davis cup ternnis championship small changes

  1. टेनिसविश्वातील धुरिणांनी 16 ऑगस्ट रोजी 118 वर्षे जुन्या डेव्हिस चषक टेनिस स्पर्धेच्या संरचनेत पायाभूत बदल करण्यास मान्यता दिली आहे. ही प्रतिष्ठेची स्पर्धा 18 संघांमध्ये आणि एका आठवडय़ाच्या कालावधीत घेण्याच्या निर्णयावर सहमती झाली.
  2. ओरलँडो येथे झालेल्या आंतरराष्ट्रीय टेनिस महासंघाच्या वार्षिक बैठकीत 120 देशांच्या प्रतिनिधींपैकी 71.43 टक्के सदस्यांनी या बदलांना सहमती दर्शवली. हे प्रमाण बदलांसाठी लागणाऱ्या दोनतृतीयांश प्रमाणापेक्षा अधिक असल्याने निर्णयाला बहुमताने मंजुरी मिळाली.
  3. बार्सिलोना फुटबॉलपटू गेरार्ड पिक या बैठकीसाठी स्पेनहून आला. त्याच्या नेतृत्वाखालील कॉसमॉस गटाने दिलेल्या प्रस्तावाला आंतरराष्ट्रीय टेनिस महासंघाचे अध्यक्ष डेव्हिड हॅगर्टी आणि जपानच्या हिरोशी मिकितानी यांनी अनुमोदन दिले.
  4. सध्याच्या स्पर्धा रचनेत खेळाडूंना फेब्रुवारी, जुलै, सप्टेंबर आणि नोव्हेंबरमध्ये खेळावे लागते. त्यामुळे मोठे खेळाडू या स्पर्धेत त्यांच्या देशाचे प्रतिनिधित्व करण्यास टाळाटाळ करतात. त्यामुळेच त्यात बदल करण्याचा निर्णय घेण्यात आला.
  5. या नवीन संरचनेत सुटसुटीतपणा आणून पात्रता फेब्रुवारीत करुन राऊंड रॉबिन पद्धतीने सामने होऊन अंतिम फेरीत दोन एकेरी, एक दुहेरी सामना घेऊन सर्वोत्कृष्ट तीनमधून विजेत्यांची निवड करण्यात येणार आहे.


shivsena richest party in all over india

  1. आशिया खंडातील सर्वाधिक श्रीमंत महापालिकेसह (मुंबई) राज्य आणि केंद्रातील सत्तेत सामील असलेला शिवसेना हा देशातील सर्वात धनाढ्य प्रादेशिक पक्ष ठरला आहे.
  2. असोसिएशन फॉर डेमोक्रेटिक रिफॉर्म्सच्या (एडीआर) आकडेवारीनुसार २०१६-१७ या आर्थिक वर्षात शिवसेनेला २५.६५ कोटी रुपयांच्या देणग्या मिळाल्या आहेत.
  3. देशभरातील राजकीय पक्षांनी निवडणूक आयोगाला दिलेल्या माहितीच्या आधारावर एडीआरने हा अहवाल तयार केला आहे.
  4. शिवसेनेनंतर दिल्लीतील सत्ताधारी आम आदमी पक्षाला सर्वाधिक २४.७५ कोटी रुपयांची देणग्या मिळाल्या आहेत.
  5. त्याखालोखाल पंजाबमधील शिरोमणी अकाली दलाला २०१६-१७ या आर्थिक वर्षात १५.४५ कोटी रुपयांची रक्कम देणगी स्वरुपात मिळाली आहे.
  6. शिवसेना सर्वात श्रीमंत प्रादेक्षिक राजकीय पक्ष ठरला असला तरी, २०१५-१६ च्या तुलनेत त्यांना मिळालेल्या देणग्यांच्या रकमेत ७० टक्क्यांची घट झाली आहे.
  7. २०१५-१६ मध्ये शिवसेनेला ६१.१९ कोटी रुपयांच्या देणग्या मिळाल्या होत्या. तर २०१६-१७मध्ये शिवसेनेला २५.६५ कोटींच्या देणग्या मिळाल्या आहेत.


atal bihari vajpayi  passed away on 16 august 2018

  1. अटलबिहारी वाजपेयी यांचा जन्म २५ डिसेंबर १९२४ रोजी झाला. कवी, लेखक, पत्रकार, राजकीय नेते असं वाजपेयींचं अष्टपैलू व्यक्तिमत्व होतं. एक छोटा राजकीय कार्यकर्ता ते पंतप्रधानपदापर्यंतचा त्यांचा प्रवास थक्क करणारा होता.
  2. वाजपेयी यांनी व्हिक्टोरिया कॉलेजमधून राज्यशास्त्रात मास्टर्स पदवी संपादन केली होती. ते आयुष्यभर अविवाहित राहिले.
  3. जनसंघाचे संस्थापक सदस्य, भारतीय जनसंघाचे अध्यक्ष (१९६८ ते १९७३), जनसंघाच्या संसदीय दलाचे नेते (१९५५ ते १९७७), जनता पक्षाचे संस्थापक सदस्य (१९७७ ते १९८०), भाजपचे अध्यक्ष (१९८० ते १९८६) आणि भाजप संसदीय पक्षाचे नेते (१९८० ते १९८४, १९८६, १९९३ ते १९९६), ११व्या लोकसभेतील विरोधी पक्षाचे नेते.
  4. तसेच २४ मार्च १९७७ ते २८ जुलै १९७९ दरम्यान भारताचे परराष्ट्रमंत्री ही पदे त्यांनी भूषविली.


'भारत छोडो' चळवळीत सहभाग
१९४२मध्ये 'भारत छोडो' चळवळीत वाजपेयींनी उडी घेतली. तेव्हा त्यांना अटक झाली होती. नंतर ते श्यामाप्रसाद मुखर्जी व पर्यायाने भारतीय जनसंघाच्या संपर्कात आले. पुढे भारतीय जनसंघाचे नेते म्हणूनच त्यांची ओळख निर्माण झाली. १९५७ मध्ये वाजपेयी बलरामपूर मतदारसंघातून संसदेवर सर्वप्रथम निवडून आले. तरुणपणातच आपल्या अमोघ वाणीने त्यांनी विरोधी पक्षात असूनही आपली छाप सोडली. खुद्द जवाहरलाल नेहरूंनीही वाजपेयी एकदिवस नक्कीच भारताचे पंतप्रधान होतील, अशा शब्दांत त्यांचा गौरव केला होता.

मोरारजी सरकारमध्ये परराष्ट्र मंत्री
१९७५ मध्ये इंदिरा गांधी यांनी देशात आणीबाणी जाहीर केली तेव्हा राष्ट्रीय स्वयंसेवक संघ आणि भारतीय जनसंघाने आणीबाणी विरोधात रान उठवले. याच दरम्यान वाजपेयींना तुरुंगवास भोगावा लागला. १९७७ मध्ये इंदिरा गांधी यांनी पंतप्रधानपदाचा राजीनामा दिला. त्यानंतर झालेल्या निवडणुकीआधी भारतीय जनसंघाने अनेक प्रादेशिक पक्षांसोबत जनता पार्टीची स्थापना केली. जनता पार्टीला निवडणुकीत बहुमत मिळाले आणि मोरारजी देसाई यांच्या नेतृत्वाखाली सरकार स्थापन झाले. वाजपेयी हे दिल्लीतून निवडून आले आणि परराष्ट्रमंत्री पदाची जबाबदारी त्यांच्याकडे देण्यात आली. दोन वर्षांच्या मंत्रिपदाच्या कारकीर्दीत वाजपेयी १९७९ मध्ये चीन भेटीवर गेले. १९६२च्या युद्धानंतर दोन देशांदरम्यान संबंध सुधारण्याचा हा प्रयत्न होता. त्यांनी नंतर पाकिस्तानलाही भेट दिली. त्याआधी १९७१च्या युद्धानंतर भारत व पाक दरम्यान चर्चा आणि व्यापार ठप्प होता. वाजपेयी यांनी निःशस्त्रीकरण परिषदेत देशाचे प्रतिनिधित्व केले आणि भारताच्या अणुकार्यक्रमाचे जोरदार समर्थन केले. १९७७च्या संयुक्त राष्ट्रांच्या आमसभेत त्यांनी हिंदीतून भाषण केले. पुढे १९७९ मध्ये राष्ट्रीय स्वयंसेवक संघावरील कारवाईमुळे त्यांनी आपल्या पदाचा राजीनामा दिला.

भाजपचे पहिले अध्यक्ष
१९७७ मध्ये विराजमान झालेले जनता पक्षाचे सरकार फार काळ टिकले नाही. अवघ्या दोनच वर्षांत १९७९ मध्ये मोरारजी देसाई यांनी राजीनामा दिला. नंतर अंतर्गत कलहामुळे जनता पक्षही विस्कटला. पुढे वाजपेयींनी राष्ट्रीय स्वयंसेवक संघ आणि भारतीय जनसंघातील मित्र खासकरून लालकृष्ण आडवाणी आणि भैरोसिंह शेखावत यांच्यासोबत मिळून १९८० मध्ये भारतीय जनता पक्षाची स्थापना केली. वाजपेयी हे भाजपचे पहिले अध्यक्ष बनले.

पंतप्रधानपदाचे उमेदवार
ऑपरेशन ब्ल्यू-स्टारला भाजपचा पाठिंबा होता, मात्र इंदिरा गांधी यांची अंगरक्षकाकडून हत्या झाल्यानंतर दिल्लीमध्ये ज्या शीख विरोधी दंगली उसळल्या त्याचाही भाजपने विरोध केला. यानंतर झालेल्या लोकसभा निवडणुकीत भाजपाच्या वाट्याला केवळ २ जागा आल्या. तरीही भाजपा देशाच्या राजकारणात मुख्य प्रवाहात राहिला आणि वाजपेयी हेच पक्षाच्या केंद्रस्थानी राहिले. भाजपवरील हिंदुत्वाचा प्रभाव वाढत होता. त्यातूनच विश्व हिंदू परिषद आणि राष्ट्रीय स्वयंसेवक संघाच्या विचारधारेला भाजपने राजकीय स्तरावर आवाज दिला. यात अयोध्येत राममंदिर बांधण्याचा मुद्दा अग्रभागी होता. पुढे ६ डिसेंबर १९९२ रोजी अयोध्येत बाबरी मशीद पाडण्याच्या घटनेमुळे देशात जातीय हिंसाचार उसळला. तरीही देशाच्या राजकारणातला भाजपचा प्रभाव कायम राहिला. १९९५च्या मार्चमध्ये गुजरात आणि महाराष्ट्राच्या विधानसभेच्या निवडणुकांत भाजपाला चांगले यश मिळाले. त्याचवेळी भाजपच्या मुंबई येथील नोव्हेंबर १९९५च्या अधिवेशनात आडवाणी यांनी वाजपेयी यांचे नाव १९९६च्या लोकसभा निवडणुकांसाठी पंतप्रधानपदासाठी उमेदवार म्हणून घोषित केले.

...
अन् वाजपेयींनी दिला राजीनामा
१९९६च्या लोकसभा निवडणुकीत भाजप १६२ जागांसह सर्वात मोठा पक्ष म्हणून उदयाला आला. अनेक प्रादेशिक पक्ष तसेच छोट्या पक्षांच्या यशामुळे १९९६ची लोकसभा त्रिशंकू राहिली. सर्वात मोठा पक्ष म्हणून भाजपला सत्ता स्थापनेसाठी निमंत्रण मिळाले. वाजपेयी यांनी पंतप्रधान म्हणून शपथ घेतली. पण लोकसभेत बहुमताचा आकडा भाजपला गाठता आला नाही. त्यामुळेचबहुमताच्या अग्निपरीक्षेला सामोरे न जाताच वाजपेयींनी तेराव्या दिवशी आपल्या पदाचा राजीनामा दिला. तो दिवस होता १ जून १९९६. त्यानंतर १९ मार्च १९९८ ते २२ मे २००४ पर्यंत वाजपेयी पंतप्रधान होते. वाजपेयींनी यशस्वीपणे आघाडीचं सरकार चालवलं. इंदिरा गांधी आणि जवाहरलाल नेहरू यांच्यानंतर ते सर्वाधिक काळ पंतप्रधानपदी राहिलेले बिगर काँग्रेसी नेते ठरले.

एका मताने कोसळले सरकार
१९९६ ते ९८ दरम्यान तिसऱ्या आघाडीला सरकार स्थापनेच्या दोन संधी मिळाल्या. दैवेगोडा आणि इंद्रकुमार गुजराल भारताचे पंतप्रधान झाले. ही दोन्ही सरकारे अल्पकाळ राहिली. १९९८च्या निवडणुकांत भाजपने पुन्हा चांगले यश मिळवले. भाजपने इतर पक्षांसोबत मिळून राष्ट्रीय लोकशाही आघाडीची स्थापना केली आणि वाजपेयींच्या नेतृत्वाखाली एनडीए सरकार विराजमान झालं. १९९८च्या अखेरीस अण्णाद्रमुकच्या सर्वेसर्वा जयललिता यांनी एनडीएचा पाठिंबा काढला. यावेळी विश्वासदर्शक ठरावावेळी वाजपेयी सरकार अवघ्या एका मताने पडले. त्यावेळी विरोधी पक्षसुद्धा सरकार स्थापन करू शकला नाही आणि अखेर देश पुन्हा लोकसभा निवडणुकांना सामोरा गेला. त्यावेळी वाजपेयी हे काळजीवाहू पंतप्रधान बनले.

लाहोर भेट
१९९८च्या शेवटी वाजपेयींनी पाकिस्तानसोबत शांतता चर्चेसाठी मोठा पुढाकार घेतला. लाहोर-दिल्ली दरम्यान बससेवा सुरू करण्याचा निर्णय घेण्यात आला. ते स्वतः पहिल्या बसमधून पाकिस्तानमध्ये चर्चेसाठी गेले. याचे भारतात, पाकिस्तानात आणि जागतिक स्तरावर स्वागत झाले. वाजपेयींसोबत पाकिस्तानला केवळ राजकारणी आणि मुत्सद्दीच नव्हे तर कला क्षेत्रातूनही अनेक मान्यवर गेले. देव आनंद यांचाही त्यात समावेश होता. कारगील युद्धानंतर पाकिस्तान दौऱ्यावर जाणाऱ्या भारतीय क्रिकेट संघाला त्यांनी 'खेल भी जीतो और दिल भी' हा संदेश दिला होता.

विमान अपहरण, संसदेवरील हल्ल्याचा आघात

१९९९ मध्ये झालेल्या सार्वत्रिक निवडणुकांमध्ये एनडीएला पुन्हा घवघवीत यश मिळाले आणि वाजपेयींनी सलग तिसर्यांदा पंतप्रधानपदाची शपथ घेतली. हा कार्यकाळ संमिश्र ठरला. सरकार सत्तेत आले त्याचवर्षी तालिबानी दहशतवाद्यांनी भारतीय प्रवासी विमानाचे अपहरण केले. हे विमान नेपाळची राजधानी काठमांडूहून दिल्लीला निघाले होते. दहशतवाद्यांनी हे विमान कंदहारला नेते. वाजपेयी सरकारवर त्यावेळी विमानाच्या बदल्यात तीन दहशतवाद्यांना सोडण्याची नामुश्की झेलावी लागली. २००१ मध्ये दहशतवादी अफझल गुरू आणि त्याच्या साथीदारांनी संसदेवर हल्ला केला. या हल्ल्यामध्ये ७ भारतीय सुरक्षा रक्षक मारले गेले. वाजपेयी सरकारसाठी हे दोन मोठे आघात ठरले.

अटल बिहारी वाजपेयींना जडलेला डिमेन्शिया नेमका काय?

  • भाजपचे ज्येष्ठ नेते आणि माजी पंतप्रधान अटल बिहारी वाजपेयी यांची प्राणज्योत मालवली. ते 93 वर्षांचे होते.
  • किडनी संसर्गामुळं वाजपेयी यांना 11 जून रोजी रुग्णालयात दाखल करण्यात आलं होतं.
  • त्यांच्यावर दिल्लीतील एम्स रुग्णालयात उपचार सुरु होते. गेल्या 24 तासांपासून त्यांची प्रकृती खूपच खालावली होती. त्यांना व्हेंटिलेटरवर ठेवण्यात आलं होतं.
  • अखेर 16 August 2018 ला त्यांनी अखेरचा श्वास घेतला.


aayushman bharat yojana will start from 25 september 2018

  1. पंतप्रधान नरेंद्र मोदींनी आयुष्मान योजनेचा शुभारंभ 25 सप्टेंबरला होणार असल्याचे जाहीर केले आहे.
  2. देशातील गरीब आणि सर्वसामान्यांना चांगले उपचार मिळावे. मोठ्या आजारांसाठी चांगल्या रुग्णालयात मोफत उपचार मिळावे, यासाठी पंतप्रधान जनआरोग्य योजना सुरु करण्याचा निर्णय घेतला आहे.
  3. योजनेत पारदर्शकता राहावी आणि सर्वसामान्यांना या योजनेचा सहज लाभ घेता यावा यासाठी तंत्रज्ञानाचा वापर केला जाईल. या तंत्रज्ञानाची सध्या चाचपणी सुरु आहे.
  4. तसेच 25 सप्टेंबर रोजी पंडित दिनदयाल उपाध्याय यांच्या जयंतीला देशभरात या योजनेचा शुभारंभ होणार आहे.


Top