कर सहायक (पेपर २)

useful-tips-for-mpsc-exam-tax assistant

1050  

आज आपण कर सहायक गट क परीक्षेच्या पेपर २ बद्दल बोलणार आहोत. या पेपरसाठी परीक्षेला जाता जाता उजळणी कशी करावी आणि त्यासाठी कोणते अभ्यासस्रोत वापरावेत याचा आढावा घेऊ या.

अभ्यासक्रम व अभ्यासस्रोत

१. नागरिकशास्त्र – राज्य व्यवस्थापन (प्रशासन), नागरी व ग्रामीण व्यवस्थापन (प्रशासन)

या विभागांतर्गत ग्रामप्रशासन आणि राज्यव्यवस्थापन यामधील मूलभूत संकल्पनांचे आकलन, पंचायत राजव्यवस्था, त्यासंदर्भातील समित्या; त्यांच्या शिफारशी; सदस्य; स्थापना वर्ष; कायदे; या स्तरावर कार्यरत अधिकारी – त्यांचे अधिकार व कर्तव्ये; यासंदर्भातील राज्यघटनेतील तरतुदी या घटकांवर विशेष भर द्यावा.

अभ्यासस्रोत – महाराष्ट्र बोर्डाची इयत्ता सहावी ते दहावीपर्यंतची नागरिकशास्त्र आणि अकरावी, बारावीची राज्यशास्त्राची पुस्तके यासाठी उपयोगी ठरतील.

२. भारतीय राज्यघटना – या विभागात घटना कशी तयार झाली आणि घटनेच्या प्रस्तावनेमागची भूमिका व तत्त्वे, घटनेची महत्त्वाची कलमे / ठळक वैशिष्टय़े, केंद्र व राज्य संबंध, निधर्मी राज्य, मूलभूत हक्क व कर्तव्ये, राज्याच्या धोरणाची मार्गदर्शक तत्त्वे-शिक्षण, युनिफॉर्म सिव्हिल कोड, स्वतंत्र न्यायपालिका, राज्यपाल, मुख्यमंत्री व मंत्रिमंडळ – अधिकार व कार्य, राज्य विधिमंडळ – विधानसभा, विधान परिषद व त्यांचे सदस्य, अधिकार, कार्य व विधी समित्या या विभागांतर्गत भारतीय राज्यघटनेबद्दलची निरीक्षणे, केंद्र-राज्य संबंध आणि त्यासंबंधित तरतुदी, नीती आयोग आणि त्याचे महत्त्व; कार्य; संरचना, राष्ट्रपती; पंतप्रधान; मुख्यमंत्री; राज्यपाल ही पदे व या पदांची कार्ये, पात्रता, विशेषाधिकार, लोकसभा; राज्यसभा; तसेच विधानसभा; विधान परिषद यांची कार्यपद्धती, लोकलेखा समिती; तिची निर्मिती; कार्य, संविधान दुरुस्तीविषयक तरतुदी आणि त्यांचे विषय, भारताचा महाधिवक्ता; त्याची कार्ये; अधिकार व त्यासंदर्भातील तरतुदी, महाराष्ट्र राज्याची निर्मिती, त्यासंदर्भात संयुक्त महाराष्ट्र चळवळ आणि तिचे पडसाद, या महत्त्वाच्या मुद्दय़ांवर विशेष भर द्यावा.

अभ्यासस्रोत – सहावी ते दहावीपर्यंतची नागरिकशास्त्राची महाराष्ट्र बोर्डाची पाठय़पुस्तके अकरावी व बारावीची राज्यशास्त्राची पुस्तके, एम. लक्ष्मीकांत यांचे इंडियन पॉलिटी हे पुस्तक.

३. पंचवार्षिक योजना – या विभागांतर्गत नियोजनाची प्रक्रिया, प्रकार, भारताच्या आतापर्यंतच्या पंचवार्षिक योजनांचा आढावा, मूल्यांकन, सामाजिक व आर्थिक विकासाचे निर्देशफलक, राज्य आणि स्थानिक पातळीवरील नियोजन, विकेंद्रीकरण, ७३ व ७४ वी घटनादुरुस्ती, भारतीय अर्थव्यवस्था, क्षेत्रीय विकासाचा कल व सेवा क्षेत्राची रूपरेषा, भारतीय अर्थव्यवस्थेच्या समोरील आव्हाने, गरिबी, बेरोजगारी आणि प्रादेशिक असमतोल आणि त्या संदर्भातील पंचवार्षिक योजनांमधील तरतुदी या महत्त्वाच्या मुद्दय़ांवर विशेष भर द्यावा.

अभ्यासस्रोत – वरील घटकासाठी भारताची व महाराष्ट्राची आर्थिक पाहणी तसेच स्पर्धा परीक्षा अर्थशास्त्र भाग १ हे डॉ. किरण देसले यांचे पुस्तक अभ्यासावे.

४.  चालू घडामोडी – जागतिक तसेच भारतातील 

हा घटक अभ्यासताना परीक्षेच्या अगोदर किमान एक वर्ष अगोदर घडलेल्या राष्ट्रीय तसेच आंतरराष्ट्रीय घडामोडी विचारात घ्याव्या लागतात. यामध्ये विज्ञान-तंत्रज्ञान, अर्थव्यवस्था भारतीय राजकारण, सर्वोच्च न्यायालयाचे महत्त्वपूर्ण निकाल, नवीन लागू झालेल्या करप्रणाली, जागतिक उच्चांक, राज्य सरकारचे व केंद्र सरकारचे अधिनियम, विविध योजना, चित्रपट क्षेत्रातील पुरस्कार, क्रीडा क्षेत्रातील वैशिष्टय़पूर्ण कामगिरी यांचा समावेश करावा.

अभ्यासस्रोत – योजना, लोकराज्य ही मासिके, लोकसत्ता, इंडियन एक्स्प्रेस ही दैनिके.

५. बुद्धिमापन चाचणी व मूलभूत गणितीय

कौशल्ये – ५.१) बुद्धिमत्ता चाचणी – उमेदवार किती लवकर व अचूकपणे विचार करू शकतो हे आजमावण्यासाठी या घटकावर प्रश्न विचारले जातात. या प्रश्नांमधून विद्यार्थ्यांच्या चौकस बुद्धी आणि बौद्धिक क्षमतेचाही कस पाहिला जातो. या विभागातील प्रश्न सोडविण्यासाठी जास्तीत जास्त सराव आणि उजळणीची गरज असते.

५.२) मूलभूत गणितीय कौशल्य – यामध्ये मूलभूत अंकगणितीय कौशल्ये, अंक आणि त्यांचे परस्पर संबंध, अशा दहावीच्या स्तरावरील गणितीय क्रियांवर अधिक भर देणे अपेक्षित आहे.

अभ्यासस्रोत – वा. ना. दांडेकर यांची गणित आणि बुद्धिमत्ता या विषयांची पुस्तके, सातवी स्कॉलरशिप, आठवी व नववीची टळरची पुस्तके आणि दहावीची ठळरची पुस्तके

६. अंकगणित – गुणाकार, भागाकार, दशांश अपूर्णाक व टक्केवारी, गुणोत्तर व प्रमाण, वेळ व अंतर, नफा-तोटा, सूट, व्याज, वेळ व काम, आलेख, सरासरी, महत्त्वमापन व क्षेत्रमापन.

अभ्यासस्रोत – या घटकांचा अभ्यास पाचवी ते दहावीपर्यंतच्या अंकगणित विषयाच्या पाठय़पुस्तकातील उदाहरणसंग्रह सोडवून करावा.

७. पुस्तपालन व लेखाकर्म (Book Keeping and Accountancy)- लेखाकर्म अर्थ, लेखासंज्ञा, द्विनोंद पद्धतीची मूलभूत तत्त्वे, लेखाकर्माकरिता दस्तऐवज, रोजकीर्द, सहायक पुस्तके, खतावणी, बँक मेळजुळणी पत्रक, तेरीज पत्रक, घसारा, अंतिम लेखे, वित्तीय विवरणपत्रके तयार करणे, नफा न कामाविणाऱ्या संस्थांची खाती.

अभ्यासस्रोत – या घटकांचा अभ्यास करण्यासाठी बाजारात उपलब्ध असणारे पुस्तकपालन व लेखाकर्म या संदर्भातील उपलब्ध असणारे अभिजीत बोबडे यांचे पुस्तक वापरावे.

८. आर्थिक सुधारणा व कायदे – यामध्ये उदारीकरण, खासगीकरण, जागतिकीकरण या संकल्पना, त्यांचा अर्थ, व्याप्ती, मर्यादा, केंद्र व राज्य स्तरावरील आर्थिक सुधारणा, WTO तरतुदी आणि सुधारणा आणि त्याचे भारतीय अर्थव्यवस्थेवरील परिणाम, प्रश्न व समस्या, GST, VAT, विक्रीकर संबंधित कायदे व नियम या घटकांवर प्रश्नांचा अधिक भर असतो.

अभ्यासस्रोत – या घटकांचा अभ्यास करण्यासाठी भारतीय अर्थव्यवस्था हे दत्त व सुंदरम यांचे पुस्तक तसेच स्पर्धा परीक्षा अर्थशास्त्र भाग १ व भाग २ ही डॉ. किरण देसले यांची पुस्तके अभ्यासावीत.

महिलांसाठी संशोधनकिरण  केंद्र सरकारच्या विज्ञान व तंत्रज्ञान मंत्रालयातर्फे

  • महिला संशोधकांसाठी असणाऱ्या ‘नॉलेज इन्व्हॉल्वमेंट इन रिसर्च अ‍ॅडव्हान्समेंट नर्चरिंग’ म्हणजे ‘किरण’ योजनेअंतर्गत २०१८-१९ या शैक्षणिक सत्रामध्ये विज्ञान व तंत्रज्ञान क्षेत्रात खालीलप्रमाणे संशोधनपर संधी उपलब्ध आहेत.
  • योजनेअंतर्गत समाविष्ट विषय – योजनेअंतर्गत समाविष्ट विषयांमध्ये कृषी व संबंधित क्षेत्र, आरोग्य व सकस आहार, विज्ञान व तंत्रज्ञान विकास यासारख्या विषयातील संशोधनपर कामाचा समावेश आहे.
  • आवश्यक पात्रता – अर्जदारांनी विज्ञान व तंत्रज्ञान क्षेत्रासह वरील विषयातील पदव्युत्तर पात्रता चांगल्या शैक्षणिक आलेखासह उत्तीर्ण केलेली असावी व त्यांना संशोधनपर कामाची रुची असायला हवी. संगणकाचे ज्ञान आवश्यक.
  • पाठय़वृत्तीचा कालावधी व तपशील- ‘किरण’ योजनेअंतर्गत संशोधनपर फेलोशिपचा कालावधी तीन वर्षांपर्यंत असेल व त्यादरम्यान त्यांना खालीलप्रमाणे दरमहा संशोधनपर पाठय़वृत्ती देण्यात येईल.
  • एमएस्सी पात्रताधारक उमेदवारांसाठी दरमहा ३० हजार रुपये.
  • एमफील/ एमटेक पात्रताधारक उमेदवारांसाठी दरमहा ४० हजार रुपये. पीएचडी पात्रताधारक उमेदवारांसाठी दरमहा ५५ हजार रुपये.
  • अधिक माहिती व तपशील- वरील संदर्भात अधिक माहिती व तपशीलासाठी प्रमुख वृत्तपत्रात प्रकाशित झालेली केंद्र सरकारच्या विज्ञान व तंत्रज्ञान मंत्रालयाची महिला संशोधकांसाठी असणाऱ्या ‘किरण’ संशोधन योजनेची जाहिरात पाहावी अथवा विज्ञान व तंत्रज्ञान मंत्रालयाच्या www.dst.gov.in  या संकेतस्थळाला भेट द्यावी.

पूर्व परीक्षेनंतर..

article-about-after-the-mpsc-pre-exam-1843984/

6279  

राज्यसेवा पूर्व परीक्षा १७ फेब्रुवारी रोजी पार पडली. उमेदवारांनी विश्लेषण केले असेल, आडाखे बांधले असतील, कमी महत्त्वाचे, अति महत्त्वाचे असे ठरवून अभ्यास केला असेल. पण जेव्हा प्रत्यक्ष प्रश्नपत्रिका हातात येते, तेव्हा लक्षात येते की, आयोगाची प्रश्नपत्रिका आपल्या अंदाजाच्या एक तर दोन पावले पुढे आहे किंवा दोन पावले मागे आहे. उमेदवार आणि आयोग एकाच पातळीवरून चालत आहेत असा अनुभव एक तर फार कमी वेळा किंवा फार कमी प्रश्नांबाबत येतो.

कधी मागे, कधी पुढे तर कधी बरोबर या अनुभवालाच परीक्षा म्हणतात. उमेदवारांचे कर्तव्य अभ्यास करून परीक्षा देणे आणि आयोगाची जबाबदारी परीक्षा घेणे. राज्यसेवा पूर्व परीक्षेचा पेपर काहींना अवघड तर काहींना सोपा गेला असेल. मात्र कट ऑफ, नवीन मराठा आरक्षणाचा त्यावर होऊ शकणारा परिणाम याबाबत जास्त चर्चा न करता पुढची तयारी सुरू झाली पाहिजे.

परीक्षा देणाऱ्या लाखो उमेदवारांत मोठी संख्या नव्या म्हणजे पहिल्यांदा परीक्षा देणाऱ्या उमेदवारांची असते. दोन्ही पेपर अवघड गेले असतील, केलेल्या अभ्यासापेक्षा वेगळाच पेपर होता अशी भावना झाली असेल तर अशा उमेदवारांनी अपेक्षाभंगाचे ओझे वाहून घेण्याचे कारण नाही. पहिल्या परीक्षेच्या अनुभवाला सर्वानाच सामोरे जावे लागते. कधी ना कधी प्रत्येकानेच पहिली परीक्षा दिलेली असते. या नराश्य अनुभवातून सगळेच गेलेले असतात. अनुभवातून गेलेले असण्यापेक्षा अनुभवातून शिकलेले असणे महत्त्वाचे. कारण असे उमेदवारच पुढे यशस्वी झालेले असतात.

पहिलाच प्रयत्न असणाऱ्या उमेदवारांनी नव्या उमेदीने तयारी सुरू केली पाहिजे. सर्वप्रथम हे समजून घ्या की परीक्षेच्या तयारीसाठी गांभीर्य आवश्यक आहे.

पूर्व – मुख्य – मुलाखत या अशा परीक्षा प्रक्रियेसाठी एक वर्षांचा कालावधी लागतो. परीक्षेपूर्वी तयारीसाठी किमान सहा महिने दिले तरी एका प्रयत्नासाठी दीड वर्ष, दोन प्रयत्नांसाठी अडीच वष्रे असा कालावधी द्यावा लागतो. वरवरचा अभ्यास, मोजके गाइड्स किंवा रेडीमेड नोट्स असा अभ्यास उपयुक्त नाही. त्यासाठी मूलभूत पुस्तकांपासून अभ्यास करावा लागेल. जाणकारांचे मार्गदर्शन घ्यावे लागेल. तरच तुमच्या तयारीला दिशा मिळेल. नव्या उमेदवारांची तयारीची सुरुवात मुख्य परीक्षेच्या अभ्यासापासून झाली पाहिजे.

जुने उमेदवार ज्यांनी यापूर्वी एक-दोन वेळा परीक्षा दिल्या आहेत अशा उमेदवारांनी जास्त वेळ पूर्व परीक्षेनंतरच्या रोमॉंटीसिझममध्ये न अडकता तात्काळ मुख्य परीक्षेची तयारी सुरू  केली पाहिजे. नव्या आणि जुन्या उमेदवारांसाठी कॉमन मिनिमम प्रोग्राम मुख्य परीक्षेची तयारी हाच असला पाहिजे.

निकालाची चिंता न करता आपण मुख्य परीक्षेसाठी पात्र ठरणारच आहोत असे गृहीत धरून मुख्य परीक्षेच्या अभ्यासाला सुरुवात करायला हवी. ज्यामुळे पूर्व परीक्षेत यशाने हुलकावणी दिली तरी, मधला काळ मुख्य परीक्षेच्या अभ्यासासाठी वापरल्याने पुढच्या प्रयत्नांची आणि इतर स्पर्धा परीक्षांसाठीची तयारी सुरक्षित होते व स्पध्रेत आपली दावेदारीसुद्धा! स्पर्धा परीक्षांच्या तयारीचे काही अतिरिक्त नियम आहेत. त्यापकी हा महत्त्वाचा नियम आहे, आयोगाच्या वेळापत्रकानुसार आपल्या अभ्यासाचे वेळापत्रक नेहमी गतिशील ठेवायला हवे. राज्य लोकसेवा आयोगाच्या प्रसिद्ध झालेल्या परीक्षांच्या अंदाजित वेळापत्रकात बदल होऊ शकतो. पण म्हणून ‘जेव्हा होईल तेव्हा बघू’ असे धोरण आपल्या वेळापत्रकाचा भाग कधीच असू नये.

काही उमेदवार इतर स्पर्धा परीक्षाही देणार असतील. किंबहुना त्यांनी त्या द्यायलाच हव्यात असा आम्ही नेहमीच सल्ला देतो. या परीक्षांचे अद्ययावत वेळापत्रक अभ्यासाच्या नियोजनासाठी देत आहोत.

हे वेळापत्रक आणि तुम्ही देणार असलेल्या परीक्षा यांचा व्यवस्थित अभ्यास करून पुढचे वेळापत्रक आखून घ्यावे. या सर्व परीक्षांच्या अभ्यासक्रमामध्ये कॉमन असणाऱ्या मुद्दय़ांची

(उदा. भारताची राज्यघटना) तयारी एकत्रितपणे आधी करावी. त्यानंतर त्या त्या परीक्षेच्या वेळेप्रमाणे विशिष्ट घटक विषयांची उजळणी करता येईल.

तेव्हा राज्यसेवा पूर्व परीक्षेच्या मूडमधून बाहेर येऊन या परीक्षांची तयारी सुरू झाली पाहिजे. पुढील परीक्षांसाठी सर्वाना शुभेच्छा!

महाराष्ट्र दुय्यम सेवा संयुक्त पूर्व परीक्षा २४ मार्च

महाराष्ट्र दुय्यम सेवा मुख्य परीक्षा संयुक्त पेपर (पेपर क्र. १) २८ जुलै

पोलीस उपनिरीक्षक मुख्य परीक्षा  (पेपर क्र. २) ४ ऑगस्ट

राज्य कर निरीक्षक (पेपर क्र. २) ११ ऑगस्ट

सहायक कक्ष अधिकारी मुख्य परीक्षा (पेपर क्र. २) २५ऑगस्ट

सहायक मोटर वाहन निरीक्षक पूर्व परीक्षा २८ एप्रिल

सहायक मोटर वाहन निरीक्षक मुख्य परीक्षा  १ सप्टेंबर

महाराष्ट्र कृषी सेवा पूर्व परीक्षा १९ मे

महाराष्ट्र कृषी सेवा मुख्य परीक्षा २९ सप्टेंबर

महाराष्ट्र गट क सेवा पूर्व परीक्षा १६ मे

महाराष्ट्र गट क सेवा मुख्य परीक्षा संयुक्त पेपर (पेपर क्र. १) ६ ऑक्टोबर

लिपिक टंकलेखक मुख्य परीक्षा  (पेपर क्र. २) १३ ऑक्टोबर

दुय्यम निरीक्षक, राज्य उत्पादन शुल्क  (पेपर क्र. २) २० ऑक्टोबर

कर सहायक मुख्य परीक्षा (पेपर क्र. २) ४ नोव्हेंबर

महाराष्ट्र वन सेवा पूर्व परीक्षा २६ मे

महाराष्ट्र वन सेवा मुख्य परीक्षा १५ सप्टेंबर

महाराष्ट्र अभियांत्रिकी सेवा पूर्व परीक्षा २६ जून

महाराष्ट्र अभियांत्रिकी सेवा मुख्य परीक्षा

महाराष्ट्र अभियांत्रिकी सेवा मुख्य परीक्षा (यांत्रिकी )   २ नोव्हेंबर

महाराष्ट्र अभियांत्रिकी सेवा मुख्य परीक्षा (यांत्रिकी/ विद्युत) ९ डिसेंबर

महाराष्ट्र अभियांत्रिकी सेवा मुख्य परीक्षा (विद्युत) २४ नोव्हेंबर

महाराष्ट्र अभियांत्रिकी सेवा मुख्य परीक्षा (स्थापत्य) २४ नोव्हेंबर

दुय्यम सेवा पूर्व परीक्षा चालू घडामोडी

mpsc-exam-2019-mpsc-exam-preparation-tips-mpsc-study-tips

474  

दुय्यम सेवा पूर्व परीक्षा मार्च २०१९ मध्ये होत आहे. दिलेल्या अभ्यासक्रमातील वेगवेगळ्या घटकांच्या तयारीबाबत या लेखापासून चर्चा करण्यात येत आहे. अभ्यासक्रमामध्ये सर्वप्रथम चालू घडामोडी हा घटक नमूद करण्यात आला आहे. उमेदवारांना घटकविषयांचे पारंपरिक ज्ञान असणे आवश्यक आहे.

सोबतच त्या विषयाची समजही हवीच. परंतु यापुढे जाऊन त्यांना आपल्या परिवेशाबाबत अद्ययावत माहिती असणे आणि तिच्याबाबत त्यांनी जागरूक असणेही आयोगाला अपेक्षित आहे. त्या दृष्टीने चालू घडामोडी हा घटक म्हटले तर वेगळा आणि म्हटले तर इतर घटक विषयांचा संदर्भ असा विचारात घेता येतो. या घटकाबाबत प्रश्नपत्रिकांच्या विश्लेषणातून पुढील मुद्दे लक्षात येतात.

चालू घडामोडींचे जागतिक आणि भारतीय असे ढोबळ वर्गीकरण केलेले असले तरी या घटकांमध्ये बऱ्यापैकी व्यापक बाबी समाविष्ट होतात, त्या पुढीलप्रमाणे

जागतिक चालू घडामोडी

यामध्ये क्रीडा, पुरस्कार, संमेलने, विज्ञान, व्यक्तीविशेष याबाबत आंतरराष्ट्रीय स्तरावरील महत्त्वाच्या बाबी येतात.

विश्वचषक, ऑलिम्पिक, आशियाई स्पर्धा, इतर महत्त्वाच्या आंतरराष्ट्रीय क्रीडा स्पर्धा, त्यातील विक्रम, भारत / महाराष्ट्र यांची कामगिरी यांचा आढावा घ्यायला हवा.

साहित्य क्षेत्रातील आंतरराष्ट्रीय पुरस्कार, चच्रेतील महत्त्वाची पुस्तके व त्यांचे लेखक, चच्रेतील लेखकांबाबतच्या महत्त्वाच्या बाबी पाहाव्यात.

चित्रपट, संगीत, पत्रकारिता, प्रशासन, संशोधन, शैक्षणिक क्षेत्रातील पुरस्कारप्राप्त व्यक्ती माहीत असाव्यात. भारतातील व्यक्तींना हे पुरस्कार मिळाले असल्यास त्यांच्या बाबतची अतिरिक्त माहिती असणे आवश्यक आहे.

नैसर्गिक आपत्ती, वैशिष्टय़पूर्ण भौगोलिक / खगोलशास्त्रीय / लक्षणीय पर्यावरणीय घटना यांबाबत मूलभूत व संकल्पनात्मक माहिती करून घ्यावी.

खगोलशास्त्रीय शोध, वैज्ञानिक शोध, तंत्रज्ञानविषयक अद्ययावत माहिती, भारताचा सहभाग असलेले महत्त्वाचे आंतरराष्ट्रीय प्रकल्प यांचा आढावा घ्यावा.

महत्त्वाच्या आंतरराष्ट्रीय संघटना, परिषदा त्यांमधील भारताची भूमिका, झालेले ठराव / निर्णय व इतर महत्त्वाच्या घडामोडींचा आढावा घ्यावा.

भारतातील चालू घडामोडी

राष्ट्रीय स्तरावरील क्रीडा स्पर्धा, त्यातील विजेते, महाराष्ट्राची कामगिरी यांचा आढावा घ्यायला हवा.

राष्ट्रीय स्तरावरील साहित्य, चित्रपट, संगीत, पत्रकारिता, प्रशासन, शैक्षणिक क्षेत्रातील पुरस्कार तसेच पद्म पुरस्कार, शौर्य पुरस्कारप्राप्त व्यक्ती माहीत असाव्यात.

महाराष्ट्र शासनाचे विविध पुरस्कार, राज्य स्तरावरील महत्त्वाची संमेलने यांची माहिती असायला हवी.

चच्रेतील व्यक्ती, त्यांचे कार्यक्षेत्र, नियुक्त्या, निवड, बढती यांचा आढावा घ्यायला हवा.

सामान्य अध्ययन घटकांशी संबंधित चालू घडामोडी

यामध्ये भारताचे द्विपक्षीय तसेच संघटना सदस्य म्हणून आंतरराष्ट्रीय संबंध, निवडणुका, नवीन विधेयके, धोरणे, कायदे या राजयव्यवस्था घटकाशी संबंधित बाबी पाहायला हव्यात.

नैसर्गिक आपत्ती, वैशिष्टय़पूर्ण भौगोलिक घटना, त्यांची वैशिष्टय़े समजून घ्यावीत.

आर्थिक विकास दर, वेगवेगळे आंतरराष्ट्रीय व राष्ट्रीय निर्देशांक, जनगणना, बँक दर, जीएसटी, आर्थिक क्षेत्रातील नवे निर्णय, जीडीपी, जीएनपी यांची अद्ययावत माहिती असायला हवी.

विविध शासकीय योजना, त्यांच्या तरतुदी, लाभार्थी यांचा आढावा घ्यायला हवा.

सामान्य ज्ञान स्वरूपाची माहिती

खेळांचे नियम, लोकपरंपरा, सर्वात मोठे / लहान भौगोलिक क्षेत्र, शहरांची उपनावे, प्रसिद्ध व्यक्तींची अवतरणे अशासारखे मुद्दे विचारले जाऊ शकतात.

संदर्भ साहित्य

अभ्यासासाठी विभागणी केली तरी प्रश्नांचे नेमके स्वरूप समजण्यासाठी मागील वर्षांच्या प्रश्नप्रत्रिका अभ्यासणे हा सर्वोत्तम मार्ग आहे. त्याकरिता प्रश्नप्रत्रिकांचे नियमित वाचन करायला हवे. प्रश्नांचे स्वरूप लक्षात आले की, नेमके काय वाचायला हवे, ते कळते. वृत्तपत्रांतील ‘बातमी’ आणि स्पर्धा परीक्षेविषयी आवश्यक ‘माहिती’ यातला फरक   जाणून घेणे आवश्यक आहे.

उमेदवारांचा एक सर्वसाधारण अनुभव असा आहे की, एका विषयाची घडामोडींची माहिती वेगवेगळ्या दोन-तीन संदर्भ पुस्तकांत वाचली की संभ्रम वाढतो. चालू घडामोडींबाबत परीक्षार्थीना हा प्रश्न पडतो. यावर एखादे दुसरे गाइड वाचणे हा पर्याय ठरू शकत नाही अथवा माहितीस्रोत म्हणून एकाच संदर्भ पुस्तकाचा वापर करणेही उपयोगाचे ठरत नाही. आयोगाच्या जुन्या प्रश्नपत्रिका पाहिल्या की, अशा तऱ्हेने अभ्यास केल्यास आपण स्पर्धेत टिकणे कठीण आहे याची जाणीव होते. यासाठी इंग्रजी संदर्भ पुस्तके वापरणाऱ्या उमेदवारांनी इंडिया इयर बुक, आर्थिक पाहणी अहवाल व अर्थसंकल्प यांची प्रत्यक्ष डॉक्युमेंट्स पाहावीत. राज्याच्या अर्थसंकल्प व आर्थिक पाहणी अहवाल मराठी व इंग्रजीतून उपलब्ध होतो. नव्या योजना, कायदे यांचा अभ्यास करण्यासाठी योजनेची संकेतस्थळे व कायद्याची मूळ प्रत पाहावी.

अनेक जागतिक घटनांचा प्रभाव भारताच्या आणि महाराष्ट्राच्या राजकीय, आर्थिक आणि सामाजिक क्षेत्रांवर पडत असतो. या सर्व बदलांचे प्रतििबब ‘सामान्य अध्ययन’ प्रश्नपत्रिकेत उमटते. हे लक्षात घेऊन चालू घडामोडींची तयारी करताना एका बाजूला स्वतंत्र चालू घडामोडी, तर दुसऱ्या बाजूला त्या त्या घटकांशी संबंधित चालू घडामोडींची तयारी करणे आवश्यक आहे.

गट ‘क’ सेवांची काठिण्य पातळी

mpsc-exam-preparation-tips-useful-tips-for-mpsc-exam-1860784

329  

पहिली गट ‘क’ सेवा संयुक्त पूर्वपरीक्षा सन २०१८मध्ये पार पडली. या वर्षीची पूर्वपरीक्षा २६ जून रोजी आयोजित करण्यात येत आहे. राज्य लोकसेवा आयोगाकडून शासनाच्या विविध विभागांमधील पदांवर भरतीसाठी स्पर्धा परीक्षा आयोजित करण्यात येतात. संबंधित पदांच्या कामाचे स्वरूप लक्षात घेऊन त्या पदांसाठी परीक्षा पद्धती, तिचा अभ्यासक्रम आणि काठिण्य पातळी ठरविण्यात येते. त्यामुळे वेगवेगळ्या पदांसाठी परीक्षेचे स्वरूप, अभ्यासक्रम आणि प्रश्नपत्रिकांचा पॅटर्न व दर्जा यांमध्ये फरक असतो.

गट ब अराजपत्रित अधिकारी व गट क कर्मचारी या सेवांच्या पूर्वपरीक्षेचा अभ्यासक्रम सारखाच आहे आणि परीक्षेचे स्वरूपही.

अभ्यासक्रम                    

१. चालू घडामोडी – जागतिक तसेच भारतातील

२. नागरिकशास्त्र – भारताच्या घटनेचा प्राथमिक अभ्यास, राज्य व्यवस्थापन (प्रशासन), ग्राम व्यवस्थापन (प्रशासन)

३. आधुनिक भारताचा विशेषत महाराष्ट्राचा इतिहास

४. भूगोल (महाराष्ट्राच्या भूगोलाच्या विशेष अभ्यासासह) – पृथ्वी, जगातील विभाग, हवामान, अक्षांश-रेखांश, महाराष्ट्रातील जमिनीचे प्रकार, पर्जन्यमान, प्रमुख शहरे, नद्या, उद्योगधंदे इत्यादी.

५. अर्थव्यवस्था  –

अ) भारतीय अर्थव्यवस्था – राष्ट्रीय उत्पन्न, शेती, उद्योग, परकीय व्यापार, बँकिंग, लोकसंख्या, दारिद्रय व बेरोजगारी, मुद्रा आणि राजकोषीय नीती इत्यादी

ब) शासकीय अर्थव्यवस्था – अर्थसंकल्प, लेखा, लेखापरीक्षण इत्यादी

६. सामान्य विज्ञान – भौतिकशास्त्र (फिजिक्स), रसायनशास्त्र (केमिस्ट्री), प्राणिशास्त्र (झुलॉजी), वनस्पतीशास्त्र (बॉटनी), आरोग्यशास्त्र (हायजीन).

७. बुद्धिमापन चाचणी व अंकगणित

अ) बुद्धिमापन चाचणी उमेदवार किती लवकर आणि अचूक विचार करू शकतो हे आजमावण्यासाठी प्रश्न

ब) अंकगणित – बेरीज, वजाबाकी, गुणाकार, भागाकार, दशांश, अपूर्णाक व टक्केवारी

पूर्वपरीक्षेचे स्वरूप

गुणांकन

या परीक्षेत मूल्यांकन करताना उत्तरपत्रित नमूद केलेल्या योग्य उत्तरांनाच गुण दिले जातात. प्रत्येक चार चुकीच्या उत्तरामागे एका प्रश्नाचे गुण एकूण गुणांमधून वजा करण्यात येतात. भरायच्या एकूण पदांच्या सुमारे आठ पट उमेदवार मुख्य परीक्षेच्या प्रवेशासाठी पात्र होतील अशा रीतीने प्रथम टप्प्यात गुणांची सीमारेषा निश्चित करण्यात येते. या सीमा रेषेच्या वर ज्या विद्यार्थ्यांचे एकूण गुण असतील त्यांना मुख्य परीक्षेसाठी प्रवेश मिळतो.

गट ब अराजपत्रित अधिकारी व गट क कर्मचारी या दुय्यम सेवांच्या परीक्षेमध्ये फरक आहे तो काठिण्य पातळीचा. गट ब अराजपत्रित अधिकारी पदांच्या परीक्षेसाठी आयोगाने विहित केलेला प्रश्नांचा दर्जा आहे पदवीचा तर गट क पदांसाठी बारावीचा. दर्जातील हा फरक व काठिण्य पातळीचे नेमके स्वरूप समजून घेतले की तयारीसाठी एक दृष्टिकोन ठरवता येतो. गट क सेवेच्या सन २०१७ च्या पहिल्या पेपरचे विश्लेषण केल्यास काठिण्य पातळीबाबत पुढील मुद्दे समजून घेता येतील

प्रश्नातील मुद्दे हे ढोबळ आणि थेट आहेत.

प्रश्नांमधील विधाने ही तथ्यात्मक माहिती विचारणारी असली तरी ही तथ्ये त्यामध्ये बारकाईने व नेमकेपणाने माहीत असणे आवश्यक असल्याचे दिसते.

गट क सेवेसाठीच्या प्रश्नामध्ये बारावीच्या स्तराचे ढोबळ मुद्दे विचारलेले आहेत. हे मुद्दे पारंपरिक अभ्यासक्रमाचा भाग आहेत आणि बारावी उत्तीर्ण झालेल्या कोणत्याही उमेदवाराला त्या विषयातील अतिरिक्त प्रावीण्य न मिळवताही या बाबी माहीत असणे सर्वसामान्यपणे अपेक्षित असते.

चालू घडामोडींवरील प्रश्नसारणी पद्धतीत टिप्पणे मांडून तयारी करता येईल अशा प्रकारचे आहेत. म्हणजेच पूर्णपणे वस्तुनिष्ठ व विश्लेषणाची आवश्यकता नसलेले आहेत.

इतिहासामध्ये तथ्यात्मक मुद्दे आणि व्यक्तींवर आधारित प्रश्न विशेषत्वाने विचारण्यात येतात.

नागरीकशास्त्र घटकाचे प्रश्न पूर्णपणे वस्तुनिष्ठ प्रकारचे आहेत. पायाभूत पुस्तकांचा अभ्यास व्यवस्थित केल्यास सहजपणे सोडविता येतात.

भूगोलामध्ये बहुविधानी प्रश्न जास्त विचारण्यात आले असले तरी ते चूक की बरोबर अशा प्रकारचे असल्याने त्यांचाही समावेश वस्तुनिष्ठ व पारंपरिक प्रकारामध्येच करायला हवा.

सामान्य विज्ञान व अर्थव्यवस्था या घटक विषयांच्या मूलभूत संकल्पनांवर प्रश्न विचारण्याचे प्रमाण जास्त आहे.

सामान्य विज्ञानामध्ये भौतिकशास्त्रातील प्राथमिक गणितेही विचारण्यात आली आहेत. ही गणिते बारावी स्तरावरील पाठय़पुस्तकांमधील उदाहरणांसारखी आहेत.

अर्थव्यवस्था घटकामध्ये मूलभूत संकल्पनांवर बहुविधानी प्रश्न विचारण्यात आले आहेत. तसेच या घटकाच्या प्रश्नांवर चालू घडामोडींचा जास्त प्रभाव दिसून येतो. त्यामुळे आर्थिक चालू घडामोडींच्या पारंपरिक मुद्दय़ांची तयारी करणे आवश्यक ठरते.

काठिण्य पातळीबाबत एकदा स्पष्टता आली की तिचा फारसा विचार न करता जास्तीत जास्त बारकाईने पण व्यावसायिक दृष्टिकोन ठेवून अभ्यास करणे जास्त व्यवहार्य आहे. यातून संकल्पना स्पष्ट होण्यास, नेमका अभ्यास होण्यास आणि त्यातून आत्मविश्वास निर्माण होण्यास खूप मदत होते.

एमपीएससी पूर्वपरीक्षा - २

mpsc-preliminary-examination-2

38073  

एमपीएससी पूर्वपरीक्षेचे स्वरूप व अभ्यासक्रम २०१३पासून बदललेले आहे, परंतु, गेल्या सहा वर्षांपासून या बदलत्या स्वरूपावर व अभ्यासक्रमावर आधारित परीक्षा पार पडलेल्या आहेत. त्यामुळे २०१९च्या पूर्व परीक्षांची तयारी करताना परीक्षार्थींना परीक्षेचा निश्चित पॅटर्न, अभ्यासक्रमातील महत्त्वाचे मुद्दे, परीक्षेत वारंवार विचारल्या जाणाऱ्या अभ्यासक्रमातील बाबी इत्यादी मागील परीक्षेतील प्रश्नपत्रिकांच्या रूपाने उपलब्ध आहेत. २०१९च्या पूर्व परीक्षेची तयारी करताना आतापर्यंत २०१३पासून झालेल्या प्रश्नपत्रिकांचाच आधारे अभ्यासाची दिशा निश्चित करता येते. त्यामुळे सारासार अभ्यासक्रम उरकण्याच्या मागे न लागता विद्यार्थ्यांनी मागच्या प्रश्न‌पत्रिकांच्या आधारे नेमका अभ्यास कशा प्रकारे करता येऊ शकतो, यावर भर देणे गरजेचे असते. 

एमपीएससी पूर्वपरीक्षेत एकूण दोन पेपर असून ही परीक्षा ४०० गुणांसाठी घेण्यात येते. गेल्या लेखातसुद्धा आपण या विषयी माहिती घेतली होती. मात्र, आजच्या लेखातून पूर्वपरीक्षेतील अभ्यासाच्या नियोजनाच्या दृष्टीने आपण काही बाबींची माहिती बघू या. पूर्व परीक्षेतील पेपर एक म्हणजेच सामान्य अध्ययन (G.S.). यामध्ये एकूण सात घटकांचा समावेश करण्यात आला आहे. अ. इतिहास ब. भूगोल क. राज्यघटना ड. सामान्य विज्ञान इ. आर्थिक विकास फ. पर्यावरण ग. चालू घडामोडी या सात घटकांवर १०० प्रश्न २०० गुणांसाठी विचारले जातात. म्हणजेच प्रत्येक प्रश्नांना २ गुण वेटेज आहे. 

पूर्वपरीक्षेतील दोन्ही पेपरचा विचार केल्यास सामान्य अध्ययनातील सात घटकांचा अभ्यास करण्यासाठी कालावधी अधिक द्यावा लागतो. या सातही विषयांचा अभ्यास वरवर करून यामध्ये गुण घेता येऊ शकत नाही. सामान्य अध्ययनात समाविष्ट असणारे घटक किंवा विषय हे एमपीएससी परीक्षांच्या अभ्यासातील अतिशय महत्त्वाचे अंग आहेत. सामान्य अध्ययनातील घटकांवरच आधारित मुख्य परीक्षेतील बहुतांश अभ्यासक्रम आहेत.

त्यामुळे सामान्य अध्ययनातील या घटकांना एमपीएससी परीक्षांचा गाभा म्हणण्यास अतिशयोक्ती ठरणार नाही. सामान्य अध्ययनाचा अभ्यासक्रम, त्यातील विषय बऱ्याच अंशी विस्तृत स्वरूपाचे आहेत. सामान्य अध्ययनातील विषयांच्या अभ्यासक्रमाचे वर्णनच KG to PG असे करण्यात येते. हे सांगण्याचे तात्पर्य एवढेच, की सामान्य अध्ययनाची तयारी आधीपासूनच मुख्य परीक्षेला समोर ठेवून करणे उपयुक्त ठरते. 

सामान्य अध्ययनातील विषयांच्या अभ्यासाची सुरुवात महाराष्ट्र बोर्डाच्या क्रमिक पुस्तकापासून, शक्य झाल्यास CBSE बोर्डाचे NCERT ठराविक विषयांचे, यापासून करावी लागते. सुरुवातीला ‌परीक्षार्थ्यांना विषय नवीन असल्याळे समजायला कठीण जाऊ शकतो. त्यामुळे महाराष्ट्र बोर्ड किंवा NCERTची क्रमिक पुस्तके सहज वाचण्यास व समजण्यास सोपी असतात. म्हणून सामान्य अध्ययनातील इतिहास, भूगोल, सामान्य विज्ञान, राज्यघटना, अर्थव्यवस्था या विषयांचा पाया पक्का करण्यासाठी क्रमिक पुस्तके उपयोगी पडतात. क्रमिक पुस्तकांचे वाचन झाल्यावर प्रत्येक विषयासाठी एक किंवा दोन चांगल्या दर्जाची संदर्भ पुस्तके वापरावी लागतात. म्हणजे क्रमिक, त्यानंतर संदर्भ पुस्तके वापरावी लागतात. म्हणजे क्रमिक त्यानंतर संदर्भ पुस्तके किंवा साहित्य आणि सर्व मटेरियलची सोय योग्य प्रकारे आणि जास्तीत जास्त वेळा उजळणी करावी लागणे म्हणजे सामान्य अध्ययनाची तयारी करणे होय.

सामान्य अध्ययनाची तयार करण्यासाठी म्हणून थोडा जास्त कालावधी लागू शकतो. तर, पूर्व परीक्षेतील CSAT या पेपरची तयारी योग्य मार्गदर्शन मिळाल्यास तीन ते चार महिन्यांत करता येऊ शकते. CSAT पेपरमध्ये ८० प्रश्न २०० गुणांसाठी विचारले जातात. म्हणजे प्रत्येक प्रश्नाला २.५ एवढे गुण असतात. सामान्य अध्ययनातील प्रत्येक प्रश्न २ गुणांसाठी तर CSAT मधील प्रत्येक प्रश्न २.५ गुणांसाठी विचारण्यात येतो. CSAT मध्ये उताऱ्यावरील आकलन क्षमता यावर सरासरी १० उतारे व त्यावरील ५० प्रश्न, बुद्धिमत्ता व अंकगणित यावर आधारित २५ प्रश्न आणि निर्णय क्षमता व समस्या सोडवणूक यावर ५ प्रश्न असे एकूण ८० प्रश्न विचारले जातात. CSAT मधील उताऱ्यावरील आकलन क्षमता या घटकाचा विचार केल्यास याला ५० प्रश्न म्हणजेच १२५ गुण आहेत.

दहावी-बारावीपर्यंत सर्व जणांना उतारा वाचून उताऱ्यावरील प्रश्न सोडवणे ओळखीचेच असते. अर्थात, एमपीएससीच्या अभ्यासक्रमात उताऱ्यावरील आकलन क्षमतेवर आधारित प्रश्नांची काठीण्य पातळी ही नक्कीच ‌अधिक असते. परंतु, उताऱ्यावरील प्रश्न सोडवणे हा पॅटर्न अनोळखी नाही. उताऱ्याचे आकलन म्हणजे असलेल्या वेळेत उतारा वाचून त्याचा अर्थ समजून त्यावर विचारलेल्या प्रश्नांची अचूक उत्तरे येणे होय. यासाठी योग्य मार्गदर्शन, नियोजन व भरपूर सराव केल्यास यामध्ये हमखास गुण मिळविता येतात. 

तसेच, CSAT पेपरमधील दुसरा घटक बुद्धिमत्ता. त्यात अनुमानात्मक चाचणी, विश्लेषणात्मक क्षमता, इत्यादींविषयी प्रश्न विचारले जातात. याही घटकाचा योग्यरीत्या सराव केल्यास त्यातील क्लृप्त्या शिकल्यास आणि मागील पेपरचे विश्लेषण करून अभ्यास केल्यास गुण मिळू शकतात. त्याचप्रमाणे अंकगणित, सामग्री विश्लेषण, (तक्ते, आलेख, टेबल इ.) या घटकांचा योग्यरीत्या सराव करून गुण मिळविता येतात. 

वरील विश्लेषणावरून आपण असे म्हणू शकतो, की सामान्य अध्ययनापेक्षा CSATची तयारी कमी वेळात चांगल्या प्रकारे करता येऊ शकते. परंतु, पूर्व परीक्षेचा Cut Off ४०० गुण मिळून लागतो. त्यामुळे फक्त CSATच करून चालणार नाही. ज्यांनी अभ्यासाला २०१९ हे वर्ष पुढे ठेवून आधीपासून सामान्य अध्ययनाची तयारी सुरू केली असेल त्यांनी शेवटच्या तीन-चार महिन्यांत CSATवर सुद्धा भर देणे आवश्यक आहे. कारण गेल्या काही परीक्षांमध्ये CSATचा पेपर हा पूर्व परीक्षांच्या निकालांमध्ये महत्त्वाची भूमिका बजावताना दिसतो. 

 

एमपीएससी पूर्व परीक्षा

mpsc-pre-examination

2663  

एमपीएससी परीक्षांमधील पहिला टप्पा पूर्व परीक्षा असून यामध्ये सामान्य अध्ययन म्हणजेच General Studies आणि CSAT असे दोन पेपर असतात. सामान्य अध्ययनामध्ये सात घटकांचा समावेश करण्यात आला व त्यावर शंभर प्रश्न दोनशे गुणांसाठी विचारले जातात, तर CSATमध्ये ८० प्रश्न २०० गुणांसाठी विचारले जातात म्हणजेच पूर्व परीक्षा एकूण ४०० गुणांची असते. एमपीएससीमध्ये CSATचे गुण मेरीट लिस्टसाठी ग्राह्य धरले जातात.

यूपीएससीप्रमाणे CSATचे गुण फक्त Qualifying नाहीत. पूर्व परीक्षेच्या दोन्ही पेपरमध्ये निगेटिव्ह मार्किंग पद्धत आहे. चुकीचे उत्तर नमूद केल्सास प्रत्येक चुकीच्या उत्तरासाठी प्रश्नांसाठी असलेल्या गुणांच्या १/३ इतके गुण योग्य उत्तरांसाठी मिळालेल्या गुणांमधून वजा केले जातात. 

पूर्व परीक्षेची तयारी करण्याच्या दृष्टीने गेल्या वर्षापर्यंत झालेले पूर्व परीक्षांचे पेपर, त्यांचे विश्लेषण, मागील परीक्षांमधील पूर्व परीक्षांच्या गुणांचा कट ऑफ, सामान्य अध्ययन व CSAT या विषयांचे पूर्व परीक्षेतील महत्त्व, अशा अनेक बाबींचा विचार करणे महत्त्वाचे आहे. २०१३ पूर्वी एमपीएससी पूर्व परीक्षेला २०० गुणांसाठी २०० प्रश्नांचा सामान्य अध्ययन या विषयाचा एकच पेपर होता आणि याच पेपरात ५० प्रश्न ५० गुणांसाठी बुद्धिमत्ता व अंकगणितावर विचारले जात असत.

परंतु, २०१३ पासून यूपीएससीच्या धर्तीवर पूर्व परीक्षेत बदल करून सामान्य अध्ययनाचा एक पेपर व CSATचा दुसरा पेपर आणि प्रत्येक पेपर २०० गुणांसाठी अशा प्रकारे ४०० गुणांची पूर्व परीक्षा करण्यात आली आहे. अभ्यासक्रमातही बऱ्याच अंशी बदल करण्यात आलेला आहे. आपण ‘यशाचा मटा मार्ग’ या सदरातूनच अभ्यासक्रमातील बदल आणि पद्धती, स्वरूप, परीक्षेच्या तयारीबाबत विस्तृत माहिती घेत राहू. परंतु, आजच्या लेखात पूर्व परीक्षांच्या गेल्या वर्षीच्या प्रश्नपत्रिका व पूर्व परीक्षेचा निकाल या आधारे काही विश्लेषणात्मक माहिती बघू या. 

आपण जर पूर्व परीक्षांच्या काही मागील वर्षांच्या निकालाच्या गुणांचा कट ऑफ बघितला, तर त्यामध्ये सतत वाढ झालेली दिसते. उदा. २०१५मध्ये खुल्या प्रवर्गासाठी ४००पैकी कट ऑफ १४५, २०१६ मध्ये ४०० पैकी, १५३, २०१७मध्ये ४०० पैकी १८९ आणि २०१८मध्ये ४०० पैकी २४७ गुण असे पूर्व परीक्षांचे कट ऑफ लागलेले आहेत. यावरून असे दिसते की पूर्व परीक्षेतील कट ऑफमध्ये प्रत्येक वर्षी वाढ होत आहे. कट ऑफ वाढणे किंवा कमी होणे यास दोन बाबी प्रामुख्याने कारणीभूत असतात.

एक उपलब्ध पदांची संख्या आणि दुसरी परीक्षेतील पेपरची काठीण्य पातळी. यामधील दर वर्षी किती पदे उपलब्ध होतात, ही बाब परीक्षार्थींच्या हातात नाही. त्यामुळे यावर परीक्षार्थींना काही नियोजन किंवा स्ट्रॅटेर्जी प्लॅन करता येत नाही. परीक्षार्थींच्या हातात आहे, ते म्हणजे आयोगाच्या अभ्यासक्रमावर आधारित असलेल्या पेपरचा अभ्यास करणे, पेपर सोडविण्याचे कौशल्य आत्मसात करणे इत्यादी. 

गेल्या दोन वर्षीच्या (२०१७, २०१८) पूर्व परीक्षेचा कट ऑफ वाढण्यामागचे महत्त्वाचे कारण CSATचा पेपरसुद्धा आहे. जेव्हा पूर्व परीक्षेचा कट ऑफ १५० गुणांच्या जवळपास असायचा, तेव्हा CSATची काठीण्यपातळी अधिक होती. विशेषत: उताऱ्यावरील आकलन क्षमता आणि ज्या दोन वर्षांत कट ऑफ एकदम वाढलेला दिसतो तेव्हा CSAT पेपरमध्येच अधिक गुण परीक्षार्थींना घेता आले. उदा. २०१८ पूर्व परीक्षेत कट ऑफ २४७ गुण (खुला प्रवर्ग).

या वर्षी उपलब्ध जागा १३८. यावरून असे दिसते, की २०१८मध्ये उपलब्ध जागा कमी होत्या. त्यामुळे कट ऑफमध्ये वाढ होऊ शकते. दुसरी महत्त्वाची बाब CSATमध्ये सामान्यता सरासरी गुण २०० पैकी १२५ एवढे प्राप्त करता आले आहेत. परंतु, सरासरी गुणांपेक्षा ज्यांना अधिक गुण प्राप्त करता आले, त्यांनाच परीक्षा उत्तीर्ण करता आली आहे. वरील बाबींवरून असे लक्षात येते, की पूर्व परीक्षेत CSATमधील गुणांचे महत्त्व अधिक आहे. 

पूर्व परीक्षेचा अभ्यास साधारणत: १०० ते १२० दिवस आधी सुरू करणे गरजेचे असते. याचा अर्थ असा अजिबात नाही की वर्षभर आधी तयारी न करात फक्त परीक्षेच्या तीन ते चार महिने आधी तयारी करणे योग्य ठरते. या परीक्षांच्या अभ्यासासाठी किमान दीड ते दोन वर्षांचा कालावधी लागतो. परंतु, वर उल्लेखल्याप्रमाणे फक्त पूर्व परीक्षेच्या दृष्टीने नियोजन हे साधारणत: तीन चार महिन्यांचे असू शकते. 

पूर्व परीक्षेतील सामान्य अध्ययन व त्यातील सात घटक यांचा अभ्यासक्रम हा बऱ्याच अंशी विस्तृत आहे. त्यात नेमके एवढेच केले तर एवढे गुण मिळतील असे शक्य होत नाही. परंतु, पूर्व परीक्षेतील CSATच्या पेपरची मात्र तीन ते चार महिन्यांमध्ये योग्य मार्गदर्शन व सरावाद्वारे चांगली तयारी करता येऊ शकते. कमी कालावधीत पूर्व परीक्षेच्या तयारीमध्ये CSATची भूमिका अत्यंत महत्त्वाची ठरू शकते.

सामान्य अध्ययन २ विषयाचा आढावा

mpsc-exam-2018-mpsc-exam-preparation-tips gs2

6534  

दरम्यान राज्य लोकसेवा आयोगाने परीक्षांचे सुधारित वेळापत्रक घोषित केले आहे. गट ब सेवांच्या मुख्य परीक्षा या महिन्यापासून सुरू झाल्या आहेत आणि या प्रश्नपत्रिकांचे विश्लेषण पुढील पेपर्सच्या तयारीसाठी आवश्यक आहे. त्यामुळे गट क सेवांसाठीच्या तयारीच्या दरम्यान गट ब सेवांच्या झालेल्या पेपर्सचे विश्लेषण तो तो पेपर झाल्यावर देण्यात येईल. अशा प्रकारे गट ब आणि क यांच्या मुख्य परीक्षा समांतरपणे होत असल्याने त्यांच्या बाबतची चर्चाही या स्तंभातून समांतरपणे करण्यात येईल.

गेल्या महिन्यात ‘पोलीस उपनिरीक्षक’ पदासाठीच्या मुख्य परीक्षेतील पदनिहाय सामान्य अध्ययन पेपर झाला आणि येत्या २० ऑक्टोबरला ‘राज्य कर निरीक्षक’ पदासाठी आणि २७ ऑक्टोबरला ‘सहायक कक्ष अधिकारी’ पदासाठी स्वतंत्र सामान्य अध्ययन पेपर प्रस्तावित आहेत. आजच्या लेखात आपण पोलीस उपनिरीक्षक परीक्षेच्या झालेल्या पेपरचा आढावा घेऊयात.

अभ्यासक्रमातील उपघटक आणि त्यावरील प्रश्नांचे विश्लेषण

बुद्धिमत्ता चाचणी – या घटकावर तर्क अनुमान, विधान आणि युक्तिवाद, आलेखावर आधारित माहितीचे आकलन, अक्षरमाला, दिशाज्ञान, अंकगणित आणि कुट प्रश्न, कॅलेंडरवर आधारित प्रश्न, सांकेतिक प्रणालीवर आधारित प्रश्न, माहितीचे आकलन, गटात न बसणाऱ्या आकृतीच्या बदली आकृती व नफा तोटा या घटकांवर एकूण १५ प्रश्न विचारले गेलेत. या प्रश्नांची काठीण्यपातळी मात्र नेहमीपेक्षा वाढलेली दिसून येते.

महाराष्ट्राचा भूगोल – महाराष्ट्रातील जिल्हानिहाय साक्षरता दर, जिल्हे आणि जलसिंचन योजना, खनिजे आणि उत्पत्तिस्थान, नदी आणि तिच्या उपनद्या, मृदा आणि मृदेतील घटक, महाराष्ट्राच्या लोकसंख्येतील गेल्या दशकात झालेला बदल, महाराष्ट्राच्या लोकसंख्येतील अनुसूचित जाती आणि जमातींचे प्रमाण, जिल्हे आणि लोह खनिज उत्पादन ठिकाणांच्या जोडय़ा, वनांचे प्रकार आणि स्थानिक वृक्ष, तसेच २०११च्या जनगणनेनुसार सर्वात कमी लोकसंख्येचा जिल्हा या घटकांवर एकूण १० प्रश्न विचारले गेलेत. या प्रश्नांची काठीण्यपातळी सारखीच वस्तुनिष्ठतेकडे झुकणारी आहे.

महाराष्ट्राचा इतिहास – या विभागात शेतकरी कामगार पक्षाच्या स्थापनेतील सहभागी नेते, सत्यशोधक चळवळीच्या धर्तीवरील बुलढाण्यातील चळवळ आणि तिचे नेतृत्व, महाराष्ट्रातील महत्त्वाचे स्वातंत्र्यसेनानी आणि त्यांच्याशी संबंधित संस्था, प्राथमिक शिक्षण सक्तीचे करण्यासाठी इम्पिरियल कौन्सिलमध्ये पहिले विधेयक मांडणारी व्यक्ती, वासुदेव बळवंत फडके आणि त्यांच्या सहकाऱ्यांची नावे, डेक्कन सभेचे स्थापनाकार, फैजपूर काँग्रेस अधिवेशनातील सहभागी स्त्रियांना प्रशिक्षण देणारी प्रशिक्षक, टिळकांची अटक आणि त्यांच्यावरील आरोप, अखिल भारतीय किसान सभेच्या दुसऱ्या अधिवेशनाचे अध्यक्ष या घटकांवर एकूण १० प्रश्न विचारण्यात आले आहेत. एकंदरीत या घटकावर जास्तीत जास्त प्रश्न महाराष्ट्रातील व्यक्तिमत्त्वे आणि त्यांचे कार्य यावर विचारलेले दिसून येतात.

भारतीय राज्यघटना – या घटकावर राज्य मंत्रिमंडळ पद्धतीची प्रमुख वैशिष्टय़े, राज्य नीतीची मार्गदर्शक तत्त्वे आणि संबंधित कलमे, विधान परिषदेतील सदस्य संख्या आणि त्यासंदर्भातील नियम, घटना समितीचे कार्य, सर्वोच्च न्यायालयातील न्यायाधीशांच्या पात्रतेचे निकष, महाराष्ट्राच्या विधानसभेची सदस्य संख्या आणि सदस्य, मूलभूत हक्क आणि त्यांची वैशिष्टय़े, धर्मनिरपेक्षता आणि तिची घटनेतील व्याख्या, समानतेच्या अधिकारासंबंधित कलमे, राज्यघटनेनुसार गणराज्याचा अर्थ या उपघटकांवर एकूण १० प्रश्न विचारण्यात आले आहेत.

मानवी हक्क व जबाबदाऱ्या – यामध्ये स्त्रियांना घरगुती हिंसाचारापासून संरक्षण कायदा २००५ नुसार संरक्षण अधिकाऱ्याच्या कर्तव्य संबंधित कलम, राष्ट्रीय मानवी अधिकार आयोगाच्या अध्यक्षांच्या नेमणुकीचे अधिकार आणि तरतुदी, मानवी हक्क संरक्षण अधिनियम १९९३ मधील जिल्हा न्यायालयासाठीची तरतूद, अनुसूचित जाती व अनुसूचित जमाती अत्याचार प्रतिबंध कायद्यातील प्रकरणे आणि कलमांची संख्या तसेच या कायद्यान्वये विशेष सरकारी अभियोक्ता म्हणून नेमणुकीचे निकष आणि या कायद्यानुसार निर्देशित दंड, महात्मा गांधी तंटामुक्त गाव मोहिमेची सुरुवात, शोषणाविरुद्धचे अधिकार आणि त्यासंदर्भातील भारतीय राज्यघटनेतील कलमे, नागरी हक्क संरक्षण अधिनियम, १९५५ आणि त्यातील तरतुदी, मानवी हक्कांच्या जागतिक जाहीरनाम्यातील कलमांचा भारतीय राज्यघटनेतील पडसाद, हुंडाबंदी अधिनियमानुसार असलेली शिक्षेची तरतूद या उपघटकांवर एकूण १५ प्रश्न विचारले आहेत.

महाराष्ट्र पोलीस अधिनियम १९५१ – या घटकावर १० प्रश्नांचा समावेश आहे. यामध्ये कायद्यातील प्रकरणे, त्यातील गुन्हा व शिक्षेसंबंधी तरतूद, तडीपारीच्या आदेशासाठीच्या तरतुदी आणि अधिकार, त्यातील अपवाद, पोलिसांची कर्तव्ये आणि अधिकार, महत्त्वाची कलमे आणि त्यांचे विषय, पोलीस नियंत्रण आणि त्यासाठी असणाऱ्या संस्थात्मक तरतुदी या महत्त्वाच्या मुद्दय़ांवर आधारित प्रश्नांचा समावेश आहे.

भारतीय दंड संहिता १८६० – या घटकावर १० प्रश्नांचा समावेश आहे. यामध्ये भारतीय दंड संहितेत समाविष्ट गुन्हे आणि त्यासाठी असणाऱ्या शिक्षा आणि अपवाद या संबंधित कलमे आणि तरतुदी व महत्त्वाच्या व्याख्या संबंधित महत्त्वाच्या घटकांवरील प्रश्नांचा समावेश आहे.

फौजदारी प्रक्रिया संहिता – १९७३– या घटकावर १० प्रश्नांचा समावेश आहे. यामध्ये फौजदारी प्रक्रिया संहितेतील विविध कलमे, आरोपीच्या वैद्यकीय तपासण्या आणि त्यासंदर्भातील पोलिसांचे अधिकार, प्रथम माहिती अहवाल तयार करण्याच्या तरतुदी, पोलीस ठाण्याच्या हद्दीतील पोलीस अधिकाऱ्यांची कर्तव्ये व अधिकार, गुन्हेगारांना अटक करण्याचे अधिकार आणि संबंधित तरतुदींची कलमे या महत्त्वाच्या घटकांवरील प्रश्नांचा समावेश आहे.

भारतीय पुरावा कायदा (Indian Evidence Act ryxs)- या घटकावर १० प्रश्नांचा समावेश आहे. यामध्ये कायद्याचे अंमलबजावणी क्षेत्र, महत्त्वाची कलमे आणि त्यातील तरतुदी; त्यानुसार करावयाची कारवाई या महत्त्वाच्या घटकांवरील प्रश्नांचा समावेश आहे.

अनिवार्य विषयांचा अभ्यास

article-about-preparation-for-mpsc-exam-2018

2323  

केंद्रीय लोकसेवा आयोगाच्या परीक्षांपासून (UPSC)) ते तलाठी भरतीपर्यंतच्या सर्व परीक्षांना काही अभ्यासक्रम अनिवार्य असतोच. आज आपण लिपिक व टंकलेखक, विक्रीकर विभागातील कर साहाय्यक, दुय्यम निरीक्षक उत्पादन शुल्क-गट क संयुक्त सेवा परीक्षा २०१८ मधील पेपर क्र. २ साठीच्या अनिवार्य अभासक्रमाविषयी चर्चा करणार आहोत.

१) चालू घडामोडी –

चालू घडामोडी हा विषय या तिन्ही पदांसाठीच्या मुख्य परीक्षेसाठी अनिवार्य आहे. या घटकांतर्गत कर साहाय्यक व दुय्यम निरीक्षक उत्पादन शुल्क या दोन्ही मुख्य परीक्षांचा अभ्यासक्रम जागतिक तसेच भारतातील चालू घडामोडी असा आहे तर लिपिक – टंकलेखक परीक्षेसाठी भारतातील व महाराष्ट्रातील चालू घडामोडी असा अभ्यासक्रम आहे. याशिवाय लिपिक व टंकलेखकाच्या मुख्य परीक्षेसाठी भारतातील व महाराष्ट्रातील क्रीडा व साहित्य क्षेत्रातील पुरस्कार व माहिती हा उपघटकही विचारला जाणार आहे.

अभ्यासपद्धती – या घटकाच्या अभ्यासासाठी सुमारे एक वर्ष अगोदरच्या ठळक चालू घडामोडींचा अभ्यास करावा. हा अभ्यास आíथक, राजकीय, सामाजिक, शैक्षणिक, मनोरंजन, संरक्षण, विज्ञान, साहित्य, क्रीडा यांसारख्या उपघटकात जागतिक व भारतातील चालू घडामोडी विभागून कराव्यात.

अभ्याससाहित्य – वर्तमानपत्रे, योजना व कुरुक्षेत्र मासिक, बाजारातील कोणतेही एक चालू घडामोडींचे पुस्तक

२) बुद्धिमत्ता चाचणी व अंकगणित –

उमेदवार किती लवकर व अचूकपणे विचार करू शकतो याचा अंदाज घेण्याच्या दृष्टीने बुद्धिमापनविषयक शाब्दिक व अशाब्दिक उदाहरणे परीक्षेत विचारले जातील. याचा दर्जा पदवी असा राहील. तर, विद्यार्थ्यांना गणितीय कौशल्ये प्राप्त आहेत का नाहीत हे पाहण्यासाठी अंकगणित, बीजगणित, भूमिती आणि सांख्यिकी या उपघटकावर आधारित दहावीपर्यंतच्या काठिण्य पातळीवरील प्रश्न तिन्ही मुख्य परीक्षांत विचारले जाणार आहेत.

अभ्यासपद्धती – १ ते ३० पर्यंतचे पाढे, १ ते ३० पर्यंतचे वर्ग, १ ते १० पर्यंतचे घन, संख्याज्ञान, कंचेभागुबेव (BODMAS), लसावि, मसावि, अपूर्णाक, घातांक, शेकडेवारी, गुणोत्तर प्रमाण यांचा अनुक्रमे प्रथम अभ्यास करावा. तद्नंतर, स्पर्धा परीक्षा बुद्धिमत्ता चाचणी व अंकगणितविषयक अभ्यास करावा.

अभ्यास साहित्य – अंकगणित व बुद्धिमत्ताविषयक पाचवी व आठवी शिष्यवृत्तीची पुस्तके तसेच स्पर्धा परीक्षा अंकगणित व बुद्धिमत्ताविषयक पंढरीनाथ राणे आणि वा. ना. दांडेकर यांची पुस्तके.

३) सामान्यज्ञान –

या घटकांतर्गत लिपिक व टंकलेखक परीक्षेसाठी इतिहास, भूगोल, नागरिकशास्त्र इत्यादी. घटकांचा समावेश होतो. याबरोबरच सामान्य विज्ञान या घटकांतर्गत भौतिकशास्त्र, रसायनशास्त्र व जीवशास्त्र आणि पर्यावरण या घटकांचा समावेश होतो.

अभ्यासपद्धती व अभ्याससाहित्य – इयत्ता चौथी ते इयत्ता अकरावीपर्यंतची बालभारतीची तत्सम विषयाची पुस्तके वाचावीत. तद्नंतर, सामान्य काठिण्य पातळीच्या महाराष्ट्र लोकसेवा आयोगाच्या इतर प्रश्नपत्रिका यातून उपरोक्त अभ्यासक्रम आणि प्रश्नप्रकार समजून घ्यावा. शालेय पुस्तकात न सापडणारा अभ्यासक्रम बाजारातील कोणतेही एक पुस्तक किंवा इंटरनेटवर उपलब्ध माहितीतून (विकिपिडिया) अभ्यासावा. यातून स्वत: काढलेल्या टिप्पणांचा वारंवार अभ्यास करावा.

सामान्यज्ञान (दुय्यम निरीक्षक राज्य उत्पादन शुल्क)-

या मुख्य परीक्षेसाठी सामान्यज्ञान या घटकांतर्गत भारतीय राज्यघटना या एकाच उपघटकाचा समावेश होतो. हा उपघटक भारतीय राज्यघटना आणि नागरिकशास्त्र या मथळ्याखाली ‘कर साहाय्यक’ या मुख्य परीक्षेसाठीही आहे.

अभ्यासपद्धती व अभ्याससाहित्य – या विषयाचा अभ्यास करण्यासाठी राज्यघटनेची निर्मिती, प्रस्तावना, घटनेतील महत्त्वाची कलमे, मूलभूत हक्क, मूलभूत कर्तव्ये, केंद्र-राज्य संबंध, भारत एक निधर्मी राष्ट्र, राज्य कार्यकारी मंडळ यांचे सदस्याधिकार काय्रे, न्यायमंडळ, विविध विधीविषयक समित्या यांसारख्या बाबींचा अभ्यास करावा. याबरोबरच, नागरिकशास्त्र या घटकांतील उपघटकांसाठी नागरी व ग्रामीण व्यवस्थापन व प्रशासन यांचा अभ्यास करावा. यासाठी अकरावी व बारावीची राज्य व नागरिकशास्त्रविषयक पुस्तके आणि एम. लक्ष्मीकांत हे पुस्तक वापरावे.

४) अर्थशास्त्र – 

सर्वसामान्यपणे, अधिकांश महाराष्ट्र लोकसेवा आयोगाद्वारे घेतल्या जाणाऱ्या परीक्षांसाठी हा घटक अनिवार्य असतो. मात्र, या संयुक्त मुख्य परीक्षेसाठी हा घटक फक्त कर साहाय्यक मुख्य परीक्षेपुरता मर्यादित आहे. या घटकांतर्गत पंचवार्षकि योजना, आíथक सुधारणा व कायदे हा भाग परीक्षेत विचारला जाईल.

अभ्यासपद्धती व अभ्याससाहित्य – पहिली ते बारावी पंचवार्षकि योजना, निती आयोग तसेच उदारीकरण- जागतिकीकरण – खासगीकरण या संकल्पना आणि त्यांची व्याप्ती. केंद्र व राज्य स्तरावरील आíथक सुधारणा, जागतिक व्यापार परिषद तरतुदी सुधारणा, त्यांचे भारतीय अर्थव्यवस्थेवरील परिणाम, विक्रीकर, मूल्यवíधत कर  (VAT) , वस्तू व सेवा कर (GST) यांचा अभ्यास करावा.

‘पीएसआय’ मुलाखत भाग : दोन

psi-interview-part-two

5883  

गेल्या लेखात आपण शारीरिक चाचणी झाल्यानंतर मुलाखतीसाठी कराव्या लागणाऱ्या पेहरावाबाबत माहिती बघितलेली होती. आजच्या लेखात प्रत्यक्ष मुलाखतीस जाताना कोणत्या प्रकारची तयारी करणे गरजेचे आहे हे पाहू या. मुलाखती आणि तुमच्या आवश्यक त्या प्रमाणपत्रांच्या मूळ प्रती दाखवायच्या किंवा सादर करायच्या (Documents Verification) असतात. यामध्ये तुमच्या जन्म तारखेचा, दहावी, बारावी, पदवी, रहिवासी (आदिवास महाराष्ट्र) लागू असलेल्यांना जात प्रमाणपत्र, जात पडताळणी (नसल्यास नंतर सादर करता येते), नॉन क्रिमिलेअर इ. प्रमाणपत्रे आवश्यकतेनुसार सादर करावी लागतात. 

कागदपत्रांची पडताळणी झाली की तुमचा नंबर आल्यावर तुम्हाला आतील उमेदवार बाहेर येण्याआधी मुलाखत हॉल बाहेर थांबायाला सांगितले जाते. आतील उमेदवार बाहेर आला की तुम्हाला आत जायला सांगितले जाते. 

प्रत्यक्ष मुलाखत :

आता तुम्ही जेथे कोठे मुलाखत देणार त्या जागच्या मुलाखत हॉलचे दार एक तर लावले असणार किंवा क्वचित कुठेतरी उघडेच असण्याची बाब यासाठी ग्राह्य धरतो आहे. कारण मुलाखत हॉलच्या दारावर हलकेच टकटक करून आपल्याला दार उघडायचे आहे. किंवा उघडे असेलच तर टकटक करून सौम्य; पण स्पष्ट आवाजात 'मे आय कम् इन सर / मॅडम' असे विचारले आहे.

दारावर टकटक ऐवढ्यासाठी करायचे आहे की पॅनलचे लक्ष आपल्याकडे गेले पाहिजे. नाहीतर आपण दार उघडले तेव्हा पॅनल मेंबर एकमेकांसोबत बोलत असेल किंवा आपला प्रोफाइल वाचत असेल, यामुळे आपण दारातून आधी वाकून बघू शकतो किंवा नुसतेच दार ढकलून उभे राहू शकतो. त्यामुळे पॅनलचे लक्ष आपल्याकडे वेधण्यासाठी दारावर हलकेसे टकटक करावे.

तुम्ही 'मे आय कम इन सर' म्हटल्यावर पॅनलचे चेअरमन खूणेने, मानेनं किंवा शब्दात 'या' म्हणतील. त्यांनी अनुमती दिल्यानंतरच आत जा. दोन पावले आत गेलात की पॅनल चेअरमन व सदस्यांना Good morning /Good afternoon (individually) म्हणा. कारण शक्यतो पॅनला दोनच सदस्य (चेअरमन धरून) असतील. असे पण चालू शकेल की आधी तुम्ही खूर्चीपर्यंत पोहचा आणि मग पॅनला विश करा. परंतु तुम्ही विश करायच्या आधीच जर पॅनल मेंबरने तुम्हाला Good morning / Good afternoon म्हटले तर आपले विश करायचे राहिले पॅनलनीच विश केले असे नको ते प्रश्न निर्माण होऊ शकतात. म्हणून दोन पावले आत गेलात की पहिले विश करा. नंतर तुम्हाला चेअरमन बसायला सांगतील तेव्हा त्यांना थॅक्यू सर/मॅडम म्हणून खूर्चीत बसा.

आत गेल्या गेल्या खूर्चीकडेच बघत बघत पॅनला विश करू नका. पॅनलने म्हटल्याशिवाय खुर्चीत बसू नका. आपले आत येणे पॅनलला विश करणे त्यांनी खुर्चीत बसा म्हटल्यावर खुर्चीकडे बघून नीट, सौम्यपणे, आवाज न करता (खुर्चीचा) बसा. बसायच्या आधीच पॅनलला धन्यवाद म्हणा. ही सर्व प्रक्रिया अगदी सहज झाली पाहिजे. या पहिल्याच प्रक्रियेदरम्यान आपल्या वागण्यात सहजता व आत्मविश्वास दिसला पाहिजे.

जर तुम्हाला बसण्याआधीच चेअरमनने प्रश्न विचारायला सुरुवात केली तर कोठेही चेहऱ्यावर किंवा तुमच्या हालचालीतून असे दाखवू नका. की हे काय बसा तर म्हणा direct questions. उलट थोडे स्माइल देत विचारलेल्या प्रश्नांची उत्तरे सांगण्यास सुरुवात करा. आणि तुम्ही उत्तर सांगतानाच त्यांनी खुणेने नीट तुम्हाला बसायला सांगितले तर थँक्यू/धन्यवाद म्हणा आणि बसा. 

मुलाखत कक्षात जाताना तुमच्या कागदपत्रांची फाइल सोबत नेणे गरजेचे नाही. तुमच्या कागदपत्रांची पडताळणी बाहेरच झाली आहे. तर कोणाला फाईल हातात असल्यामुळे आत्मविश्वास वाढल्यासारखा वाटत असेल तर हरकत नाही. परंतु विनाफाइलचे तुम्ही जास्त आरामदायी असणार आहात. 

खुर्चीवर बसल्यावर तुमची पाठ सरळ खुर्चीच्या पाठीला ठेकली असावी. बसताना ताठ बसायचे, म्हणजेच उगाच जास्त पुढे झुकलेले नको किंवा खांदे पाडून मागे घसरून बसल्यासारखे नको. बसल्यावर दोन्ही हात समोर ढोपरातून काटकोनात मांडीवर किंवा खुर्चीच्या हातावर सरळ ठेवावे. दोन्ही हात एकमेकांत गुंफलेले नको. तसेच खुर्चीच्या हातावर घट्ट पकडून सुद्धा बसायला नको.

आपल्याला विचारलेल्या प्रश्नांचे उत्तरे किंवा स्पष्टीकरण देतांना काही प्रमाणात हातवारे करता येईल असे हात रिलॅक्स हवेत. परंतु नुसतेच मोठ मोठ्यांनी हातवारे करून उत्तरे देऊ नका. आपण भाषण देण्यासाठी नाही, तर मुलाखतीसाठी आलोय हे लक्षात असू द्यावे. बसतानाच्या आपल्या बैठकीतून आपण आरामदायी पाहिजे. बसल्यावर आपल्या चेहऱ्यावर किंचितसे स्मित हास्य असावे. कारण हासरा चेहरा सर्वांनाच आवडतो. आपण मुलाखती दरम्यान ताणतणावाखाली दिसता कामा नये. 

मुलाखतीचे नियम : 

Eye Contact : पहिल्या प्रश्नाची सुरुवात पॅनल चेअरमन विचारत असतात, त्यामुळे ज्यांनी प्रश्न विचारला आपली नजर त्यांच्याकडे असावी, प्रश्न विचारू झाल्यावर ज्यांनी प्रश्न विचारला त्यांच्यापासून उत्तराची सुरुवात करा आणि उर्वरित उत्तर देताना संपूर्ण पॅनलकडे बघत ते उत्तर द्या. ज्यांनी प्रश्न विचारला फक्त त्यांच्या कडेच बघून उत्तर द्यायचे असे करू नका. पॅनलच्या सर्व सदस्यांकडे बघून उत्तर देण म्हणजे त्यांच्याशी संवाद साधने होय. एखाद्या प्रश्नाचे उत्तर आठवताना वर छताकडे खाली जमिनीकडे, इकडे-तिकडे बघू नका.

पॅनल मेंबरकडेच बघून तुमचे उत्तर द्या. तुमच्या नजरेतून तुमचा आत्मविश्वास दिसायला लागतो. प्रश्न विचारल्यावर तुम्हाला प्रश्न समजला आणि तुम्ही त्याचे उत्तर देणार यासाठी सुरूवातीच्या काही प्रश्नांना येस सर/मॅडम म्हणा आणि मग उत्तरे द्या. जर तुम्हाला प्रश्न नीट समजला नसेल किंवा ऐकू नाही आला तर लगेच स्पष्ट सांगा परंतु सांगताना 'सॉरी सर, सॉरी मॅडम' प्रश्न परत सांगाल का? असे नम्रपणे म्हणा. नाही तर काही तरी चुकीचा प्रश्न ग्राह्य धरून उत्तर देण्यास सुरुवात करू नका किंवा ऐकू आले नाही म्हणून आ.. आ.. असे करू नका. 

काही प्रश्नांची उत्तरे आठवण्यास वेळ लागत असेल तर मध्येच ब्लॅक होऊ नका लगेच पॅनलची परवानगी घेवून म्हणा Sorry sir / madam नीट आठवत नाही, मी प्रयत्न करू का? जर एखाद्या प्रश्नाचे उत्तर येतच नसेल तर वेळ न दडवता 'सॉरी सर, सॉरी मॅडम' नाही सांगता येणार असे नम्रपणे म्हणा. 

मुलाखतीत प्रश्नाला प्रतिप्रश्न कधीही करू नका. सुरूवातीच्या प्रश्नांची उत्तरे संक्षिप्त व मोजक्याच शब्दात द्यावीत. उगाच जास्त माहिती आहे म्हणून सांगत बसू नका. संपूर्णच प्रश्नांची उत्तरे तंतोतंत मांडण्याचा प्रयत्न करावा. तुमच्या उत्तरांमधून तुम्ही पॅनलची सहानुभूती घेण्याचा प्रयत्न करू नका. उदा. काही प्रश्नांवरून आपल्या कौटुंबिक अडचणींवर प्रश्न आले तर आपण स्वत:हून जास्त भावनिक स्पष्टीकरण देऊ नका. फक्त काही कौटुंबिक कारणांमुळे मला असे करावे लागले अशा प्रकारचे उत्तर द्या.

जर पॅनलने कौटुंबिक कारण स्पष्ट करायला सांगितले तरच स्पष्ट करा. स्वत:हून आजारी आहोत किंवा नाही अशा प्रकारची सहानूभूती घेण्याचा प्रयत्न करू नका. मुलाखत हॉलमध्ये आत आल्यापासून बसणे, नजर, आपली बोलण्याची शैली, देहबोली यातून पॅनलला आपण खूप काही सांगत असतो. त्यामुळे आपल्या देहबोलीमध्ये एक सहजता, उत्स्फूर्तता, आत्मविश्वास दिसायला हवा हे लक्षात ठेवावे. 

पीएसआय : शारीरिक चाचणी व मुलाखत

psi-physical-testing-and-interview

1329  

एमपीएससीद्वारे घेण्यात येणाऱ्या पीएसआय २०१७ मुख्य परीक्षेचा निकाल नुकताच जाहीर झाला आहे. मुख्य परीक्षेत यशस्वी झालेल्या उमेदवारांना आता शारीरिक चाचणी व मुलाखत या टप्प्यांसाठी तयार रहावे लागणार आहे. आधीपासूनच जे परीक्षार्थी पीएसआय या पदाचे लक्ष्य डोळ्यासमोर ठेवून तयारीला लागले असतील निश्चितच त्यांचा शारीरिक चाचणीचा सरावसुद्धा योग्यरित्या सुरू असेल. 
 

शार‌ीरिक चाचणीच्या निकालाच्या आधारे मुलाखतीसाठी पात्र ठरलेल्या उमेदवारांनाच पोलिस उपनिरिक्षक पदाच्या मुलाखतीसाठी बोलवण्यात येते. पीएसआय पदासाठी मुलाखत ४० गुणांची असते. मुलाखतीसाठी पात्र ठरलेल्या उमेदवारांची पात्रता जाहिरात/अधिसूचनेतील अर्हता/अटी व शर्तीनुसार मूळ कागदपत्राच्या आधारे तपासली जाईल आणि अर्जातील दाव्यानुसार मूळ कागदपत्र सादर करणाऱ्या उमेदवारांची मुलाखत घेतली जाते.

मुलाखतीसाठी पात्र ठरणाऱ्या उमेदवारांची मुलाखती आयोगाच्या कार्यक्रमानुसार तसेच आयोगाने निश्चित केलेल्या ‌ठिकाणी व वेळेस घेण्यात येते. शारीरिक चाचणी व मुलाखत एकाच दिवशी घेण्यात येते. 
 

शारीरिक चाचणी - एकूण गुण १०० 
अ) पुरुषांसाठी 
१) गोळाफेक (वजन ७.२६० किलो) - अंतर ७.५० केल्यास १५ गुण 
२) पुल अप्स (८ पुल अप्स प्रत्येकी २.५ गुण एकूण २० गुण 
३) लांब उडी ४.५० मी. एकूण गुण १५ गुण 
४) धावणे ८०० मी. वेळ २ मिनिटे ३० सेकंद ५० गुण 
एकूण १०० गुण 
 

ब) महिलांसाठी 
१) गोळाफेक (वजन ४ कि. ग्रॅ) अंतर ६ मी. २० गुण 
२) धावणे २०० मी. वेळ ३५ सेकंद ४० गुण 
३) चालणे ३ किमी. वेळ २३ मिनिटे ४० गुण 
एकूण १०० गुण 
मुलाखतीस पात्र होण्यासाठी शारीरिक चाचणीमध्ये किमान ५० गुण मिळविणे आवश्यक आहे. 

 

शारीरिक चाचणीची तयारी - 
पुरुषगटासाठी ८०० मी. धावणे व महिला गटासाठी ३ किमी. प्रकारे नियोजनबद्ध सरावाची आवश्यकता असते. ८०० मी. धावणे २ मिनिटे ३० सेकंद या वेळेत पूर्ण केल्यास ५० हे पूर्ण गुण मिळतात. अन्यथा प्रत्येक १० सेकंदाच्या फरकाने ६-६ गुण कमी होत जातात. धावण्यासाठी आपले शरीर अधिक बळकट असणे गरजेचे आहे.

शरीराची बळकटी योग्य शारीरिक सराव व तेवढाच योग्य आहाराचे सेवन केल्याने साध्य करता येते. बऱ्याच वेळा परीक्षार्थी शारीरिक चाचणीचा सराव करताना आहाराकडे हवे तसे पुरेसे लक्ष्य देत नाही. परंतु परिपूर्ण प्रोटिनयुक्त आहार घेतला तरच उर्जा व स्नायुंची बळकटी होऊ शकते. शारीरिक चाचणीचा सराव अनुभवी व तज्ज्ञ मार्गदर्शनाखाली करणे जास्त उचित ठरते. 
 

शारीरिक चाचणीचा सराव करताना आपल्या मानसिकतेचा सुद्धा कस लागतो. मनामध्ये आपल्या योग्यतेविषयी कोणतीही शंका न ठेवता आपला १०० टक्के परफॉर्मन्स देणे महत्त्वाचे असते. 'खेळायचे ते जिंकण्यासाठी'या जिद्दीने आपण शारीरिक चाचणीस सामोरे जायचे आहे. युद्ध नितीत असे म्हणतात की कोणतेही लढाई ही पहिले मनातून व मेंदूने जिंकणे गरजेचे आहे. मग ते प्रत्यक्षात उतरवता येते. तसेच शारीरिक चाचणीसाठी आपण पूर्णपणे मनाने खंबीर होऊन Never give up हा अॅटिट्यूट ठेवून मैदानात उतरणे महत्त्वाचे आहे. 
 

शारीरिक चाचणीनंतर त्याच दिवशी मुलाखत घेतली जाते शारीरिक चाचणीत जर योग्य गुण मिळाले तर मुलाखतीला सामोरे जाताना आपोआप आपला आत्मविश्वास वाढलेला असतो. याचे Positive Impression आपल्या मुलाखतीत दिसून येते. यामुळे शारीरिक चाचणीत योग्य गुण मिळविणे जास्त उपयुक्त ठरते. 
 

मुलाखत ही साधारणतः आयोगाचे सदस्य व त्यांच्यासोबत पोलिस खात्यातील वरिष्ठ पदावरील अधिकारी मिळून घेतली जाते. मुलाखतीत प्रामुख्याने आपल्या प्रोफाइलमधील म‌ाहितीच्या आधारे प्रश्न विचारले जातात. आपल्या प्रोफाइलमधील शिक्षण, पदवी त्यासंबंधीची माहिती, आपण ज्या प्रदेशातून आलो त्याबद्दलची माहिती, आपल्या पदवीचा पोलिस खात्यात उपयोग कसा करता येईल? पोलिस उपनिरीक्षक पदाच्या जबाबदाऱ्या व कर्तव्य याची माहिती. तसेच तुम्हाला हे पद का हवे आहे? इत्यादी बाबींवर साधारण प्रश्न विचारलेले जातात. मुलाखतीचा प्रमुख हेतू तुमचे ज्ञान पडताळणे नसून तुमच्या व्यक्तिमत्त्वाची चाचणी घेणे आहे. 
 

तुम्ही शिक्षण कसे, कोठून, कोणत्या विषयात, पूर्ण केले? शिक्षणासोबतच इतर काही curriculum मध्ये सहभागी होता का? तुमच्या आवडी, छंद किंवा तुम्ही तुमच्या शाळा, विद्यालयातील खेळ, कार्यक्रमातील सहभाग इ. बाबींचा सुद्धा व्यक्तीमत्त्व चाचणीत विचार केला जातो. याशिवाय सध्याच्या चालू घडामोडीविषयी तुम्ही किती जागृत आहात, सध्याची कायदा सुव्यवस्था स्थिती, तुमचे मत काय? त्यातील अडचणी काय? तुम्ही काय उपाय सुचवाल इत्यादी स्वरूपाचे प्रश्नांचासुद्धा समोवश केला जाऊ शकतो. 
 

मुलाखल पॅनल प्रश्नाच्या आधारे तुमचे व्यक्तिमत्त्व पीएसआय पदासाठी साजेशे आहेत का? त्या आधारे मुलाखतीला गुण देत असतात. 
अशाप्रकारे २०० गुणांची मुख्य, १०० गुणांची शारीरिक चाचणी आणि ४० गुणांची मुलाखत एकूण ३४० गुणांपैकी पीएसआय पदासाठी निवड केली जाते.

राज्यसेवा मुख्य परीक्षेत भाषेची बहुपर्यायी, दिर्घोत्तरी प्रश्नपत्रिका

maharashtra-public-service-commission-announced the new format of stete service main exam

27434  

महाराष्ट्र लोकसेवा आयोगाकडून नवे स्वरूप जाहीर:-
महाराष्ट्र लोकसेवा आयोगाकडून घेण्यात येणाऱ्या राज्यसेवा मुख्य परीक्षेच्या भाषा विषयाच्या प्रश्नपत्रिकेचे स्वरूप आयोगाने बदलले असून, आता भाषेची परीक्षा बहुपर्यायी आणि दीघरेत्तरी अशी मिश्र स्वरूपाची असणार आहे. भाषेचे गुण अंतिम निकालातही ग्राह्य़ धरण्यात येणार आहेत. त्याचप्रमाणे उणे मूल्यांकनही केले जाणार आहे.
आयोगाच्या राज्यसेवा मुख्य परीक्षेतील भाषा विषयांच्या परीक्षेलाही बहुपर्यायी स्वरूपाचे प्रश्न विचारण्याचे आयोगाने जाहीर केले होते. याबाबत जून २०१५मध्ये आयोगाने परिपत्रकही काढले होते. उत्तरपत्रिकांची तपासणी लवकरात लवकर होऊन वेळेवर निकाल जाहीर करणे शक्य व्हावे, त्याचप्रमाणे बहुपर्यायी स्वरूपामुळे मूल्यमापनातही अधिक पारदर्शकता आणण्याच्या हेतूने प्रश्नपत्रिकेचे स्वरूप बदलण्याचे आयोगाच्या विचाराधीन होते.

प्रश्नपत्रिकेचे स्वरूप कसे असावे याबाबत आयोगाने विद्यार्थी, शिक्षकांनाच विचारार्थ पर्याय देऊन सूचना मागवल्या होत्या. आलेल्या सूचनांचा विचार करून आयोगाने प्रश्नपत्रिकेचे अंतिम स्वरूप जाहीर केले आहे.
नव्या स्वरूपानुसार भाषा विषयांची परीक्षा दोन भागांत घेण्यात येणार आहे. पहिल्या भागांत मराठी आणि इंग्रजीचे प्रत्येकी ५० गुणांचे दीघरेत्तरी प्रश्न विचारण्यात येतील. त्यामध्ये निबंध लेखन, सारांश लेखन, भाषांतर यांचा समावेश आहे. दुसऱ्या भागांत दोन्ही भाषांचे प्रत्येकी ५० गुणांचे बहुपर्यायी प्रश्न विचारण्यात येणार आहेत.

शंभर गुणांच्या या प्रश्नपत्रिकेत १ ते ५० क्रमांकाचे प्रश्न हे मराठी भाषेचे, तर ५१ ते १०० क्रमांकाचे प्रश्न हे इंग्रजी भाषेचे असणार आहेत. व्याकरण, म्हणी, वाक्प्रचार, शब्दांचा उगम, समानार्थी आणि विरुद्धार्थी शब्द, शुद्धलेखन, विरामचिन्हे, शब्दार्थ यांवर आधारित प्रश्न विचारण्यात येणार आहेत. बहुपर्यायी प्रश्नांसाठी उणे मूल्यांकनही (निगेटिव्ह मार्किंग) राहणार असून, तीन चुकीच्या उत्तरांसाठी १ गुण कमी होणार आहे.

भाषेचे एकूण २०० गुण अंतिम गुणांमध्येही ग्राह्य़ धरण्यात येणार आहेत. सप्टेंबरमध्ये होणाऱ्या मुख्य परीक्षेमध्ये नव्या स्वरूपातील प्रश्नपत्रिका असणार आहे. आयोगाच्या संकेतस्थळावर बदललेले स्वरूप जाहीर करण्यात आले आहे.

परीक्षेचे स्वरूप:-

  1. भाषेची एकूण २०० गुणांची परीक्षा
  2. शंभर गुणांच्या दोन प्रश्नपत्रिका, प्रत्येकासाठी ३ तास वेळ
  3. पहिली प्रश्नपत्रिका दीघरेत्तरी, दुसरी बहुपर्यायी
  4. प्रत्येक प्रश्नपत्रिकेत मराठी आणि इंग्रजी भाषेसाठी प्रत्येकी पन्नास गुणांचे प्रश्न
  5. बहुपर्यायी प्रश्नपत्रिकेत दोन्ही भाषांचे प्रत्येकी ५० प्रश्न, प्रत्येक प्रश्नाला १ गुण
  6. बहुपर्यायी प्रश्नपत्रिकेसाठी उणे मूल्यांकन, तीन चुकीच्या उत्तरांसाठी १ गुण वजा


Top