MPSC chalu ghadamodi, current affairs

1. महाबँक ग्रामीण स्वयंरोजगार प्रशिक्षण (आर-सेटी) संस्थेच्या माध्यमातून केल्या गेलेल्या उत्कृष्ट कार्याबद्दल बँक ऑफ महाराष्ट्रला २०१८-१९ वर्षाचा ‘आर-सेटी संवर्गातील बेस्ट परफॉर्मिंग बँक’ पुरस्कार मिळाला आला.

2. कृषी आणि शेतकरी कल्याण, ग्रामीण विकास आणि पंचायती राज विभागाचे केंद्रीय मंत्री नरेंद्रसिंग तोमर यांच्या हस्ते बेस्ट परफॉर्मिंग बँकेचा पुरस्कार बँक ऑफ महाराष्ट्रचे कार्यकारी संचालक हेमंत टम्टा यांनी स्वीकारला. या वेळी बँकेचे ग्रामीण विकास विभागाचे मुख्य व्यवस्थापक ए. डी. चव्हाण उपस्थित होते.

3. ग्रामीण युवा आणि महिलांना छोट्या छोट्या व्यवसायातून स्वयंरोजगार निर्मितीचे कौशल्य प्राप्त होण्याकरिता अानुषंगिक प्रशिक्षण देण्यासाठी बँकेने महाराष्ट्र राज्यात सात ग्रामीण स्वयंरोजगार प्रशिक्षण संस्था स्थापन केल्या आहेत.

4. या प्रशिक्षण संस्था पुणे, ठाणे, नाशिक, औरंगाबाद, जालना, अमरावती आणि नागपूर येथे असून या संस्था उमेदवारांना प्रशिक्षण देतात. या सातही क्षेत्रीय स्वरोजगार प्रशिक्षण संस्थांना (आरसेटी) वर्ष २०१८-१९ साठी ‘एए’ दर्जा दिला गेला आहे. बँक ऑफ महाराष्ट्रने आरसेटी येथून प्रशिक्षण प्राप्त उमेदवारांसाठी बँकेच्या विभागीय कार्यालयांच्या समन्वयाने नवीन क्रेडिट लिंकेज योजना लागू केली.

5. बँकेने ७ जिल्ह्यांतील दुष्काळी गावे / गटातील शेतकरी कुटुंबातील बेरोजगार तरुण यांच्यासाठी ‘महा शेतकरी आत्मनिर्भर योजना’ सुरू केली आहे. या योजनेत गरजांवर आधारित व संभाव्य क्षमतेच्या उपक्रमांची निवड करून युवकांना प्रशिक्षण दिले जाते तसेच या योजनेंतर्गत प्रशिक्षित उमेदवारांना त्वरित कर्जदेखील मंजूर केले जाते.


MPSC chalu ghadamodi, current affairs

1. क्षेपणास्त्र तंत्रज्ञान आणि अवकाश संशोधनाच्या दृष्टीने यंदाचं वर्ष भारतासाठी खास ठरलं. या दोन्ही क्षेत्रात भारताने महत्वपूर्ण यश मिळवलं. चांद्रयान-2 मध्ये विक्रम लँडरचा अपवाद वगळता ही मोहिम यशस्वी ठरली.

2. तर ‘मिशन शक्तीद्वारे भारताने आपली क्षमता जगाला दाखवून दिली. मिशन शक्तीच्या यशानंतर स्वत: पंतप्रधान नरेंद्र मोदी यांनी दूरचित्रवाहिनीवर येऊन या मोहिमेचं महत्व विषद केलं.

3. ‘मिशन शक्ती’मुळे भारत मोजक्या देशांच्या पंक्तीत स्थान मिळवणारा चौथा देश ठरला. यापूर्वी असे तंत्रज्ञान \ अमेरिका, रशिया आणि चीनने विकसित केलं आहे.

4. तसेच बालकोट एअर स्ट्राइकनंतर बरोबर एक महिन्याने 27 मार्च 2019 रोजी भारताने डॉ. ए.पी.जे अब्दुल कलाम बेटावरुन उपग्रहविरोधी क्षेपणास्त्राची यशस्वी चाचणी केली. भारताने ‘लो अर्थ ऑर्बिट’मध्ये भ्रमण करणारा आपला उपग्रह A-Sat क्षेपणास्त्राद्वारे पाडला. पृथ्वीपासून 2 हजार किलोमीटरपर्यंतची कक्षा ‘लो अर्थ ऑर्बिट’मध्ये येते.

5. तर अवकाशात पृथ्वीपासून 300 किलोमीटरच्या कक्षेत भ्रमण करणारा आपलाच उपग्रह भारताने क्षेपणास्त्राद्वारे पाडला. डीआरडीओच्या नेृत्वाखाली ही संपूर्ण मोहिम पार पडली.

6. उच्च तंत्रज्ञान क्षमता आणि अचूकता या चाचणीसाठी अत्यंत आवश्यक असते. या चाचणीद्वारे भारताने अवकाश क्षेत्रातील अत्यंत कठीण समजले जाणारे तंत्रज्ञान आत्मसात केले.

7. ‘मिशन शक्ती’द्वारे भारताने आपण जमीन, पाणी, हवेतच नव्हे तर अवकाशतही युद्ध लढण्यास समर्थ आहोत हे दाखवून दिले आहे. डीआरडीओने या चाचणीसाठी बॅलेस्टिक मिसाइल डिफेन्स प्रोग्रॅममधील इंटरसेप्टर क्षेपणास्त्राचा वापर केला.

8. तसेच उपग्रहविरोधी तंत्रज्ञानामध्ये जॅमिंगचाही एक पर्याय असतो. पण भारताने उपग्रह पाडण्याचा पर्याय निवडला. लो अर्थ ऑर्बिटमधील उपग्रहांचा हेरगिरीसाठी आणि लष्करी कारवाईसाठी उपयोग केला जातो. A-Sat दोन मार्गांनी तैनात करता येऊ शकते. अवकाशातून अवकाशात आणि जमिनीवरुन अवकाशाच्या दिशेने A-Sat चा वापर करता येऊ शकतो.

9. 1985 साली अमेरिकन हवाई दलाने एफ-15 विमानातून A-Sat क्षेपणास्त्र डागून P78-1 हा संशोधन उपग्रह पाडला होता. पृथ्वीपासून हा उपग्रह 555 किलोमीटर अंतरावर होता. 2007 साली चीनने आपणही या तंत्रज्ञानाने सुसज्ज असल्याचे जगाला दाखवून दिले. चीनने SC-19 A-SAT क्षेपणास्त्राने निरुपयोगी बनलेला FY-1C उपग्रह पाडला.

10. A-SAT क्षेपणास्त्राची ठराविक टप्प्यापर्यंत मारक क्षमता आहे. 20 हजार किलोमीटरच्या पुढे असलेले उपग्रह A-SAT च्या टप्प्यामध्ये येत नाहीत. यामध्ये कम्युनिकेश आणि जीपीएस उपग्रहांचा समावेश होतो. पृथ्वीपासून काहीशे किलोमीटर अंतरावर असणारे उपग्रह लो अर्थ ऑर्बिटमध्ये मोडतात. भारताचे शेजारी असलेल्या चीन आणि रशियाकडे A-SAT अस्त्र आहे.


MPSC chalu ghadamodi, current affairs

1. महिंद्रा ग्रुपचे चेअरमन आनंद महिंद्रा 1 एप्रिल 2020 पासून आपल्या पदावरुन पायउतार होणार आहेत. त्यानंतर ते गैरकार्यकारी अध्यक्ष म्हणून कार्यभार सांभाळतील.

2. तसेच कंपनीचे व्यवस्थापकीय संचालक असलेले पवन गोयंका यांची पद्दोन्नती होणार असून 1 एप्रिल 2020 पासून ते व्यवस्थापकीय संचालक (एमडी) – मुख्य कार्यकारी अधिकारी (सीईओ) म्हणून पदभार स्विकारतील. गोयंका 11 नोव्हेंबर 2020 पर्यंत आपल्या पदावर कायम राहतील.

3. कंपनीच्या गव्हर्नन्स नॉमिनेशन अॅण्ड रेम्युनरेशन कमिटीच्या (जीएनआरसी) शिफारसींनुसार, संचालक मंडळाने या बदलाला मंजुरी दिली.

4. तसेच ग्रुप प्रेसिडंट असलेले अनिष शाह 1 एप्रिल 2020 पासून मुख्य फायनान्शिअल अधिकारी (सीएफओ) हे पद सांभाळतील. सध्याचे सीएफओ व्ही. एस. पार्थसारथी 1 एप्रिल 2020 रोजी आपल्या पदावरुन निवृत्त होतील.


MPSC chalu ghadamodi, current affairs

1. सुधारित नागरिकत्व कायद्याविरोधात मागील काही दिवसांपासून आंदोलने सुरु आहेत. रविवारी विद्यापीठांसह शिक्षण संस्थांच्या आवारामधून सुरु झालेल्या आंदोलनाची धग गुरुवारी देशभर पसरली आणि दिल्लीसह मुंबई, बंगळूरु, लखनौ आदी शहरांबरोबरच विविध राज्यांत लोक रस्त्यावर उतरले. याच पार्श्वभूमीवर अनेक कलाकारांनी
सोशल नेटवर्किंगवरुन या कायद्याविरोधात आपले मत नोंदवले आहे.

2. मात्र थेटपणे या कायद्याला विरोध करणे अभिनेत्री परिणिती चोप्राला महागात पडले आहे. ‘बेटी बचाओ, बेटी पढाओ’ या हरयाणा सरकारच्या अभियानाची ब्रँड अ‍ॅम्बेसेडर (सदिच्छा दूत) असणाऱ्या परिणितीला हटवण्यात आलं आहे.

3. तसेच काही दिवसांपूर्वीच या कायद्याला विरोध करणारा अभिनेता सुशांत सिंहला ‘सावधान इंडिया’ कार्यक्रमातून बाहेर काढण्यात आलं आहे.


MPSC chalu ghadamodi, current affairs

1. विद्येचे माहेरघर असलेल्या पुणे शहरातील विद्यासागर दौड या विद्यार्थ्याने आंतरराष्ट्रीय स्तरावर यश मिळवले आहे. त्याने सुचवलेल्या नावावर स्ट्रोनॉमिकल सोसायटी ऑफ इंडियाने पसंतीची मोहोर उमटवली असून आता हे नाव एका ग्रहाला देण्यात येणार आहे.

2. 13 वर्षांच्या विद्यासागरने केलेल्या या कामगिरीचे सर्वत्र कौतुक होत आहे.

3. विद्यासागर हा पुण्यातील सिंहगड स्प्रिंग डेल स्कूलचा विद्यार्थी आहे. काही दिवसांपूर्वी आंतरराष्ट्रीय खगोल महासंघाच्या (आयएयू) शताब्दी वर्षांनिमित्त ग्रह-ताऱ्यांना नाव देण्याची स्पर्धा जागतिक पातळीवर घेण्यात आली. तर त्याच स्पर्धेतला एक भाग म्हणून ग्रह-ताऱ्यांना भारतीय भाषांतील नाव सुचवण्यासाठी ‘नेम एक्झोवर्ल्ड्स इंडिया’ स्पर्धा जुलैमध्ये जाहीर करण्यात आली होती.

3. विद्यार्थ्यांना खगोलशास्त्र, विज्ञानाची गोडी लागावी हा या स्पर्धेचा हेतू होता. या स्पर्धेत संपूर्ण देशातून 1 हजार 717 विद्यार्थ्यांनी सहभाग घेतला. तज्ज्ञ समितीकडून परीक्षण करून अंतिम फेरीसाठी 10 नावे निवडण्यात आली.

4. तसेच अंतिम फेरीत विजेता निवडण्यासाठी खुले मतदान घेण्यात आले. जवळपास 5 हजार 587 नागरिकांनी केलेल्या मतदानानंतर दोन नावे निश्चित करण्यात आली.त्यात विद्यासागरने सुचवलेले ‘संतमस’ आणि अनन्यो भट्टाचार्यने ‘बिभा’ ही दोन नावे निवडण्यात आली आहेत.

5. यापैकी एचडी 86081 या ताऱ्याला ‘बिभा’ आणि एचडी 86081 या ग्रहाला ‘संतमस’ ही नावे देण्यात आली आहेत.


MPSC chalu ghadamodi, current affairs

1. केंद्र सरकारच्या ‘एक भारत, श्रेष्ठ भारत’ या उपक्रमाअंतर्गत विविध कार्यक्रमात सहभागी होणाऱ्या पाच हजार रुपयांपेक्षा कमी मासिक उत्पन्न असलेल्या तरुणांना रेल्वेचा दुसरा वर्ग/ स्लीपर वर्गाच्या मूळ भाड्यामध्ये ५० टक्के सवलत देण्याची घोषणा रेल्वे मंत्रालयाने केली आहे.

2. सामान्य रेल्वे सेवांसाठी विशेष बाब म्हणून ही सवलत देण्यात आली असून विशेष रेल्वे वा डब्यांसाठी ही सवलत मिळणार नाही. तसेच आरक्षण शुल्कासह अन्य शुल्क संबंधित सहभागीला पूर्णपणे भरावे लागेल, असे स्पष्ट करण्यात आले आहे


MPSC chalu ghadamodi, current affairs

1. नोकरदारांमध्ये सर्वाधिक वेतन घेणाऱ्यांमध्ये माहिती तंत्रज्ञान क्षेत्रातील कर्मचाऱ्यांनी अव्वल स्थान पटकावले असून, सर्वाधिक वेतन देणाऱ्या शहरांमध्ये आयटी नगरी बेंगळुरूने यंदा बाजी मारून ‘हॅट्‌ट्रिक’ लाधली आहे. २०१७ आणि २०१८मध्येही सर्वाधिक वेतन देणाऱ्या शहरांच्या यादीतही बेंगळुरूच अव्वल होते.

2. ‘रँडस्टँड इनसाइट्स सॅलरी ट्रेंड्स रिपोर्ट २०१९’ या अहवालात नमूद केल्याप्रमाणे बेंगळुरूमधील कनिष्ठ कर्मचाऱ्याला वार्षिक ५.२७ लाख रुपये, त्यापेक्षा अधिक अनुभवी कर्मचाऱ्याला वार्षिक १६.४५ लाख रुपये आणि वरिष्ठ कर्मचाऱ्याला वार्षिक ३५.४५ लाख रुपये वेतन मिळत आहे.

3. कनिष्ठ कर्मचाऱ्यांच्या गटात वार्षिक ५ लाख रुपये आणि ४.५९ लाख रुपयांचे वेतन देऊन हैदराबाद आणि मुंबई यांनी अनुक्रमे दुसरा आणि तिसरा क्रमांक मिळवला आहे. मध्यम गटातील कर्मचाऱ्यांच्या गटात वार्षिक १५.०७ लाख रुपये आणि १४.५ लाख रुपयांचे वेतन देऊन मुंबई आणि नॅशनल कॅपिटल रिजनने दुसरा आणि तिसरा क्रमांक मिळवला आहे.

4. या शिवाय मुंबई आणि पुण्याने वार्षिक ३३.९५ लाख रुपये आणि ३२.६८ लाख रुपये वेतन देऊन अतिवरिष्ठ कर्मचाऱ्यांच्या गटात दुसरा आणि तिसरा क्रमांक पटकावला आहे.


MPSC chalu ghadamodi, current affairs

1. केबी, छोटू आणि मनोज यांनी 1976 मध्ये नॅशनल डिफेन्स अॅकॅडमीमध्ये प्रवेश घेतला. त्यावेळी त्यांना जराही कल्पना नसेल की एक असाही दिवस येईल जेव्हा आपण तिघंही देशाच्या तिन्ही सैन्य दलांचे प्रमुख असू. या तिघांमध्ये त्यावेळी एक समानता होती की त्या तिघांचेही वडील हवाई दलात सेवा बजावत होते.

2. तर आज तब्बल 44 वर्षांच्या सेवेनंतर लेफ्टनंट जनरल मनोज नरवणे, अॅडमिरल करमबीर सिंह आणि एअर चीफ मार्शल राकेश कुमार सिंह भदोरिया हे पुन्हा एकदा तिन्ही दलांचे प्रमुख म्हणून एकत्र येणार आहेत.

3. तसेच येत्या 31 डिसेंबर रोजी जनरल बिपिन रावत सेवानिवृत्त होणार आहेत. त्यांच्या जागी मनोज नरवणे हे नवे लष्कर प्रमुख म्हणून सूत्र हाती घेणार आहेत. अॅडमिरल करमबीर सिंह यांनी 31 मे रोजी नौदल प्रमुख पदाची सूत्र हाती घेतली होती. तर एअर चीफ मार्शल भदोरिया हे 30 सप्टेंबर रोजी हवाईदलाच्या प्रमुखपदी विराजमान झाले होते.

4. लेफ्टनंट जनरल नरवणे हे या महिन्याच्या अखेरिस देशाचे 28 वे लष्कर प्रमुख म्हणून जबाबदारी स्वीकारणार आहेत.

5. लेफ्टनंट जनरल मनोज नरवणे, अॅडमिरल करमबीर सिंह आणि एअर चीफ मार्शल राकेश कुमार सिंह भदोरिया यांनी एनडीएचा 56 वा कोर्स एकत्र केला होता.


MPSC chalu ghadamodi, current affairs

1. नॅशनल कंपनी लॉ अ‍ॅपिलेट ट्रिब्युनलने (एनसीएलएटी) सायरस मिस्त्री यांच्या बाजूने निर्णय देत टाटा समूहाच्या अध्यक्षपदी नियुक्त करण्याचा आदेश दिला आहे. सायरस मिस्त्री यांना पदावरुन हटवण्याचा निर्णय चुकीचा होता असं नॅशनल कंपनी लॉ अ‍ॅपिलेट ट्रिब्युनलने म्हटलं आहे.

2. नॅशनल कंपनी लॉ ट्रिब्यूनलमध्ये (एनसीएलटी) केस हारल्यानंतर सायरस मिस्त्री यांनी निर्णय़ाविरोधात एनसीएलएटीकडे धाव घेतली होती. एनसीएलएटीने जुलै महिन्यात निर्णय सुरक्षित ठेवला होता. आज नॅशनल कंपनी लॉ अ‍ॅपिलेट ट्रिब्युनलने निर्णय जाहीर करत टाटा समूहाला धक्का दिला आहे.

3. तर सायरस मिस्त्री यांच्या हकालपट्टीनंतर रिक्त असलेल्या टाटा सन्सच्या अध्यक्षपदी एन. चंद्रशेखरन यांची निवड करण्यात आली होती. टाटा समूहाकडून एन चंद्रशेखरन यांची नियुक्ती करणं बेकायदा असल्याचं नॅशनल कंपनी लॉ अ‍ॅपिलेट ट्रिब्युनलने निर्णयात म्हटलं आहे.


MPSC chalu ghadamodi, current affairs

1. ओदिशाच्या चांदीपूर तळावर मंगळवारी सुपरसॉनिक ब्रह्मोस क्षेपणास्त्राची यशस्वी चाचणी घेण्यात आली. संरक्षण दलातील सूत्रांनी ही माहिती दिली. चांदीपूरमधील इंटिग्रेटेड टेस्ट रेंजच्या कॉम्पलेक्स 3 मध्ये मोबाइल लाँचरवरुन जमिनीवरुन जमिनीवर हल्ला करणाऱ्या ब्रह्मोसच्या आवृत्तीची चाचणी घेण्यात आली.

2. तर या चाचणीने सर्व निकष पूर्ण केले आहेत असे संरक्षण संशोधन आणि विकास संस्थेकडून (डीआरडीओ) सांगण्यात आले.

3. ब्रह्मोस हे भारत आणि रशियाने मिळून विकसित केलेले सुपरसॉनिक क्षेपणास्त्र आहे. युद्धनौका, पाणबुडी, मोबाइल लाँचर आणि फायटर जेटमधूनही हे क्षेपणास्त्र डागता येते.

4. ब्रह्मोस हे आजच्या घडीला भारताकडे असलेले सर्वात घातक क्षेपणास्त्र आहे. मागच्या काही काळापासून भारत हे क्षेपणास्त्र अन्य देशांना विकण्याचा प्रयत्न करत आहे. लवकरच फिलीपाईन्स ब्रह्मोस क्षेपणास्त्र विकत घेणारा पहिला देश बनू शकतो.

5. तसेच सध्या भारत आणि फिलीपाईन्समध्ये ब्रह्मोसची विक्री किंमत निश्चित करण्यावरुन चर्चा सुरु आहे. 2020 पर्यँत हा करार प्रत्यक्षात आणण्याचा दोन्ही देशांचा प्रयत्न आहे.

6. ब्रह्मोस हे भारत आणि रशियाने संयुक्तपणे विकसित केलेले क्षेपणास्त्र आहे. भारताची मागच्या काही वर्षांपासून थायलंड, इंडोनेशिया आणि व्हिएतनाम या देशांबरोबर ब्रह्मोस विक्रीबद्दल चर्चा सुरु आहे. ब्रह्मोस हे सुपरसॉनिक क्रूझ मिसाइल असून ते जमीन आणि पाण्यातून हल्ला करण्यासाठी सक्षम आहे.


Top

Whoops, looks like something went wrong.