best mpsc classes
best upsc classes
best upsc classes
best banking classes
mpsc upsc classes in kalyan

05-Mar-2018 चालू घडामोडी


BJP won in Tripura, hung state in Nagaland, Meghalaya

2007   05-Mar-2018, Mon

  1. त्रिपुरा, नागालँड आणि मेघालय या राज्यात 60 जागांसाठी विधानसभा निवडणुका अलीकडेच लढवल्या गेल्या आहेत.
  2. निवडणुकीचे परिणाम: - 
    1. त्रिपुरा :-
      1. त्रिपुरात 60 पैकी 59 जागांसाठी झालेल्या निवडणुकीत भारतीय जनता पक्षाने (भाजप/BJP) ने सर्वाधिक 43 जागा जिंकत निर्विवाद वर्चस्व प्रस्थापित केले आहे.
      2. तर इतर पक्षांना केवळ 16 जागांवर विजय मिळविता आला. त्रिपुरात गेली 25 वर्ष सत्तेत असलेल्या CPM ला 16 जागांवर समाधान मानावे लागले.
    2. नागालँड :-
      1. नागालँडमध्ये 60 पैकी 59 जागांसाठी झालेल्या निवडणुकीत नागा पीपल्स फ्रंट (NPF) आघाडीला सर्वाधिक 29 जागा मिळाल्या आहेत.
      2. तर भाजप आणि NDPP या युतीने 24 जागांवर विजय मिळवला आणि अन्य पक्षाने 1 जागा जिंकली. मात्र काँग्रेसला एकही जागा मिळवता आलेली नाही.
    3. मेघालय:- 
      1. मेघालयमध्ये 60 पैकी 59 जागांसाठी झालेल्या विधानसभा निवडणुकीत सध्या त्रिशंकू अवस्था पाहायला मिळत आहे.
      2. काँग्रेसने 21 जागांवर विजय मिळवला. NPP 19 जागा, तर इतर पक्षांना 17 जागा मिळाल्या. भाजपला येथे केवळ 2 जागा मिळाल्या आहेत.

विधानसभा निवडणूक
  1. भारतातली विधानसभा निवडणूक म्हणजे ती निवडणूक ज्यामध्ये भारतीय मतदाता विधानसभा (किंवा विधिमंडळ / राज्य विधानसभा) मधील सदस्यांची निवड करतो.
  2. ही निवडणुक दर 5 वर्षांनी आयोजित केली जाते आणि विधानसभेच्या सदस्यांना आमदार (MLA) म्हणून संबोधले जाते.
  3. विधानसभा निवडणुका सर्व राज्ये आणि केंद्रशासित प्रदेशांमध्ये एकाच वर्षी घेतल्या जात नाहीत.
  4. विधानसभा निवडणुका या देशातील 29 राज्यांमध्ये आणि 7 केंद्रशासित प्रदेशांपैकी 2 (दिल्ली आणि पुडुचेरी) मध्ये आयोजित केल्या जातात.


Cabinet Approval for 'Fiscal Economic Criminal Bill 2018'

2269   05-Mar-2018, Mon

  1. पंतप्रधान नरेंद्र मोदी यांच्या अध्‍यक्षतेत केंद्रीय मंत्रिमंडळाने संसदेत ‘फरारी आर्थिक गुन्हेगार विधेयक 2018’ चर्चेसाठी मांडण्यासाठी वित्‍त मंत्रालयाला परवानगी दिली आहे.
  2. स्वत:हून कारवाईस सामोरे गेल्यास दोषीला दिल्या जाणार्‍या सवलती:-
    1. मात्र, अश्या प्रकरणात एखादी व्यक्ती फरारी घोषित होण्याआधीच कोणत्याही वेळी, ती व्यक्ती भारतात परत आली आणि सक्षम न्‍यायालयापुढे हजर होत असल्यास, त्या परिस्थितीत प्रस्‍तावित कायद्यांतर्गत कायदेशीर कारवाई थांबविण्यात येईल.
    2. विधेयकात अधिवक्‍ताच्या माध्यमातून व्यक्तीला सुनावनीची संधी, उत्‍तर दाखल करण्यासाठी वेळ प्रदान करणे, त्या व्यक्तीला भारत वा परदेशात बोलावणे पाठवणे आणि उच्‍च न्‍यायालयात याचिका दाखल करणे यासारख्या सर्व आवश्‍यक संवैधानिक संरक्षण उपाय तरतुदी आहेत.
    3. तसेच कायदेशीर तरतुदींच्या अनुपालनात संपत्तीचे व्यवस्थापन व निवारणासाठी प्रशासनाची नियुक्ती करण्यासंबंधी तरतूद आहे.
  3. विधेयकाचे परिणाम:-
    1. विधेयकामुळे भारतीय न्‍यायालयांच्या कार्यक्षेत्रा बाहेर असणार्‍या भारतीय न्याय प्रक्रियेपासून बचावणार्‍या आर्थिक गुन्हेगारी प्रवृत्तीला प्रतिबंध करण्यासाठी कडक उपाययोजना करण्यामध्ये मदत मिळणार आहे.
    2. देश सोडून फरार झालेल्या अश्या गुन्हेगारांना देशात परत आणण्याकरिता प्रयत्न केले जाणार आणि ते निर्दिष्ट गुन्ह्यांसाठी असणार्‍या न्याय कारवाईला सामोरे जाण्यास बाध्‍य होतील.
    3. विधेयकामुळे अश्या गुन्हेगाराकडून केलेल्या वित्‍तीय चुकांमध्ये समाविष्ट रक्कम वसूल करण्यामध्ये बँका व अन्‍य वित्‍तीय संस्थांना मदत होणार आहे.
‘फरारी आर्थिक गुन्हेगार विधेयक 2018’
  1. ठळक बाबी:-
  2. अश्या प्रकारच्या अपराधांमध्ये एकूण 100 कोटी रुपये अथवा त्याहून अधिक रकमेसंबंधित गुन्हे या विधेयकाच्या कार्यक्षेत्रात आणले जातील.
  3. विधेयकात एक न्‍यायालय (आर्थिक फसवणूक प्रतिबंधक अधिनियम-2002 अन्वये विशेष न्‍यायालय) ची तरतूद आहे.
  4. कोणतीही व्यक्ती फरारी आर्थिक गुन्हेगार म्हणून घोषित झाल्यानंतर विशेष न्‍यायालयापुढे अर्ज करणे.
  5. गुन्ह्यात फरारी आर्थिक गुन्हेगार म्हणून घोषित झालेल्या व्यक्तीची संपत्ती जप्त करणे.
  6. फरारी आर्थिक गुन्हेगार म्हणून घोषित झालेल्या व्यक्तीला विशेष न्‍यायालयाकडून सूचनापत्र देणे.
  7. गुन्ह्याच्या परिणामस्‍वरूप उद्भवलेल्या अकार्यक्षम मालमत्तेमुळे फरारी आर्थिक गुन्हेगार म्हणून घोषित झालेल्या व्यक्तीची संपत्ती जप्त करणे.
  8. अश्या गुन्हेगारांची बेनामी संपत्ती सोबतच भारत आणि परदेशात असलेली अन्‍य संपत्ती जप्त करणे.
  9. फरारी आर्थिक गुन्हेगाराला कोणत्याही नागरी दाव्यासंबंधी बचाव करण्यापासून अपात्र बनवणे.
  10. कायद्यांतर्गत जप्त केलेल्या संपत्तीचे व्यवस्थापन व निवारणासाठी एक प्रशासन व्यवस्था नियुक्‍त केली जाईल.


India's decline in QS World University Rankings

1983   05-Mar-2018, Mon

  1. ‘द क्यूएस वर्ल्ड युनिव्हर्सिटी रँकिंग २०१८’मध्ये प्रतिष्ठित भारतीय तंत्रज्ञान संस्थेची (आयआयटी) गेल्या वर्षीच्या तुलनेत अनेक विषयांमध्ये घसरण झाल्याचे दिसून आले आहे.
  2. इंडियन इन्स्टिटय़ूट ऑफ टेक्नॉलॉजी (इंडियन स्कूल ऑफ माइन्स) आणि आयआयटी खरगपूर या ‘अभियांत्रिकी-खनिज व खाणकाम’ या विषयात पहिल्या ५० क्रमांकातील स्थान राखण्यात यशस्वी झाल्या असल्या, तरी त्यांची क्रमवारी घसरली आहे.
  3. या यादीत आयआयटी (आयएसएम) २९व्या, तर आयआयटी खरगपूर ४०व्या क्रमांकावर आहे.
  4. गेल्या ४ वर्षांशी तुलना करता, विषयनिहाय श्रेणीच्या यादीत पहिल्या ५०मध्ये स्थान मिळवण्यात केवळ ३ भारतीय संस्था यशस्वी ठरल्या आहेत. त्याचप्रमाणे यंदा केवळ २० भारतीय संस्था सर्वोच्च १००च्या यादीत आहेत.
  5. ‘इलेक्ट्रिकल व इलेक्ट्रॉनिक अभियांत्रिकी’ या विषयाने सर्वोत्तम कामगिरी केली असून, टॉप १०० मधील ३ विद्यापीठांसह १० विद्यापीठांनी या यादीत स्थान मिळवले आहे.
  6. ४८ विषयांतील आयआयटीच्या ८० विभागांनी क्यूएस रँकिंगमधे जागा मिळवली असली, तरी २५ प्रकरणांत त्यांचे स्थान घसरले आहे.

 


India's economy will grow at 7.6 percent in 2018: Moody's

2292   05-Mar-2018, Mon

  1. भारताची अर्थव्यवस्था २०१८मध्ये ७.६ टक्के दराने वाढेल असा अंदाज मूडीज या आंतरराष्ट्रीय पतनिर्धारण संस्थेने व्यक्त केला आहे.
  2. नोटाबंदी आणि जीएसटी प्रणाली यांच्या धक्क्यातून भारतीय अर्थव्यवस्था सावरली असल्याचे व स्थिती सुधारत असल्याचे मूडीजने म्हटले आहे.
  3. भारतासारख्या विकसनशील देशांमध्ये विदेशी गुतंवणूकदार गुंतवणूक करताना आंतरराष्ट्रीय पतनिर्धारण संस्थांच्या रेटिंग्जना व अंदाजाला महत्त्व देत असल्यामुळे या अहवालाला महत्त्व आहे.
  4. नोटाबंदीमुळे विशेषत: ग्रामीण अर्थव्यवस्थेला झळ बसली होती. मात्र, बजटेमध्ये ग्रामीण भारतासाठी चांगल्या तरतुदी असून त्याचा अपेक्षित परिणाम दिसेल आणि ग्रामीण अर्थव्यवस्था रुळावर येईल असे मूडीजने ग्लोबल ग्रोथ फोरकास्टमध्ये नमूद केले आहे.
  5. मूडीजच्या अंदाजानुसार २०१८मध्ये भारतीय अर्थव्यवस्था ७.६ टक्क्यांनी तर २०१९मध्ये ७.५ टक्क्यांनी वाढेल.
  6. यापूर्वी भारतीय अर्थव्यवस्थेत व यंत्रणांमध्ये सुधारणा होत असल्याचे सांगत १३ वर्षांमध्ये प्रथमच नोव्हेंबर २०१७मध्ये मूडीजने भारताच्या रेटिंगमध्ये वाढ केली होती.


Shankaracharya Jayendra Saraswati dies of Kanchi Kamkoti Peeth

2318   05-Mar-2018, Mon

  1. शेकडो वर्षांची परंपरा असलेल्या कांची कामकोटी पीठाचे शंकराचार्य जयेंद्र सरस्वती यांचे हृदयविकाराच्या तीव्र झटक्याने २८ फेब्रुवारी रोजी वयाच्या ८२व्या वर्षी निधन झाले.
  2. जयेंद्र सरस्वती यांचा जन्म १८ जुलै १९३५ रोजी तामिळनाडूमधील इरुलनीकी गावामध्ये झाला. दक्षिण भारतात त्यांचे मोठ्या प्रमाणात अनुयायी होते.
  3. मठाचे ६८वे शंकराचार्य चंद्रशेखरेंन्द्र सरस्वती यांनी १९५४साली जयेंद्र सरस्वती यांना कांची मठाच्या पीठाधीपती पदावर नियुक्त केले.
  4. जयेंद्र सरस्वतींचे मूळ नाव सुब्रमण्यन महादेव अय्यर होते. चंद्रशेखरेंन्द्र यांनीच सुब्रमण्यन यांना जयेंद्र सरस्वती हे नाव दिले.
  5. चंद्रशेखरेंद्र सरस्वती यांच्या निधनानंतर १९९४पासून जयेंद्र सरस्वती यांनी कांची कामकोटी पीठाचे शंकराचार्यपद सांभाळले. ते या पीठाचे ६९वे शंकराचार्य होते.
  6. जयेंद्र सरस्वती यांच्या निधनामुळे आता विजयेंद्र सरस्वती हे पद सांभाळतील. १९८३साली जयेंद्र सरस्वती यांनी विजयेंद्र सरस्वती यांना मठाचे उत्तराधिकारी म्हणून घोषित केले होते.
  7. देशात अयोध्येच्या प्रश्नासह हिंदू धर्मावर परिणाम करणाऱ्या विषयांवर त्यांच्या भूमिकेला मोठे महत्व प्राप्त झाले होते.
  8. कांचीपुरम वरदराजन पेरूमल मंदिराचे व्यवस्थापक शंकररामन खून प्रकरणी सरस्वती यांना २००४मध्ये अटक झाली होती. ५ जानेवारी २००५पर्यंत ते तुरुंगात होते.
  9. नंतर त्यांना जामीन मिळाल्यावर २०१३मध्ये पुडुचेरीच्या विशेष न्यायालयाने त्यांना या आरोपातून निर्दोष मुक्त केले.
  10. सुमारे अडीच हजार वर्षांपूर्वी आदी शंकराचार्य यांनी कांची कामकोटी पीठाची स्थापना केल्याचे मानले जाते. या पीठाकडून शाळा, रुग्णालये चालविली जातात.


The Importance of Today's Day in History 4

2324   05-Mar-2018, Mon

  1. महत्वाच्या घटना:-
    1. १५५८: फ्रान्सिस्को फर्नांडिस यांनी धुम्रपान बनवण्यात पहिल्यांदा तंबाखूचा वापर केला.
    2. १६६६: छत्रपती शिवाजी महाराज यांनी रायगडावरून आग्र्याला प्रयाण केले.
    3. १८५१: जिओलॉजीकल सर्व्हे ऑफ इंडिया ची स्थापना झाली.
    4. १९३१: दुसर्‍या गोलमेज परिषदेपुर्वी गांधी-आयर्विन करार झाला.
    5. १९३३: भयानक मंदीमुळे अमेरिकेचे राष्ट्राध्यक्ष फ्रँकलिन डी. रुझव्हेल्ट यांनी सर्व बँका काही दिवसांसाठी बंद केल्या व आर्थिक व्यवहारांवर बंदी घातली.
    6. १९६६: म्हैसूरचे राजे वाडियार यांचा बंगळुरूमध्ये असेलेला राजवाडा सरकारच्या ताब्यात घेण्याचा विधेयक मंजूर झाला.
    7. १९९७: संत ज्ञानेश्वरांची प्रतिमा असलेले टपाल तिकीट प्रकाशीत झाले.
    8. १९९७: धार्मिक जनजागृतीबद्दल दिला जाणारा जॉन एम. टेम्पलटन पुरस्कार पांडुरंगशास्त्री आठवले यांना जाहीर करण्यार आला.
    9. १९९८: रशियाकडून घेतलेल्या सिंधुरक्षक पाणबुडीचे मुंबईत आगमन झाले.
    10. २०००: कर्नाटकातील कैगा अणू वीजप्रकल्प पंतप्रधान अटलबिहारी वाजपेयी यांच्या हस्ते देशाला समर्पित केला.
  2. जन्म:-
    1. १५१२: नकाशाकार आणि गणितज्ञ गेर्हाट मार्केटर यांचा जन्म. (मृत्यू: २ डिसेंबर १५९४)
    2. १८९८: चीनचे राष्ट्राध्यक्ष चाऊ एन लाय यांचा जन्म. (मृत्यू: ८ जानेवारी १९७६)
    3. १९०८: ब्रिटिश आणी अमेरिकन रंगभूमीवरील आणि हॉलिवूड चित्रपटांतील अभिनेते सर रेक्स हॅरिसन यांचा जन्म. (मृत्यू: २ जून १९९०)
    4. १९१०: संपादक श्रीपाद वामन काळे यांचा जन्म.
    5. १९१३: किरण घराण्याच्या शास्त्रीय गायिका गंगुबाई हनगळ यांचा जन्म. (मृत्यू: २१ जुलै २००९)
    6. १९१६: ओरिसाचे मुखमंत्री आणि स्वातंत्र्य सेनानी बिजू पटनायक यांचा जन्म. (मृत्यू: १७ एप्रिल१९९७)
    7. १९७४: अभिनेता हितेन तेजवानी यांचा जन्म.

दिनांक

दि हिंदू the indian express लोकसत्ता महाराष्ट्र टाइम्स My Government aple sarkar mahaonline

All Rights Reserved @ Reliable Academy, Designed by Accunity Services.


Top