Benjamin Netanyahu will be the longest serving Prime Minister in Israel's history

  1. इस्त्राएलच्या राष्ट्रीय निवडणुकीत बेंजामिन नेतान्याहू यांनी विजय मिळवला आहे.
  2. नेतान्याहू ह्यांची जर पंतप्रधान पदासाठी निवड झाली तर इस्त्राएलचे पंतप्रधानपद भूषवण्याची त्यांची ही विक्रमी पाचवी वेळ असेल.
  3. ते इस्त्राएलच्या 71 वर्षांच्या इतिहासातले सर्वाधिक काळ पंतप्रधानपद भूषवणारे व्यक्ती ठरु शकतात.
  4. इस्राएल हा नैऋत्य आशियामधील एक देश आहे.
  5. त्याला आग्नेय भूमध्य सागराची पूर्व किनारपट्टी लाभलेली आहे.
  6. जेरूसलेम ही देशाची (स्व-घोषित मात्र विवादीत) राजधानी आहे आणि इस्राएली न्यू शेकेल हे राष्ट्रीय चलन आहे.


Justice Pradeep Nandrajog: New Chief Justice of the Bombay High Court

  1. मुंबई उच्च न्यायालयाच्या मुख्य न्यायाधीशपदी नियुक्ती झालेल्या न्यायमूर्ती प्रदीप नंदराजोग यांना राज्यपाल चे. विद्यासागर राव यांनी 7 एप्रिल 2019 रोजी पदाची शपथ दिली.
  2. न्यायमूर्ती नंदराजोग हे अतिरिक्त न्यायाधीश म्हणून दिल्ली उच्च न्यायालयात कार्यरत होते. तसेच, 2017 साली राजस्थान उच्च न्यायालयाचे मुख्य न्यायाधीश होते. 
  3. भारतीय उच्च न्यायालय:-
    1. भारताच्या राज्यघटनेत नमूद कलम क्र. 214 अन्वये प्रत्येक घटकराज्याला एक उच्च न्यायालय असेल किंवा एक किंवा दोन राज्यांसाठी मिळून एक उच्च न्यायालय असेल अशी तरतूद करण्यात आलेली आहे.
    2. सध्या देशात 25 उच्च न्यायालये (नव्या आंध्रप्रदेश उच्च न्यायालयामुळे) कार्यरत आहेत. याशिवाय प्रत्येक राज्यामध्ये विभागीय पातळीवर खंडपीठे निर्माण करण्यात आली आहेत.
    3. महाराष्ट्राचे उच्च न्यायालय मुंबई येथे असून त्याची महाराष्ट्रात पणजी (गोवा), नागपूर, औरंगाबाद अश्या तीन ठिकाणी तीन खंडपीठे आहेत.
    4. उच्च न्यायालयात एक मुख्य न्याय‍धीश आणि राष्ट्रपतीच्या आदेशानुसार ठरविण्यात आलेल्या संख्येनुसार इतर न्याय‍धीश असतात.
    5. उच्च न्यायालयातल्या सर्वोच्च न्यायाधिशांची नेमणूक करण्याचा अधिकार भारताच्या राष्ट्रपतीला आहे.


The victory of the former president of the Maldives is a huge victory

  1. मालदीवचे माजी राष्ट्रपती मोहम्मद नशीद (५१) यांनी दोन तृतीयांश बहुमत मिळवित पुनरागमन केले आहे. या दणदणीत विजयानंतर नशीद यांनी सरकारी भ्रष्टाचार संपवण्याचा आणि सुधारणा करण्याचा संकल्प जाहीर केला.

  2. झालेल्या संसदीय निवडणुकीत नशीद यांच्या मालदीवियन डेमोक्रेटिक पार्टीने ८७ सदस्यांच्या सभागृहात दोन तृतीयांश बहुमत मिळवले. त्यामुळे हद्दपारी संपवून मायदेशी परतल्यानंतर नशीद यांनी केवळ पाच महिन्यांमध्ये प्रचंड विजय मिळवत संसदेचे सर्वोच्च पद प्राप्त केले आहे.

  3. नशीद यांच्या प्रचंड विजयामुळे त्यांचे प्रतिस्पर्धी आणि एकाधिकार कारभार करणारे माजी राष्ट्रपती अब्दुल्ला यमीन यांना मतदारांकडून सणसणीत चपराक मिळाली आहे.


David Malpawas: 13th President of the World Bank Group

  1. जागतिक बँक समुहाचे 13 वे अध्यक्ष म्हणून अमेरिकेचे डेव्हिड मालपास यांची नेमणूक करण्यात आली आहे.
  2. मालपास यांनी दक्षिण कोरियाचे जिम यॉंग किम यांचे स्थान घेतले. 
  3. किम यांनी आपला कार्यकाळ संपण्याच्या तीन वर्षे आधीच जागतिक बँकेचे अध्यक्षपद सोडण्याचा निर्णय घेतला आहे.
  4. त्यांचा कार्यकाळ वर्ष 2022 साली संपणार होता.
  5. वॉल स्ट्रीटचे माजी अर्थशास्त्रज्ञ राहिलेले मालपास हे पूर्वी अमेरिकेच्या सरकारच्या वित्त विभागात आंतरराष्ट्रीय प्रकरणांचे उप-सचिव होते.
  6. जागतिक बँक (WB) :-
    1. ही भांडवल पुरविण्यासाठी विकसनशील देशांना कर्ज देणारी एक आंतरराष्ट्रीय वित्तीय संस्था आहे. जागतिक बँक हा संयुक्त राष्ट्रसंघ प्रणालीचा एक भाग आहे.
    2. अमेरिकेची राजधानी वॉशिंग्टन डी.सी. येथे जागतिक बँकेचे मुख्यालय आहे.
    3. समूहात आंतरराष्ट्रीय पुनर्रचना आणि विकास बँक (International Bank for Reconstruction and Development- IBRD) आणि आंतरराष्ट्रीय विकास महामंडळ (International Development Association -IDA), अश्या दोन संस्थांचा समावेश आहे.
    4. आंतरराष्ट्रीय नाणेनिधी (IMF) आणि तीन इतर संस्थांसह जागतिक बँकेची स्थापना 1944 सालच्या ब्रेटोन वूड्स परिषदेत करण्यात आली.
    5. 1949 सालापासून जागतिक बँकेच्या अध्यक्षपदाची निवड अमेरिका करते.


Praful Patel: First Indian member of the FIFA Executive Council

  1. अखिल भारतीय फुटबॉल महासंघाचे अध्यक्ष प्रफुल पटेल यांची ‘FIFA कार्यकारी परिषद’ याचे सदस्य म्हणून निवड करण्यात आली आहे.
  2. प्रफुल पटेल या मंडळात सामील करण्यात आलेले पहिले भारतीय ठरले आहेत. सन 2019 ते सन 2023 या काळात ते या पदावर राहतील.
  3. FIFA:-
    1. आंतरराष्ट्रीय फुटबॉल महासंघ (International Federation of Football Association -FIFA) हा एक खासगी महासंघ आहे, जो स्वतःस असोसिएशन फुटबॉल, फुटसल आणि बीच सॉकर या क्रिडाप्रकारांची एक आंतरराष्ट्रीय प्रशासकीय संस्था म्हणून संबोधतो.
    2. FIFA फुटबॉल या क्रिडाप्रकाराच्या प्रमुख आंतरराष्ट्रीय स्पर्धांच्या, विशेषत: पुरुष विश्वचषक (1930 सालापासून) आणि महिला विश्वचषक (1991 सालापासून), आयोजनासाठी जबाबदार आहे.
    3. 1904 साली FIFAची स्थापना करण्यात आली आणि त्याचे मुख्यालय झुरिच (स्वित्झर्लंड) येथे आहे.
    4. त्याच्या सदस्यत्वामध्ये सध्या 211 राष्ट्रीय संघांचा समावेश आहे.


Arvind Pandey for Nagpur Central Election Police Inspector

  1. लोकसभेच्या सार्वत्रिक निवडणुकीसाठी निवडणूक आयोगाने नागपूर लोकसभा मतदार संघासाठी पोलीस निरीक्षक म्हणून अरविंद भूषण पांडे यांची नियुक्ती केली आहे. पांडे यांनी नागपूर लोकसभा मतदार संघातील निवडणूकविषयक कायदा व सुव्यवस्थेचा आढावा घेतला.

  2. केंद्रीय निवडणूक पोलीस निरीक्षक अरविंद पांडे हे उत्तर प्रदेशच्या रायबरेली येथील 25 बटालियनचे कमांडंट असून, 2009 च्या आयपीएस बॅचचे अधिकारी आहेत.

  3. नागपूर लोकसभा मतदार संघातील कायदा व सुव्यवस्थेसंदर्भात मतदारांची गाऱ्हाणे रविभवन येथे कॉटेज क्रमांक-1 येथे स्वीकारतील. त्यांचा भ्रमणध्वनी क्रमांक 9022203935 आहे.

  4. तसेच ते जनतेसाठी तसेच राजकीय पक्ष, उमेदवार अथवा उमेदवारांच्या प्रतिनिधीसाठी रविभवन येथे सकाळी 11 ते 1 व सायंकाळी 5 ते 6 या वेळेत उपलब्ध राहतील.


Air Marshal D. Chaudhary took charge as the senior Air Force officer of the Air Command's Western Command

  1. एअर मार्शल डी. चौधरी एव्हीएसएम व्हीएम व्हीएसएम यांनी हवाई दलाच्या पश्चिम कमांडचे वरिष्ठ हवाई दल अधिकारी म्हणून कार्यभार स्वीकारला.
  2. एअर मार्शल डी. चौधरी एव्हीएसएम व्हीएम व्हीएसएम हे राष्ट्रीय संरक्षण प्रबोधिनीचे माजी विद्यार्थी असून, 22 डिसेंबर 1983 रोजी सेवेत रुजू झाले.
  3. ते फायटर कॉम्बॅट लिडर आणि इन्स्ट्रुमेंट रेटींग इन्स्ट्रक्टर आणि एक्झामिनर आहेत.
  4. त्यांनी ब्रिटन आणि लंडन मधे पदव्युत्तर शिक्षण घेतले.
  5. मिग 21, मिग 27, मिग 29 आणि एसयु-30 विमानांची 5 हजार उड्डाणे केली आहेत.
  6. एअर मार्शल चौधरी यांना ऑगस्ट 1992 मधील सीएएस प्रशस्ती पत्र, जानेवारी 2007 मधे विशिष्ट सेवा मेडल, जानेवारी 2011 मधे वायूसेना मेडल आणि जानेवारी 2018 मधे अतिविशिष्ट सेवा मेडल देऊन गौरवण्यात आले आहे.


ICC Cricket CEO

  1. आंतरराष्ट्रीय क्रिकेट परिषदेचे नूतन मुख्य कार्यकारी म्हणून माध्यम व्यावसायिक मनू साहनी यांनी पदभार स्वीकारला. विद्यमान कार्यकारी डेव्ह रिचर्डसन हे त्यांच्यासमवेत जुलैतील विश्वचषकाच्या समारोपापर्यंत कार्यरत राहणार असून त्यानंतर ते निवृत्ती स्वीकारणार आहेत.

  2. ईएसपीएन स्टार स्पोर्ट्सचे माजी व्यवस्थापकीय संचालक म्हणून कामकाज केलेले साहनी हे या कालावधीच्या अंतिम सहा आठवडय़ांमध्ये रिचर्डसन यांच्यासमवेत कामकाज करून हस्तांतरणाची प्रक्रिया सुरळीतपणे पार पडण्याबाबत दक्षता घेणार आहेत.

  3. साहनी यांची नियुक्ती जानेवारी महिन्यातच करण्यात आली होती. मात्र त्याच वेळी रिचर्डसन जुलैपर्यंत कार्यरत राहणार असल्याचे आयसीसीने जाहीर केले होते. आयसीसीच्या वतीने शशांक मनोहर यांच्या अध्यक्षतेखालील समितीने साहनी यांची निवड केली होती.

  4.  


CHIEF SECRETARY

  1. राज्याच्या मुख्य सचिवपदी अखेर यु.पी.एस मदान यांची नियुक्ती करण्यात आली आहे. एमएमआरडीए, महाराष्ट्र विमानतळ विकास प्राधिकरण अशा विविध ठिकाणी मदान यांनी काम केले आहे.

  2. दिनेशकुमार जैन यांच्या दिल्लीतील नियुक्तीमुळे रिक्त झालेल्या मुख्य सचिवपदासाठी वरिष्ठ सनदी अधिकाऱ्यांमध्ये स्पर्धा सुरू होती. दिनेशकुमार जैन यांची देशाच्या लोकपालमध्ये बिगर न्यायिक सदस्य म्हणून निवड झाली होती.

  3. सेवाज्येष्ठतेनुसार सामान्य प्रशासन विभागाच्या अप्पर मुख्य सचिव मेधा गाडगीळ, वित्त विभागाचे अप्पर मुख्य सचिव यु.पी.एस मदान, केंद्रात माजी सैनिक कल्याण खात्याच्या सचिव संजीवनी कुट्टी, केंद्रीय महसूल सचिव अजय भुषण पांडे, मुंबई महापालिका आयुक्त अजोय मेहता, गृह विभागाचे अप्पर मुख्य सचिव संजय कुमार यांचा क्रम लागतो. यापैकी गाडगीळ यांना यापूर्वीच मुख्यसचिवपद नाकारण्यात आले.

  4. पांडे व कुट्टी हे दोन्ही अधिकारी केंद्रात सचिवपदावर असून राज्यात येण्यास उत्सुक नव्हते. त्यामुळे मदान, मेहता व संजय कुमार यांच्यातच चुरस होती.

  5. मदान ऑक्टोबरमध्ये तर मेहता सप्टेंबरमध्ये सेवानिवृत्त होणार आहेत. त्यामुळे मुख्यसचिवपदी मुख्यमंत्री कोणाची वर्णी लावतात याकडे प्रशासनाचे लक्ष लागले होते. अखेर मुख्य सचिवपदी यु.पी.एस मदान यांची निवड करण्यात आली आहे. यु.पी.एस मदान 1983 च्या बॅचमधील आयएएस अधिकारी आहेत.


JAYA PRADA ENTERED BJP

  1. आगामी लोकसभा निवडणूकीच्या तोडांवर मोठ्या प्रमाणात पक्षातंराचे वारे वाहू लागले आहे. भाजपात सध्या पक्षप्रवेश करणाऱ्याची संख्या जास्त आहे. समाजवादी पक्षाच्या नेत्या आणि अभिनेत्री जयाप्रदा यांनी 26 मार्च रोजी भाजपामध्ये प्रवेश केला आहे. 

  2. दिल्लीमध्ये एका कार्यक्रमात जयाप्रदा भाजपात सामील झाल्या आहेत. पंतप्रधान नरेंद्र मोदी यांच्या हातात देश सुरक्षित असल्याची प्रतिक्रिया यावेळी जयाप्रदा यांनी दिली आहे.

  3. जयाप्रदा समाजवादी पक्षाकडून रामपूर मतदार संघातून दोन वेळा खासदार म्हणून निवडून आल्या आहेत. अभिनेत्री जयाप्रदा यावेळी भाजपाकडून आपले नशीब अजमावणार आहे.

  4. भाजपाचे दिग्गज नेता नेपाल सिंह यांचे वाढते वय आणि आजारपणामुळे त्यांच्या जागी भाजपाला ठोस उमेदवार हवा होता. आता जयाप्रदा यांच्या आगमानामुळे भाजपाची चिंता मिटल्याची चिन्हे आहेत. समाजवादी पक्षाचे आजम खान यांच्याविरोधात जयाप्रदा लढणार आहेत.

  5. जयाप्रदा 2004 आणि 2009 मध्ये रामपूरमधून खासदार म्हणून संसदेत गेल्या आहेत. दोन्ही वेळेस जयाप्रदा यांनी काँग्रेसच्या बेगम नूर बानो यांचा पराभव केला आहे.


Top