Neha Narkhede In America's top-tech women

  1. फोर्ब्सने नुकतीच 2018 या वर्षाची औद्योगिक क्षेत्रातील टॉप 50 महिलांची यादी जाहीर केली आहे.
  2. जगभरातील महिलांचा यामध्ये समावेश असला तरीही भारतीयांसाठी आणि मराठी लोकांसाठी ही यादी विशेष खास आहे. 
  3. कारण यामध्ये चार भारतीय वंशाच्या महिलांचा समावेश असून त्यातील एक महिला मराठमोळी आहे.
  4. त्यामुळे जागतिक स्तरावर तंत्रज्ञानाच्या क्षेत्रात मराठी महिला आपले स्थान निर्माण करत असल्याचे  चित्र आहे.
  5. नेहा नारखेडे या मराठमोळ्या तरुणीने यामध्ये बाजी मारल्याने मराठी लोकांसाठी तर ही नक्कीच अभिमानास्पद बाब आहे.
  6. नारखेडे यांनी पुणे विद्यापीठातून शिक्षण घेतले असून त्या कोफ्लूएंट या कंपनीच्या  सहसंस्थापक आहेत.
  7. सुरुवातीला त्यांनी लिंक्डइन या कंपनीत सॉफ्टवेअर इंदिंनिअर म्हणून काम केले.
  8. अपाची काफका हे सॉफ्टवेअर विकसित करण्यामध्ये त्यांनी महत्त्वाचे योगदान दिले आहे.
  9. तर नेटफ्लिक्स, गोल्डमॅन सॅशे आणि उबर यांसारख्या कंपन्या नारखेडे यांच्या कंपनीच्या ग्राहक कंपन्या आहेत.
  10. नारखेडे यांचे वय अवघे 32 असून त्यांनी या यादीत 35व्या स्थान पटकावले आहे.


Brigadier Kuldip Singh Chandpuri, hero of Battle of Longewala during the 1971 Indo-Pak war dies at 78

  1. 1971 साली झालेल्या भारत-पाकिस्तान युद्धात विजय मिळवून देण्यात मोलाचा वाटा असलेल्या ब्रिगेडियर (निवृत्त) कुलदीप सिंग चंदपुरी यांचे मोहालीत निधन झाले.
  2. ते 78 वर्षांचे होते.
  3. राजस्थान येथील लोगेंवाला सीमेवर पाकिस्तानकडून दिनांक 5 आणि 6 डिसेंबर 1971 रोजी मध्यरात्री हल्ला करण्यात आला होता.
  4. यावेळी पंजाब तुकडीचे नेतृत्व कुलदीप सिंग चंदपुरी यांनी केले होते.
  5. या युद्धात त्यांनी भारताला विजय मिळवून दिला होता.
  6. कुलदीप सिंग यांना त्यांच्या या शौर्यासाठी महावीरचक्राने सन्मानित करण्यात आले.


stan-lee-creator-of-spider-man-and-other-marvel-superheroes-dead-at-95

  1. जगप्रसिद्ध मार्वल कॉमिक्सचे जनक स्टेन ली यांचे 12 नोव्हेंबर रोजी निधन झाले. 
  2. वयाच्या 95 व्या वर्षी त्यांनी अखेरचा श्वास घेतला.
  3. स्पायडरमॅन, आयर्नमॅन, ब्लॅक पँथर, हल्क यांच्यासारख्या सुपरहिरोंच्या पात्रांची निर्मिती करणाऱ्या स्टेन ली यांच्यावर एका खासगी रुग्णालयात उपचार सुरू होते. 
  4. अमेरिकेतील कॉमिक बुक संस्कृतीचा चेहरा अशी ली यांची ओळखहोती.
  5. स्टेन ली यांच्या मृत्यूची माहिती त्यांच्या मुलीने दिली. यानंतर अनेकांनी सोशल मीडियावर त्यांना श्रद्धांजली अर्पण केली. 
  6. ली यांचा जन्म 28 डिसेंबर 1922 रोजी न्यूयॉर्कमध्ये झाला होता.
  7. सन 1961 मध्ये त्यांनी द फॅन्टास्टिक फोरसोबत मार्वल कॉमिक्स सुरु केले. त्यानंतर यामध्ये स्पायडरमॅन, एक्स मॅन, हल्क, आयर्न मॅन, ब्लॅक पँथर आणि कॅप्टन अमेरिका यांसारख्या सुरपहिरोंच्या पात्रांचा समावेश झाला.
  8. स्टेन ली काही हॉलीवूड चित्रपटांमध्येदेखील दिसले होते.


N. D. Tiwari passes away

  1. उत्तर प्रदेश आणि उत्तराखंडचे माजी मुख्यमंत्री एन. डी. तिवारी यांचे दीर्घ आजाराने निधन झाले. ते ९३ वर्षांचे होते.
  2. दिल्लीतील साकेत येथील मॅक्स रुग्णालयात त्यांनी अखेरचा श्वास घेतला. सप्टेंबर महिन्यात पक्षाघाताचा झटका आल्याने तिवारी यांना मॅक्स रुग्णालयात दाखल करण्यात आले होते.
  3. तिवारी यांचा जन्म नैनितालमधील बलौटी गावात ऑक्टोबर १९२५ साली झाला होता. अलाहाबाद विद्यापीठातून त्यांनी शिक्षण घेतले.
  4. राज्यशास्त्रात त्यांनी एमए केले होते. यानंतर त्यांनी एलएलबीदेखील केले. महाविद्यालयात शिक्षण घेत असतानाच ते काँग्रेसशी संबंधित विद्यार्थी संघटनेत सामील झाले.
  5. शिक्षण पूर्ण झाल्यावर ते राजकारणात उतरले. उत्तर प्रदेश आणि उत्तराखंड या दोन्ही राज्यांचे मुख्यमंत्रीपद भूषवण्याचे दुर्मिळ योगायोगही त्यांच्या नशिबी आला.
  6. गांधी घराण्याचे निकटवर्तीय असल्याने १९७६ मध्ये त्यांना पहिल्यांदा उत्तर प्रदेशमधील मुख्यमंत्रीपदावर संधी मिळाली.
  7. १९८४ मध्ये ते पुन्हा एकदा उत्तर प्रदेशचे मुख्यमंत्री झाले. त्यांच्या नेतृत्वाखाली उत्तर प्रदेशमध्ये काँग्रेसला घवघवीत यश मिळाले. मात्र, विजयाच्या दोन महिन्यांनंतरच एन. डी. तिवारी यांची उचलबांगडी करण्यात आली.
  8. तिवारी १९८८ मध्ये तिसऱ्यांदा उत्तर प्रदेशचे मुख्यमंत्री झाले. मात्र, १९८९ मधील निवडणुकीत काँग्रेसचा उत्तर प्रदेशमध्ये दारुण पराभव झाला.
  9. तिवारी यांनी तीन वेळा उत्तर प्रदेशचे मुख्यमंत्रीपद भूषवले. मात्र, तिन्ही वेळा त्यांना वर्षभरापेक्षा जास्त काळ मुख्यमंत्रीपदावर राहता आले नाही. ते राज्यसभा आणि लोकसभा अशा दोन्ही सभागृहांमध्ये खासदारही होते.
  10. २००२ साली ते उत्तराखंडचे मुख्यमंत्री झाले. तिवारी यांनी २००७ ते २००९ या काळात आंध्र प्रदेशचे राज्यपालपद सांभाळले होते. त्या वेळी सेक्स स्कँडलमध्ये अडकल्याने त्यांनी राजीनामा दिला.
  11. एन. डी. तिवारी आणि वाद:-
    1. रोहित शेखर या तरुणाने २००७मध्ये दिल्ली उच्च न्यायालयात याचिका करून एन. डी. तिवारी हे आपले जैविक पिता असल्याचे जाहीर करावे, अशी मागणी केली होती.
    2. न्यायालयाने तिवारी हे रोहितचे पिता असल्याचे जाहीर केल्यानंतर तिवारी यांनीही हे मान्य केले.
    3. त्यानंतर उज्ज्वला शर्मा यांनी तिवारी यांच्या घरासमोर निदर्शने केली होती. शेवटी तिवारी यांनी आपल्या आयुष्यात तिला प्रवेश दिला.


/professor-k-j-purohit-aka-shantaram-dies-at-the-age-of-95

  1. ज्येष्ठ साहित्यिक के. ज. पुरोहित ऊर्फ शांताराम यांचे बुधवारी सायंकाळी ६ च्या सुमारास वांद्रे येथील साहित्य सहवासमधील राहत्या घरी वृद्धापकाळाने निधन झाले.
  2. ते ९५ वर्षांचे होते. त्यांच्या पश्चात पत्नी, मुलगा, मुलगी, नातवंडे असा परिवार आहे. त्यांच्या पार्थिवावर बुधवारी रात्री १० वाजता शिवाजी पार्क येथील स्मशानभूमीत अंत्यसंस्कार करण्यात आले.
  3. पुरोहित यांनी १९८९ मध्ये अमरावती येथे झालेल्या ६२व्या अखिल भारतीय मराठी साहित्य संमेलनाचे अध्यक्षपद भूषविले होते. कथाकार म्हणून त्यांचा नावलौकिक मोठा होता.
  4. पुरोहित यांचे पूर्ण नाव केशव जगन्नाथ पुरोहित. त्यांनी 'शांताराम' या टोपणनावाने लेखन केले.
  5. सन १९८९मध्ये झालेल्या अखिल भारतीय मराठी साहित्य संमेलनाचे अध्यक्षपद त्यांनी भूषवले होते. पुरोहित यांचा जन्म नागपूरचा.
  6. त्यांनी कर्मभूमी म्हणून मुंबईची निवड केली. नागपूर विद्यापीठातून इंग्रजीमध्ये पदव्युत्तर शिक्षण घेतल्यानंतर त्यांनी विविध महाविद्यालयांमध्ये प्राध्यापक म्हणून नोकरी केली.
  7. जोगेश्वरीच्या ईस्माइल युसुफ महाविद्यालयात ते प्राचार्य म्हणून कार्यरत होते. जागतिक मराठी साहित्य परिषदेचे ते उपाध्यक्ष होते.
  8. गृहस्थी लेखक हरपले:- 
    1. ज्येष्ठ साहित्यिक के. ज. पुरोहित ऊर्फ शांताराम यांना सन २०११चा राज्य सरकारतर्फे देण्यात येणारा विंदा करंदीकर जीवनगौरव पुरस्कार देऊन गौरवण्यात आले होते. त्यांनी विपुल कथालेखन केले.
    2. शांताराम यांनी कथांमधून वेगवेगळे विषय हाताळले. त्यांच्या लेखनामध्ये स्थिरता होती. तसेच ते गृहस्थी लेखक म्हणून मानले जायचे.
    3. अंधारवाट, आठवणींचा पार, उद्विग्न सरोवर, काय गाववाले, चंद्र माझा सखा, चेटूक, छळ आणि इतर गोष्टी, जमिनीवरची माणसं, ठेवणीतल्या चीजा, धर्म, मनमोर, रेलाँ रेलाँ, लाटा, शांताराम कथा, शिरवा, संत्र्यांचा बाग, संध्याराग, सावळाच रंग तुझा, हेल्गेलंडचे चांचे (अनुवाद) आदी पुरोहित यांची साहित्य संपदा आहे.


Due to the demise of Kashinath Wadekar, mourning at the literary movement

  1. मुळचे सांगलीकर असलेले सहित्यिक प्रा. काशीनाथ बंडो वाडेकर यांनी आपले अर्धे आयुष्य सावंतवाडीत प्राध्यापक म्हणून काढले आहे.
  2. प्राध्यापक आणि एक यशस्वी साहित्यिक असा त्यांचा प्रवास थक्क करणारा होता. त्यांच्या निधनामुळे सिंधुदुर्गाचीसाहित्य चळवळ पोरकी झाली आहे.
  3. येथील साहित्य चळवळीचा त्यांनी जवळून अभ्यास केला होता. आरती मासिकातील मात्रा आणि वेलांट्या हे सदर तर त्यांचे खूपच गाजले होते. त्यांच्या या सदरांची दखल खुद्द कवीवर्य मंगेश पाडगावकर यांनी ही घेतली होती. तसेच त्यांच्या या पुस्तकाला त्यांनी प्रस्तावनाही दिली होती.
  4. प्रा. काशीनाथ वाडेकर हे मूळचे सांगली येथील पण त्यांनी आपल्या आयुष्यातील बराच काळ हा सावंतवाडीमध्ये घालवला.
  5. ते येथील पंचम खेमराज महाविद्यालयात मानसशास्त्र विषयाचे प्राध्यापक होते. त्यामुळे त्यांचे विद्यार्थी वर्गाबरोबरच सावंतवाडीतील सर्वच क्षेत्रातील नागरिकांशी त्यांचे जवळचे संबध होते.
  6. वाडेकर सरांना पूर्वीपासूनच लेखनाची आवड होती. त्यामुळे त्यांनी आपला बराच काळ हा सिंधुदुर्गातील सहित्य क्षेत्रात घालवला.
  7. ते कोकण मराठी साहित्य परिषदेशी जोडले गेले होते. त्यामुळे त्यांचा आरती मासिकाशी विशेष संबध आला. त्यांनी आरती मासिकामध्ये मात्रा आणि वेलांटी हे सदर सुरू केले.
  8. हे सदर त्यांचे विशेष गाजले होते. सामाजिक प्रश्नावर भाष्य करणारे हे सदर होते. त्यांच्या या सदराची तेव्हा कविवर्य मंगेश पाडगावकर यांनीही विशेष दखल घेतली होती.
  9. त्यानंतर मात्रा व वेलांट्या या नावाने पुस्तकही प्रसिद्ध झाले. त्याला पाडगावकर यांनी खास अशी प्रस्तावनाही दिला होती. अनेक जण आरती मासिकातील मात्रा व वेलांटी हे सदर वाचण्यासाठी उत्सुक असायचे. त्यामुळे मात्रा व वेलांटीमुळे सरांचे विशेष नाव झाले आणि ते साहित्य क्षेत्रात नावारूपास येऊ लागले.
  10. सावंतवाडीत मराठी साहित्य संमेलन झाले. त्याच्या आयोजनातही सरांचा मोठा वाटा होता. सर फु. मा. भावे या राज्यस्तरावर संस्थेचे सहकार्यवाह म्हणून काम पाहात होते. ते आणि कै. प्रा. रमेश चिटणीस यांच्यात चांगला स्नेह होता.
  11. चिटणीस यांचे निधन झाल्यानंतर प्रा. वाडेकर यांनी त्यांच्यावर विशेष असे आनंदयात्री हे पुस्तक लिहले होते. आणि ते स्वखर्चाने प्रसिद्ध केले होते.
  12. सावंतवाडीत असताना त्यांनी अनेक कथा कादंबऱ्याही लिहील्या आहेत. अनेक लेखकांच्या कथा कादंबऱ्यांवर समिक्षा किंवा चर्चा ते घडवून आणत असत. सावंतवाडीतील नाट्यदर्शन चळवळीशी त्यांचा जवळचा संबध होता. त्यानी अनेक नाटकात स्वत: हून काम केले आहे.
  13. साहित्य चळवळीशी जोडले गेल्याने त्यांना अनेक पुरस्कारही प्राप्त झाले होते. सावंतवाडीत झालेल्या विद्रोही साहित्य संमेलनाला वाडेकर सर यांनी खास उपस्थिती लावली होती. सिंधुदुर्गमध्ये साहित्याच्या संबधित कोणतेही काम असले की वाडेकर सर पुढे असायचे.
  14. आपली ३५ वर्षे त्यानी प्राध्यापक म्हणून सावंतवाडीत घालवली. या काळात ते शहरातील माठेवाडा भागात राहात असत. पंचम खेमराज महाविद्यालयातून ते निवृत्त झाल्यानंतर त्यांनी आपल्या मूळ सांगली येथे जाणे पंसत केले. मात्र त्यांचे सावंतवाडीवरचे प्रेम कमी झाले नाही.
  15. कोकण मराठी साहित्य परिषद असो अगर सावंतवाडीतील साहित्यातील कोणतीही घडामोड असू दे वाडेकर सर हे सावंंतवाडीत येणारच, असे ठरले होते.

 


Microsoft's co-founder Paul Allen passed away

  1. जगातील प्रसिद्ध सॉफ्टवेअर कंपनी 'मायक्रोसॉफ्ट'चे सहसंस्थापक पॉल अॅलन यांचे वयाच्या 65 व्या वर्षी निधन झाले आहे. काही वर्षांपासून त्यांची कर्करोगाशी झुंज सुरू होती.
  2. त्यानंतर सोमवारी (15 ऑक्टोबर) कर्करोगाने त्यांचे निधन झाले आहे.
  3. पॉल यांच्या 'वल्कन इंक' या कंपनीने त्यांचे निधन झाल्याचे जाहीर केले.
  4. 2009 पासून ते कर्करोगावर उपचार घेत होते.
  5. पॉल अॅलन आणि त्यांचा बालपणीचा मित्र बिल गेट्स यांनी मिळून 'मायक्रोसॉफ्ट' या कंपनीचा पाया रचला होता.
  6. 1975 मध्ये त्यांनी 'मायक्रोसॉफ्ट'ची स्थापना केली आणि काही काळातच 'मायक्रोसॉफ्ट' ही एक प्रसिद्ध सॉफ्टवेअर कंपनी बनली.


After 111 days fast G. D. Agrawal passed away

  1. गंगा नदी वाचवण्यासाठी गेल्या 111 दिवसांपासून आमरण उपोषणाला बसलेले कानपूर IITचे माजी प्राध्यापक जी. डी. अग्रवाल यांचे दिनांक 11 ऑक्टोबरला निधन झाले.
  2. गंगा नदी प्रदूषणमुक्त करण्यासाठी सरकार पातळीवर कोणत्याही उपायोजना न झाल्याच्या निषेधार्थ अग्रवाल आमरण उपोषणाला बसले होते.
  3. ऋषिकेशमधील एम्स रुग्णालयात त्यांनी अखेरचा श्वास घेतला.
  4. अग्रवाल स्वामी ग्यान स्वरुप सानंद म्हणूनही ओळखले जात.
  5. त्यांनी केंद्रीय प्रदूषण नियंत्रण मंडळाचे सदस्य म्हणून काम केले होते.
  6. फेब्रुवारी महिन्यात त्यांनी पंतप्रधान नरेंद्र मोदींना पत्र लिहून गंगा नदीसाठी स्वतंत्र कायदा करण्याची मागणी केली होती.


Sentenced to former South Korean President Lee Myung Baak

  1. दक्षिण कोरियाच्या सेऊलस्थित न्यायालयाने देशाचे माजी राष्ट्रध्यक्ष ली म्यूंग बाक यांना भ्रष्टाचाराच्या प्रकरणात १५ वर्षे तुरुंगवासाची शिक्षा सुनावली आहे.
  2. ली म्यूंग बाक २००८ ते २०१३ दरम्यान दक्षिण कोरियाचे १०वे राष्ट्रध्यक्ष होते. तुरुंगवासाची शिक्षा झालेले ते दक्षिण कोरियाचे चौथे राष्ट्रध्यक्ष आहेत.
  3. त्यांची उत्तराधिकारी आणि दक्षिण कोरियाच्या पहिल्या महिला राष्ट्रध्यक्ष पार्क ग्युन-हे यांनासुद्धा भ्रष्टाचाराच्या प्रकरणात जन्मठेपेची शिक्षा ठोठावण्यात आली आहे.
  4. पार्श्वभूमी:-
  5. ली म्यूंग बाक यांच्यावर सॅमसंग आणि इतर मोठ्या कंपन्यांकडून अवैधरित्या १० दशलक्ष डॉलर्स प्राप्त केल्याचा आरोप आहे.
  6.  याव्यतिरिक्त, ली म्यूंग बाक खाजगी वाहन निर्मात्या कंपनीकडून २१.७७ दशलक्ष डॉलर्सची लाच घेतल्याप्रकरणी दोषी आढळून आले आहेत.
  7. १५ वर्षे तुरुंगवासाव्यतिरिक्त त्यांना १३ अब्ज वोन (दक्षिण कोरियाचे चलन) इतका दंडही ठोठाविण्यात आला आहे.
  8. ली म्यूंग बाक:-
    1. दक्षिण कोरियाचे राजनेता ली म्यूंग बाक यांचा जन्म १९ डिसेंबर १९४१ रोजी झाला. २००८ ते २०१३ दरम्यान ते दक्षिण कोरियाचे १०वे राष्ट्राध्यक्ष होते.
    2. त्यापूर्वी ते ह्युंडाई अभियांत्रिकी आणि बांधकाम कंपनीचे मुख्य कार्यकारी अधिकारी होते. १ जुलै २००२ ते ३० जून २००६ दरम्यान ते सेऊलचे महापौर होते.
    3. डिसेंबर २००७मध्ये झालेल्या राष्ट्राध्यक्ष पदाच्या निवडणुकीत त्यांना ४८.७ टक्के मते मिळाली. २५ फेब्रुवारी २००८ त्यांनी राष्ट्राध्यक्ष पदभार स्वीकारला.
    4. २२ मार्च २०१८ रोजी त्यांना भ्रष्टाचार, लाच, पदाचा दुरुपयोग आणि कर चोरीच्या प्रकरणात अटक करण्यात आली.


Death: Nobel laureate Dr. Leon Lederman

  1. गॉड पार्टिकल म्हणजेच हिग्ज बोसॉनच्या संशोधनात महत्वपूर्ण कार्य करणारे भौतिकशास्त्रातील नोबेल पुरस्कार विजेते वैज्ञानिक डॉ. लियोन लेडरमन यांचे ३ ऑक्टोबर रोजी वयाच्या ९६व्या वर्षी निधन झाले.
  2. हिग्ज बोसॉन हा मूलकण भौतिकशास्त्राच्या प्रमाण प्रतिकृतीमधील एका कणाचा प्रकार आहे. हा कण अस्तित्वात असावा असे भाकीत १९६४ मध्ये वर्तवण्यात आले होते.
  3. जगभरातील अनेक वैज्ञानिक यासाठी काम करीत होते. डॉ. लियोन लेडरमन हे त्यातील एक होते.
  4. डॉ. लियोन लेडरमन:-
    1. लियोन यांचा जन्म १५ जुलै १९२२ रोजी न्यूयॉर्क शहरात झाला. तेथेच शालेय शिक्षण घेतल्यानंतर रसायनशास्त्र विषय घेऊन ते पदवीधर झाले.
    2. दुसऱ्या महायुद्धाच्या काळात ३ वर्षे त्यांनी अमेरिकी सैन्यात काढली. या काळात त्यांनी भौतिकशास्त्राचा अभ्यास सुरू केला.
    3. नंतर सैन्यदलातील नोकरी सोडून त्यांनी कोलंबिया विद्यापीठात प्रवेश घेतला. तिथेच त्यांनी संशोधन करून पीएचडी मिळविली.
    4. १९५८मध्ये ते याच विद्यापीठात भौतिकशास्त्राचे प्राध्यापक बनले. २ वर्षांनंतर त्यांनी आधी फोर्ड फाऊंडेशनचे फेलो म्हणून २ वर्षे काम केले.
    5. तेथून ते फर्मिलॅबचे संचालक बनले. विज्ञानविषयक चळवळीतही त्यांचा उल्लेखनीय सहभाग होता.
    6. १९९१मध्ये लियोन हे ‘अमेरिकन असोसिएशन फॉर अॅडव्हान्समेंट ऑफ सायन्स’चे अध्यक्ष बनले.
    7. शालेय अभ्यासक्रमात इतर विषयांच्या तुलनेत भौतिकशास्त्राला प्राधान्य मिळावे यासाठी काही शास्त्रज्ञांनी ‘फिजिक्स फर्स्ट’ ही स्वतंत्र चळवळ अमेरिकेत सुरू केली. लियोन हे त्यातील एक प्रमुख होते.
    8. ‘द गॉड पार्टिकल’ हे त्यांचे पुस्तक तेव्हा जगभरात गाजले.
    9. १९८८मध्ये म्यूऑन न्यूट्रिनोच्या शोधाबद्दल त्यांना भौतिकशास्त्रातील नोबेल पुरस्कारमिळाला होता. या शोधात मेल्विन श्वार्त्झ व जॅक स्टीनबर्गर हेही सहभागी असल्याने या तिघांनाही हा पुरस्कार विभागून देण्यात आला.
    10. याशिवाय त्यांना वूल्फ पारितोषिक, अर्नेस्ट ओ लॉरेन्स पदक असे अनेक प्रतिष्ठेचे मानसन्मान मिळाले.
    11. अखेरच्या काळात त्यांना असाध्य रोगाने ग्रासले. यावरील उपचार खूपच महागडे असल्याने शेवटी त्यांना हा खर्च भागवण्यासाठी नोबेल पारितोषिकाचे पदकही विकावे लागले.
  5. हिग्ज बोसॉन:-
    1. हिग्ज बोसॉन हा मूलकण भौतिकशास्त्राच्या प्रमाण प्रतिकृतीमधील एका कणाचा प्रकार आहे. त्याला देवकण (गॉड पार्टिकल) असेही म्हणतात.
    2. हिग्स बोसॉन हे नाव ब्रिटिश शास्त्रज्ञ पीटर हिग्स आणि भारतीय शास्त्रज्ञ सत्येंद्रनाथ बोसयांच्यावरून ठेवण्यात आले आहे. कलकत्त्यातल्या बोस यांचे हे मूलकण शोधण्यात मूलभूत योगदान आहे.
    3. डॉ. पीटर हिग्ज आणि फ्रँकस एंग्लर्ट यांनी या हा कण अस्तित्वात असावा असे भाकित १९६४मध्ये केले गेले होते.
    4. ४ जुलै २०१२ रोजी जिनिव्हाजवळील लार्ज हॅड्रॉन कोलायडर ह्या प्रयोगशाळेत दोन वेगळ्या संघांनी अनेक प्रयोगाअंती हिग्ज बोसॉनचे अस्तित्व सिद्ध केले.
    5. या कणांचा शोध लावणारे ब्रिटनचे पीटर हिग्ज आणि बेल्जियमचे फ्रँकस एंग्लर्ट या शास्त्रज्ञांना २०१३चा भौतिकशास्त्रातील नोबेल पुरस्कार मिळाला.


Top