॉकी खेळाचे प्रशासकीय मंडळ आहे. IOA ने 2008 साली भारतीय हॉकी महासंघ बरखास्त केल्यानंतर सन 2009 मध्ये हॉकी इंडियाची स्थापना करण्यात आली.
  6. याचे प्रायोजकत्व सहारा इंडिया परिवाराकडे आहे.


Launch of the second 'khelo India Youth Games' in Pune

  1. दि. 9 जानेवारी 2019 पासून महाराष्ट्र राज्यात पुणे शहरात ‘खेलो इंडिया’ या क्रिडा महोत्सवाचा शुभारंभ करण्यात आला आहे.
  2. केंद्रीय क्रिडामंत्री राज्यवर्धन सिंग राठोड तसेच राज्य मुख्यमंत्री देवेंद्र फडणवीस यांच्या हस्ते या महोत्सवाचे उद्घाटन केले गेले.
  3. देशभरातील युवा खेळाडूंना आपले कौशल्य दाखविण्याची संधी देणाऱ्या, 12 दिवस रंगणाऱ्या या क्रिडा महोत्सवात 36 राज्यांमधील 6000 खेळाडू सहभागी होणार आहेत.
  4. या क्रिडा महोत्सवात 18 क्रिडाप्रकारांचा समावेश आहे.
  5. तिरंदाजी, अ‍ॅथलेटिक्स, बॅडमिंटन, बॉक्सिंग, लॉन टेनिस, टेबल टेनिस जिम्नॅस्टिक्स, ज्युदो, नेमबाजी, जलतरण, टेबल टेनिस, हॉकी, वेटलिफ्टिंग, बास्केटबॉल, कबड्डी,  खो-खो, फुटबॉल, व्हॉलीबॉल असे 18 खेळ आहेत.
  6. ‘खेलो इंडिया’-
  7. एप्रिल 2016 मध्ये भारत सरकारने देशात क्रिडा क्षेत्राला प्रोत्साहन देण्यासाठी ‘खेलो इंडिया’ ही नवीन योजना सुरू केली.
  8. समाजाच्या अगदी तळागळात बदल करून राष्ट्रव्यापी क्रिडा संस्कृतीला प्रोत्साहन देण्याच्या उद्देशाने 31 जानेवारी ते 3 फेब्रुवारी 2018 या काळात ‘खेलो इंडिया स्कूल गेम्स’ याच्या प्रथम संस्करणाचे आयोजन करण्यात आले.
  9. स्पर्धांमधून निवडण्यात येणार्‍या सर्वश्रेष्ठ प्रतिभावंत खेळाडूंना आठ वर्षापर्यंत दरवर्षी प्रत्येकी पाच लक्ष रुपये शिष्यवृत्ती प्रदान केली जाणार, जी 1000 उदयोन्मुख खेळाडूंसाठी निश्चित करण्यात आलेली आहे.
  10. वर्षागणीक खेळाडूंना ‘खेलो इंडिया’ अंतर्गत जोडण्यात येणार. क्रिडा स्पर्धा आणि शिक्षण अश्या दोन्ही प्रकारे खेळाडूंना सहभाग घेता येईल अश्या देशभरातल्या 20 विद्यापीठांना सर्वोत्कृष्ट क्रिडा केंद्र म्हणून प्रोत्साहन दिले जाणार.
  11. मोठ्या राष्ट्रीय शारीरिक आरोग्यासंबंधी कार्यक्रमामधून 10-18 वर्षे वयोगटातील 200 दशलक्ष लहान मुला-मुलींना या कार्यक्रमात समाविष्ट केले गेले. शालेय खेळांमध्ये 16 क्रिडा प्रकारांचा समावेश केला गेला.


Australia's Ricky Ponting joins ICC Cricket Hall of Fame

  1. ऑस्ट्रेलियाचा माजी कर्णधार रिकी पाँटिंग यांचा ‘ICC क्रिकेट हॉल ऑफ फेम’ यामध्ये समावेश करण्यात आला.
  2. यासह हा सन्मान लाभणार्या 25 ऑस्ट्रेलियन क्रिकेटपटूंमध्ये रिकी पाँटिंगचा समावेश झाला आहे.
  3. ICC हॉल ऑफ फेमचा मानकरी व माजी सहकारी ग्लेन मॅकग्राने पाँटिंगला याबाबतची मानाची टोपी प्रदान केली.
  4. मेलबर्नमध्ये चालू असलेल्या भारत आणि ऑस्ट्रेलिया यांच्यामधील तिसर्या कसोटी सामन्यादरम्यान हा सोहळा संपन्न झाला.
  5. जुलैमध्ये भारताचा राहुल द्रविड (माजी कर्णधार) व इंग्लंडची क्लेरे टेलर (महिला क्रिकेटपटू-यष्टीरक्षक) यांना ICC वार्षिक समारंभात ‘ICC क्रिकेट हॉल ऑफ फेम’ सन्मान जाहीर केला गेला.
  6. रिकी पाँटिंग तीनदा ICC विश्वचषक जेतेपदाचा साक्षीदार ठरला असून, त्यापैकी दोनदा ते स्वतः कर्णधार होते.
  7. कारकीर्द- 
  सामने धावा शतके
कसोटी 168 13378 41
एकदिवसीय 375 13704 30


Jay Kawali as president of Maharashtra Boxing Association

  1. राज्यभरात बॉक्सिंगचे जाळे विणण्यात मोलाची भूमिका बजावणारे तसेच महाराष्ट्रातील बॉक्सिंगचा चेहरा म्हणून ओळखल्या जाणाऱ्या ‘जय कवळी’ यांची महाराष्ट्र बॉक्सिंग महासंघाच्या अध्यक्षपदी बिनविरोध निवड झाली.
  2. महासंघाच्या कार्यकारिणीची निवडणूक 30 डिसेंबर रोजी कल्याण येथे होत असून महासचिव, सचिव आणि खजिनदार या तीन पदांसाठी चुरस रंगणार आहे. 
  3. कोल्हापूरचे आमदार सतेज पाटील व पुण्याचे रमेशदादा बागवे यांच्यासह मराठवाडय़ातील माजी आमदार श्रीकांत जोशी तसेच परभणीचे आमदार राहुल पाटील हे उपाध्यक्षपदी असतील.
  4. खेळाडू या नात्याने माजी ऑलिम्पियन मनोज पिंगळे, कॅप्टन शाहू बिराजदार तसेच कॅप्टन गोपाल देवांग आणि गुरुप्रसाद रेगे हे उपाध्यक्षपदी कार्यरत असतील.
  5. तर याव्यतिरिक्त रिझवी एज्युकेशन सोसायटीचे जावेद रिझवी, सावरकर राष्ट्रीय स्मारकाचे रणजित सावरकर, पश्चिम महाराष्ट्रातील प्रवरा सैनिक स्कूलचे कर्नल दिलीप परब, सांगलीचे माजी उपमहापौर मुन्ना कुरणे, देवगड एज्युकेशन बोर्डाचे जितेंद्र तावडे, नागपूरमधील सज्जाद हुसेन, चंद्रपूरमधील डॉ. भगवानदास प्रेमचंद यांची उपाध्यक्ष म्हणून बिनविरोध निवड झाली आहे.


Belgium: Men's Hockey World Cup winner of 2018

  1. पुरुष हॉकी विश्वचषक स्पर्धेच्या अंतिम सामन्यात बेल्जियमने नेदरलँड संघाला 3-2 ने पराभूत करून प्रथमच विजेतेपद जिंकले आहे.
  2. भारतात भुवनेश्वर (ओडिशा राज्य) शहरात ‘FIH हॉकी विश्वचषक 2018’ स्पर्धा या देशात खेळली गेली.
  3. स्पर्धेचे अन्य पुरस्कृत - 
    1. गतविजेत्या ऑस्ट्रेलियाने तिसऱ्या स्थानासाठी (कांस्यपदक) झालेल्या लढतीत इंग्लंडचा पराभव केला.
    2. तीन गोल झळकावणाऱ्या ऑस्ट्रेलियाच्या टॉम क्रेगला सामनावीर पुरस्काराने गौरवण्यात आले.


P. V. Sindhu won the World Tour Finals title

  1. भारताच्या ऑलिम्पिक आणि जागतिक रौप्यविजेत्या बॅडमिंटनपटू पी. व्ही. सिंधूनं ग्वांगझूमधल्या वर्ल्ड टूर फायनल्सच्या विजेतेपदावर आपलं नाव कोरलं.
  2. तिनं अंतिम फेरीत जपानच्या नोझोमी ओकुहाराचं कडवं आव्हान 21-19, 21-17 असं मोडीत काढलं.
  3. सिंधूचं वर्ल्ड टूर फायनल्सचं हे पहिलंच विजेतेपद ठरलं.
  4. याआधी 2017 च्या वर्ल्ड टूर फायनल्समध्ये सिंधूला उपविजेतेपदावर समाधान मानावं लागलं होतं.
  5. सिंधूचा हा कारकिर्दीतील 300 वा विजय ठरला. सलग सात पराभवानंतर अखेर सिंधूने आज विजेतेपद पटकावले. 


Manika Batra topped table tennis player

  1. भारताची महिला टेबल टेनिसपटू मनिका बत्राने आपल्या शिरपेचात मानाचा तुरा रोवला आहे. 
  2. आंतरराष्ट्रीय टेबल टेनिस संघटनेचा मानाचा ‘Breakthrough Star’ पुरस्कार मिळवणारी मनिका पहिली भारतीय खेळाडू ठरलीआहे. इंचॉन येथे हा सोहळा पार पडला. 
  3. 2018 साल मनिकासाठी चांगले गेले आहे.
  4. राष्ट्रकुल क्रीडा स्पर्धांमध्ये मनिकाने भारताला महिला टेबल टेनिसमध्ये पहिले सांघिक सुवर्णपदक मिळवून दिले होते.
  5. चार वेळा सुवर्णपदक विजेत्या सिंगापूरच्या प्रतिस्पर्ध्याचा मनिकाने 3-1 ने पराभव केला होता.
  6. तर यानंतर वैय्यक्तिक प्रकारातही मनिकाने सुवर्णपदकाची कमाई केली होती.
  7. याचसोबत महिला दुहेरी प्रकारात रौप्य तर मिश्र दुहेरी प्रकारात कांस्य पदकाची कमाई करत मनिका बत्राने भारताचे स्थान भक्कम केले होते.
  8. 23 वर्षीय मनिका बत्राने यानंर इंडोनेशियातील जकार्ता येथे झालेल्या आशियाई क्रीडा स्पर्धांमध्ये शरथ कमालच्या साथीने मिश्र दुहेरी प्रकारात कांस्यपदकाची कमाई केली होती.
  9. यादरम्यान जागतिक क्रमवारीत मनिकाने 52 हे आपले सर्वोत्तम स्थान पटकावले होते.


Abhinav Bindra honors Blue Cross Award from ISSF

  1. भारताचा माजी नेमबाजपटू आणि बिजींग ऑलिम्पिक सुवर्णपदक विजेता अभिनव बिंद्राने देशाची मान आणखी एकदा उंचावली आहे. 
  2. 36 वर्षीय अभिनवला ISSF (आंतरराष्ट्रीय नेमबाजी संघटना) कडून  मानाचाBlue Cross पुरस्कार घोषित करण्यात आला आहे.
  3. नेमबाजी क्षेत्रात ब्लू क्रॉस हा सर्वोच्च पुरस्कार ओळखला जातो. हा पुरस्कार मिळवणारा अभिनव बिंद्रा पहिलाच भारतीय खेळाडू ठरला आहे.
  4. नेमबाजी क्षेत्रात आतापर्यंत केलेल्या चांगल्या कामगिरीबद्दल  अभिनवला हा पुरस्कार देण्यात येणार आहे.
  5. या पुरस्काराबद्दल अभिनवनेही आतापर्यंत आपल्या प्रवासात साथ दिलेल्या सर्वांचे आभार मानले आहेत.
  6. बिजींग ऑलिम्पिकमध्ये मिळवलेल्या सुवर्णपदकासह, अभिनव बिंद्राने 2006 साली झालेल्या जागतिक अजिंक्यपद स्पर्धेचं सुवर्णपदकही पटकावले होते.
  7. याव्यतिरीक्त 7 राष्ट्रकुल खेळांची पदके आणि 3  आशियाई खेळांची पदकंही अभिनवच्या नावावर जमा आहेत.
  8. त्याच्या क्रीडा क्षेत्रातील कामगिरीबद्दल भारत सरकारने त्याचा खेलरत्न, अर्जुन पुरस्कार आणि पद्मभुषण या सर्वोच्च पुरस्कारांनी सन्मान केला  आहे.


Australia: Winner of the T-20 Women's World Cup

  1. अँटीगुआ आणि बारबूडा या कॅरेबियन राष्ट्राच्या अँटीगुआ बेटावर खेळल्या गेलेल्या ‘ICC टी-20 महिला विश्वचषक 2018’ या स्पर्धेचे विजेतेपद ऑस्ट्रेलियाच्या महिला संघाने पटकावले आहे.
  2. ऑस्ट्रेलियाने चौथ्यांदा टी-20 विश्वचषक जिंकला आहे.
  3. ऑस्ट्रेलियाने अंतिम सामन्यात इंग्लंडचा पराभव केला.
  4. या विश्वचषकात ऑस्ट्रेलियाच्या अलिसा हेली हिला मालिकेतला सर्वोकृष्ट खेळाडूचा पुरस्कार देण्यात आला.
  5. तर आपल्या पत्नीप्रमाणेच पती मिशेल स्टार्कनेही 2015 सालच्या विश्वचषक स्पर्धेच्या मालिकेतला सर्वोकृष्ट खेळाडूचा पुरस्कार पटकावला होता.
  6. टी-20 विश्वचषक स्पर्धांमध्ये एखाद्या दांपत्याने मालिकेतला सर्वोकृष्ट खेळाडूचा पुरस्कार मिळवण्याची ही क्रिकेट इतिहासातली पहिलीच घटना आहे.


Top